Genesis 32:5 - Yak'usda Ooghuni

⁵ Khuna-i lhai ꞌustꞌi, musdoos cha, donkey cha, ꞌinkꞌez dune ꞌinkꞌez tsꞌekoo sba ꞌutꞌenne cha, hoonintꞌiꞌ whe la sonꞌen ꞌinka ntsꞌun whebisꞌaꞌ.”’”

Genesis 32:5 Iomraidhean Croise

Genesis 30:43

ꞋEt dune tube hoonzooꞌ ꞌuntꞌoh suliꞌ. Ndai la khuna yutꞌi-i lhai suliꞌ. Tsꞌekoo ꞌinkꞌez dune yuba ꞌutꞌenne cha ꞌinkꞌez nyoo khuna-i camel huyulhni, ꞌi cha ꞌinkꞌez donkey huyulhni, ꞌohwhi cha lhai suliꞌ.

Genesis 31:16

Ndai be hoonzooꞌ hoontꞌoh-i Yakꞌusda (Elohim) ꞌubá yughu yilhchoot, ꞌi tsꞌiyawh nechꞌeꞌ ꞌuntꞌoh neuzkehne ba cha, ꞌet ꞌandit Yakꞌusda (Elohim) daja nyulhni la ꞌet whuz unꞌa ꞌet ndoneh.”

Genesis 31:3

ꞋEt Moodihti (Yahweh) Jacob ꞌuyulhni, “Mbá ooyun kꞌut tsꞌe naindalh, nyunchꞌoh nyunatneke butoh tsꞌe ꞌinkꞌez nyulh ꞌutistꞌelh.”

Genesis 33:11

Ndi soo hoonzoo-i sgha whultsꞌut ngha nusꞌai-i ilhchoot, Yakꞌusda (Elohim) tube stsꞌun nzoo inleꞌ ꞌinkꞌez tsꞌiyai lhai ꞌustꞌi.” ꞋEt doo cha ꞌuyulhni, ꞌinka yilhchoot.

Genesis 33:15

ꞋInkꞌez Esau ꞌutni, “Ndunne sulh nudilhne, oolohne nzih neboslelh.” ꞋEt hoontsꞌi ꞌutni, “Smoodih, ꞌawundooh, sooꞌ hoontꞌoh! Soo cho sunoolhꞌen sih.”

Genesis 33:8

ꞋEt Esau ꞌutni, “Daja ninzun whe ndi lheltsuk-i nyulh ꞌuhintꞌoh?” ꞋEt ꞌuyulhni, “ꞋI bududisya, ꞌet de la soo cho sunolhꞌen smoodih.”

Genesis 47:25

ꞋEt ꞌuhutni, “Be tsꞌukhuna-i silhyih. Nemoodih ba soo tsꞌinzoo tsꞌooleꞌ ꞌinkꞌez ba ꞌutꞌenne tsꞌooleꞌ.”

Luke 12:45

ꞋEt hoontsꞌi ndun be ꞌulhna-un dichꞌoh dudzi yo whe ꞌet nduninzun de, ‘Smoodih saꞌ stla whusanádaih.’ ꞋInkꞌez ꞌet dune oomoodih yuba ꞌutꞌenne ꞌinkꞌez tsꞌekoo yuba ꞌutꞌenne cha whéboonilhtsus. ꞋInkꞌez whéꞌ niꞌulh ꞌinkꞌez tatnai, ꞌinkꞌez tanutnih,