Genesis 32:6 - Yak'usda Ooghuni

⁶ ꞋEt nyoonne nukhuni nuꞌane Jacob highu nandil ꞌinkꞌez ꞌuhuyulhni, “Nyulhutsin Esau ooghuznindil. Didut cha ndiz nyudutiyalh, dit whunizyat whunizyat (400) ꞌet ꞌenne dune hiyulhtidulh.”

Genesis 32:6 Iomraidhean Croise

Genesis 31:18

ꞋInkꞌez ndai la khuna-i yutꞌi-i ꞌinkꞌez oogha ininkat-i cha, njan keyoh Paddan Aram ndi khuna-i oogha ininkat-i, oobá Isaac, Canaan keyoh tsꞌe, whuz whe naja.

Genesis 32:11

Ntsꞌu tenadusdli sulhutsin Esau, ꞌen oola ꞌi chꞌa. ꞋEn be nuzjut doo ka sih ndiz sghu ninya ꞌinkꞌez seooyaꞌ ꞌinkꞌez suzkeh buloo tubulh.

Genesis 32:7

ꞋEt Jacob tubeh nilhjoot ꞌinkꞌez huwu ni suliꞌ, duduneꞌ tsꞌiyawh nawh hidulh whe lhkꞌebanla, ndai la khuna-i ꞌinkꞌez musdoos cha tsꞌiyawh nyokhi camel ꞌi cha nawh ukulh whe lhkꞌeyanla.

Genesis 32:8

ꞋInkꞌez ꞌutni, “Esau njan ꞌilhoh ꞌudulhne bughu ninya ꞌinkꞌez whe buninghan de, ꞌonghuni ꞌudun ulhꞌus-i ꞌi la yuchꞌa nintaoolhghas.”

Genesis 33:1

ꞋEt Jacob ndo yutanꞌen whe dulhutsin Esau ꞌaz de uyalh yutilhꞌen, dit whunizyai whunizyat (400) dune ꞌet ꞌuhultsuk, ꞌenne hiyulh udulh whe ꞌet duduzke lhkꞌebanla, Leah cha, Rachel cha ꞌinkꞌez nyoonne nane buba ꞌutꞌenne cha butabuninla.

Genesis 33:15

ꞋInkꞌez Esau ꞌutni, “Ndunne sulh nudilhne, oolohne nzih neboslelh.” ꞋEt hoontsꞌi ꞌutni, “Smoodih, ꞌawundooh, sooꞌ hoontꞌoh! Soo cho sunoolhꞌen sih.”

Genesis 33:8

ꞋEt Esau ꞌutni, “Daja ninzun whe ndi lheltsuk-i nyulh ꞌuhintꞌoh?” ꞋEt ꞌuyulhni, “ꞋI bududisya, ꞌet de la soo cho sunolhꞌen smoodih.”

Genesis 34:11

ꞋEt Schechem ꞌen cha Dinah oobá ꞌinkꞌez bulhutsinke ꞌenne ꞌubulhni, “Nohba ꞌuszoo ooleꞌ. Daja suduhni-un ꞌet la nohgha ooslelh.

Genesis 47:25

ꞋEt ꞌuhutni, “Be tsꞌukhuna-i silhyih. Nemoodih ba soo tsꞌinzoo tsꞌooleꞌ ꞌinkꞌez ba ꞌutꞌenne tsꞌooleꞌ.”