Genesis 32:10 - Yak'usda Ooghuni

¹⁰ ꞋAw sgha teꞌninzun ꞌinkꞌez tsꞌihꞌun khuni be cha sulh yailduk, ꞌi ꞌaw soo ba lheꞌuzdzooꞌ whe ꞌustꞌoh. Mba ꞌutꞌen-un whunilhtan njan ꞌukoh Jordan yanusya ndai la stuz cha nustun ꞌinkꞌez nawh ꞌudulhne tsꞌuzdliꞌ.

Genesis 32:10 Iomraidhean Croise

Genesis 18:27

ꞋEt Abraham ꞌuyulhni, “Si ꞌantsꞌi yun lhez ꞌusli whe ꞌustꞌoh, ꞌet hoontsꞌi Moodihti (Adonai) bulh yatisduk.

Genesis 24:12

ꞋInkꞌez ꞌutni, “O Abraham smoodih ooMoodihti Yakꞌusda (Yahweh Elohim), soo tsꞌihꞌun unꞌa lhaoodoosleh-un ꞌet sgha ooninꞌaih ꞌinkꞌez smoodih Abraham soo teꞌ ninzun-i be neꞌolhꞌen.

Genesis 24:27

ꞋInkꞌez ꞌutni, “Ooba ꞌustꞌen-un Abraham ooYakꞌusda (Elohim) ꞌinkꞌez ooMoodihti (Yahweh) cha ꞌen dotiꞌ. ꞋAw ndun ooba ꞌustꞌen-un ye yugha teꞌninzun ꞌinkꞌez ye tsꞌihꞌun ꞌuntꞌoh-i cha yula lhditnih. ꞋEt si ꞌowhuya usyalh Moodihti (Yahweh) ꞌen ndun ooba ꞌustꞌen-un oonatneke ꞌen whusunilhtan, ꞌet whuz oozusya.”

Genesis 28:13

ꞋInkꞌez whunilhꞌen ndo Moodihti (Yahweh) ꞌen usyin ꞌinkꞌez ꞌutni, “Si Moodihti (Yahweh) Abraham ooYakꞌusda (Elohim) mbá cha ꞌinkꞌez Isaac ooYakꞌusda (Elohim) cha ꞌustꞌoh. Ndi yun ookwꞌut sinti-i ꞌandit ngha tisꞌalh ntsꞌu haindene cha.

Genesis 28:15

Whunilhꞌen nyulh ꞌustꞌoh, ntsꞌoh teninya te, nyulh ꞌutistꞌelh ꞌinkꞌez ndi yun kꞌut nenyutastelh. ꞋEt ꞌawet nghu natisdulh datisnelh la nyudusni-un, ꞌet ꞌawhusla whutsꞌun.”

Genesis 30:43

ꞋEt dune tube hoonzooꞌ ꞌuntꞌoh suliꞌ. Ndai la khuna yutꞌi-i lhai suliꞌ. Tsꞌekoo ꞌinkꞌez dune yuba ꞌutꞌenne cha ꞌinkꞌez nyoo khuna-i camel huyulhni, ꞌi cha ꞌinkꞌez donkey huyulhni, ꞌohwhi cha lhai suliꞌ.

Genesis 31:3

ꞋEt Moodihti (Yahweh) Jacob ꞌuyulhni, “Mbá ooyun kꞌut tsꞌe naindalh, nyunchꞌoh nyunatneke butoh tsꞌe ꞌinkꞌez nyulh ꞌutistꞌelh.”

Genesis 32:5

Khuna-i lhai ꞌustꞌi, musdoos cha, donkey cha, ꞌinkꞌez dune ꞌinkꞌez tsꞌekoo sba ꞌutꞌenne cha, hoonintꞌiꞌ whe la sonꞌen ꞌinka ntsꞌun whebisꞌaꞌ.”’”

Genesis 32:7

ꞋEt Jacob tubeh nilhjoot ꞌinkꞌez huwu ni suliꞌ, duduneꞌ tsꞌiyawh nawh hidulh whe lhkꞌebanla, ndai la khuna-i ꞌinkꞌez musdoos cha tsꞌiyawh nyokhi camel ꞌi cha nawh ukulh whe lhkꞌeyanla.

Luke 17:10

ꞋEt whuz unꞌa za nohni cha, huwalhꞌaꞌ-un, ꞌet tsꞌiyawh lhaoodahla de, ꞌet njan dudútihnelh, ‘ꞋAw whulukhun za huba tsꞌinzoo-un hoonli. Daja nehutni, ꞌoh te neꞌtsꞌutꞌen.’”

Luke 5:8

Simon Peter whunalhꞌen whe Jesus oobut dugwutsi be neninya ꞌinkꞌez, “Smoodihti schꞌaz naindalh, si lubeshi ꞌulhꞌen-un usdli,” yúlhni.

2 Corinthians 12:11

Nja whe oonustꞌeꞌ-un, ꞌet ꞌi be whuzusni le ꞌustꞌoh. Nohni whuz sunulhtꞌi ꞌet ndósni ha. ꞋEt nohni nohgha buba naꞌóodudosdziꞌ hubaꞌ hoontꞌoh. Whélꞌaꞌ nchane, ꞌaw hoonli whe bukꞌelhꞌih lheꞌústꞌoh, ꞌantsꞌi ꞌustꞌoh ꞌet hoontsꞌi.

1 Peter 5:5

ꞋEt whuz unꞌa za nohni niyilhne mbene yoo ꞌun udohne, ꞌenne butlꞌaꞌ dudoolhyelh. ꞋAlhaꞌ nohni cha tsꞌiyawh whuz unꞌa lhtlꞌaꞌ dudoolhyelh. Be yo úzdudildzun-i, ꞌantsꞌi naih kꞌunꞌa bé dolhtsꞌiꞌ. ꞋUkꞌehonguz whe njan ndutni, “Ndunne ꞌududíltiꞌne, ꞌenne Yakꞌusda buchꞌaz ditni. ꞋEt hoontsꞌi mbene la yo údudildzunne, ꞌenne ye unzoo-i bugha yúꞌaih.”