Genesis 32:12 - Yak'usda Ooghuni

¹² ꞋUsudini inleꞌ, ‘Hoonzoo mba ootiselh sudini inleꞌ. Mbene la ntsꞌu haindene yatoo ba sai ꞌet ꞌuhultsuk, ꞌaw butsꞌolhto ꞌaitꞌoh butalhtselh.’”

Genesis 32:12 Iomraidhean Croise

Genesis 22:17

Be soo hoonzoo-un ꞌi ꞌutisdlilh, mba soo hoonzoo-un tileh. ꞋInkꞌez ntsꞌu haindene lhane whutaleh, sum kꞌunꞌa huldlai tileh, sai taba usdzai-i cha ꞌet ꞌultsuk-i hutileh ntsꞌu haindene, ꞌinkꞌez nchꞌaz ditnine bukeyoh ꞌi huyootatun.

Genesis 32:6

ꞋEt nyoonne nukhuni nuꞌane Jacob highu nandil ꞌinkꞌez ꞌuhuyulhni, “Nyulhutsin Esau ooghuznindil. Didut cha ndiz nyudutiyalh, dit whunizyat whunizyat (400) ꞌet ꞌenne dune hiyulhtidulh.”

Matthew 24:35

Yat ꞌinkꞌez ndi yun kꞌut cha gak whutaleh. ꞋEt hoontsꞌi sghuni ꞌaw gak lhtisdleh.

2 Timothy 2:13

Oolazditni de, ꞌet hoontsꞌi ꞌaw didut nela dootnih ꞌaitꞌoh, ꞌinkꞌez ꞌaw ꞌatsꞌun unꞌa naꞌootneh ꞌaitꞌoh ꞌet huwa.”

Titus 1:2

ꞋIlhiz be tsꞌukhuna-i ooka tse hoodli-i, ꞌi Yakꞌusda ꞌaw lhuwhustsꞌit ꞌinkꞌez soo ꞌudechoo daꞌ whutsꞌun ꞌi netsꞌu yoozi.

Hebrews 11:12

ꞋEt huwa ꞌilhoghun dune nisjan kꞌet ꞌantsꞌi dazsai leꞌ ꞌuntꞌoh, ꞌet hoontsꞌi yé dindene huldlai. Ndoghi sum ꞌi bundeíniltsukne ꞌinkꞌez taba sai ꞌaw oonolto ꞌaitꞌoh, ꞌet ꞌuhuniltsuk ꞌenne hiye ndunne hinli.

Hebrews 6:17

ꞋEt Yakꞌusda ndunne mbene la ndai la butsꞌu hoozi, ꞌenne bugha ítaꞌalh. Ndet butsꞌu hoozi-un, ꞌaw ꞌatsꞌun unꞌa nahótneh ꞌaitꞌoh. Soo tsꞌihꞌun unꞌa tꞌehonoozeh buba hukwaꞌ ninzun, ꞌet huwa dudooziꞌ be butsꞌu náhizya.