Genesis 32:4 - Yak'usda Ooghuni

⁴ ꞋInkꞌez ꞌubulhni, “Smoodih Esau njan dudohniꞌ, ‘Nyunatneꞌutꞌen-un Jacob njan ndutni, “Laban ꞌen oozih hoostꞌeꞌ ꞌinkꞌez ꞌet usda ꞌandit whutsꞌun.

Genesis 32:4 Iomraidhean Croise

Genesis 23:6

“Nemoodih, neoozilhtsꞌai, lerwe yeꞌ dune uncha-un inli whe ꞌintꞌoh netoh, ndet hukwaꞌ ninzun-un hoonzoo-un ꞌet nghu yaidlane ꞌabinle, ꞌaw nchꞌa tsꞌuhotun ꞌaitꞌoh. Dune ꞌatanlelh-un ꞌet si nghu yaidlane ꞌabonlelh.”

Genesis 25:30

ꞋEt Esau ꞌen Jacob ꞌuyulhni, “Sla ꞌinleh whe nyutazul dulkꞌun, ꞌi za sunailꞌalh, tube nenisai ꞌet huwa.” ꞋEt huwa booziꞌ ꞌi Edom tsꞌutni.

Genesis 27:29

Dune cha nyunat neꞌhootꞌen ꞌinkꞌez didohne cha mba nacha hunooldulh. Nyulhutsinke cha bumoodih ꞌonleꞌ, ꞌinkꞌez nloo buzkeh, ꞌenne cha mbut nacha hunooldulh. Mbene la nkꞌehuyihne ꞌenne cha bukꞌehoodeh, mbene la soo hoonzoo-un ntsꞌun hutizooꞌ, ꞌenne cha soo hoonzoo-un bugha hóotaltsꞌulh.”

Genesis 27:37

ꞋEt Isaac ꞌen Esau ꞌuyulhni, “A, nyumoodih susi. Bulhutsinke ꞌenne cha hibut neꞌtitꞌen whuzusi. Ha nuyeh cha ꞌinkꞌez tsꞌekoo tooꞌ cha tsꞌiyawh ꞌi oogha inusla. Syeꞌ, ndet mba dawhutislelh?”

Genesis 31:41

Nyoh nat whunizyat (20) yus kꞌut ꞌet ꞌistꞌen, whunizyat ꞌon ꞌat dit (14) yus kꞌut ꞌet ntseꞌ bukꞌelha ꞌistꞌen, ꞌinkꞌez lhkꞌu tat (6) yus kꞌut cha ndi khuna-i cha ookꞌelha ꞌistꞌen. Whunizyat (10) ꞌet ookꞌelha ꞌustꞌen-un lhelhtsꞌun unꞌa naꞌhoonla.

Genesis 32:18

ꞋEt ꞌudoohniꞌ, ‘Mba ꞌutꞌen-un Jacob oochꞌeꞌ ꞌuntꞌoh. Oomoodihti Esau tsꞌotlꞌa yanla, ꞌinkꞌez whunilhꞌen ꞌudekꞌoh nehuniyalh.’”

Genesis 32:5

Khuna-i lhai ꞌustꞌi, musdoos cha, donkey cha, ꞌinkꞌez dune ꞌinkꞌez tsꞌekoo sba ꞌutꞌenne cha, hoonintꞌiꞌ whe la sonꞌen ꞌinka ntsꞌun whebisꞌaꞌ.”’”

Genesis 33:14

Whute smoodih! Stso inyalh, mba ꞌutꞌen-un ootso inyalh, ꞌinkꞌez ndune butso toosyaꞌ sih nanilhtsulyaz, khuna-i cha ꞌinkꞌez tsꞌoodunne cha, ndet la buba sooꞌ hoontꞌoh-un ꞌinkꞌez smoodih keyoh Seir ꞌet la ooghosyaꞌ.”

Genesis 33:8

ꞋEt Esau ꞌutni, “Daja ninzun whe ndi lheltsuk-i nyulh ꞌuhintꞌoh?” ꞋEt ꞌuyulhni, “ꞋI bududisya, ꞌet de la soo cho sunolhꞌen smoodih.”

Genesis 36:8

ꞋInka Esau ꞌen Dzulh Seir ꞌet whutꞌi, Esau ꞌen Edom ꞌuntꞌoh.

Genesis 36:9

ꞋInkꞌez ndi ꞌi Esau tsꞌu haindene Edom whutꞌenne bubá, Mount Seir huwhutꞌi.

Genesis 4:7

Soo ꞌantꞌen, ꞌaw lakw ꞌuyoo neba lheꞌhootazooꞌ? ꞋEt ꞌaw soo lheꞌzintꞌen de, ꞌutꞌen untsiꞌ-i dati ꞌusꞌai whe ꞌuntꞌoh. ꞋInkꞌez nkaꞌ ninzun whe ꞌuntꞌoh, ꞌet hoontsꞌi whuchꞌa whumoodih ꞌonleꞌ.”

Luke 14:11

ꞋEt mbe la ncha naꞌdudilꞌi-un, ꞌen yooya tileh. ꞋInkꞌez mbe la teꞌ dudilꞌen-un, ꞌuntꞌoh-un huyoolhtselh.”

1 Peter 3:6

Whuz unꞌa za Sarah Abraham yukꞌuneꞌ ꞌustꞌen whe, “Smoodih” yulhni. Nohni cha ooyatseꞌke ulhi ꞌaw whelhnulhjut whe ꞌutꞌen unzoo-i ꞌulhꞌen de, ꞌet de nohni cha Sarah kꞌunꞌa ꞌutihtꞌelh. ꞋAw hoonli whelhnujut de.