Genesis 30:2 - Yak'usda Ooghuni

² ꞋEt Jacob, Rachel yulh hunilchꞌe ꞌinkꞌez ꞌutni, “Si eh Yakꞌusda ookꞌedusda? Si ꞌunyusla ꞌaw nyuzkeh holeꞌ ꞌaitꞌoh nyuzusi?”

Genesis 30:2 Iomraidhean Croise

Genesis 16:2

ꞋEt Sarai Abram ꞌuyulhni, “Whunilhꞌen Moodihti (Yahweh) ꞌaw suzkeh hooloh sulhtsi, ndun sba neꞌutꞌen-un ꞌen ꞌinleh ꞌinkꞌez ꞌet de tila tsꞌoodunne oostꞌeꞌ.” ꞋEt Abram, Sarai yukꞌunꞌa ꞌuja.

Genesis 20:18

ꞋEt whe Moodihti (Yahweh) ndunne Abimelech ooyoh dilhtsꞌine tsꞌekoo tsꞌiyawh buchan whudanaꞌdinla, ndun Sarah ꞌen gha.

Genesis 25:21

ꞋEt Isaac ꞌen Moodihti (Yahweh) yutsꞌu tedudlih duꞌat ba, ꞌaw buzkeh holeꞌ ꞌaitꞌoh. ꞋEt Moodihti (Yahweh) ꞌet yugha ooninꞌai ꞌinkꞌez Rebekah ulchan.

Genesis 29:31

ꞋEt Moodihti (Yahweh), Leah ꞌaw dune yukꞌelhisiꞌ ꞌinka oochan yudahaꞌdanꞌai, ꞌinkꞌez Rachel ꞌen ꞌaw buzkeh hooloh.

Genesis 31:36

ꞋEt Jacob hunilchꞌe ꞌinkꞌez Laban hukwa yidaniꞌ ꞌinkꞌez Jacob Laban ꞌulyuhni, “Ndet whe tankꞌus ꞌusja ha sdabe soo hunilchꞌe whe suntinyoot?

Genesis 50:19

Joseph ꞌubulhni, “Whenulhjut iloh. Yakꞌusda (Elohim) ꞌen la ookꞌedusda wheꞌ duhni?

Matthew 5:22

ꞋEt hoontsꞌi sichꞌoh ꞌunohdusni, mbe la ꞌantsꞌet dulh dune bulh hunilchꞌe de, ꞌenne buba nahutideh wheꞌ hoontꞌoh. ꞋEt mbe la dudulh dunene ‘Raca!’ ꞌulhníne de, ꞌet ndi khuni dakelh kꞌunꞌa ‘Ntsiꞌ’, ni whe ꞌutni, ꞌi gha nahiyilh-un but hutiyin. ꞋInkꞌez cha za mbe la dune, ‘Whuzini dune inli!’ yulhni de, mbe la ndutnine, ꞌenne tube whe whúnujut-un kwuncho yo tsꞌe buhutinoh.

Mark 3:5

Jesus tube hunílchꞌe whe butunuyúꞌen budzi dadiltsꞌun la ꞌet huwun unli. ꞋEt dune ka únli-un yulhni, “Lhtsꞌedílnih!” Nyoon dune lhtsꞌedilhni ibulh ꞌilhoghi oola kꞌunꞌa soo náꞌuja.

Luke 1:42

Elizabeth tube cho uyúlhni “Tsꞌekoo toh ꞌukꞌenus hoonzoo-un nyulh ꞌuhooja. ꞋInkꞌez nyaz whutáleh-un, dawhuldzooꞌ-un nghá whultsꞌut!

Ephesians 4:26

Nohuhuske be lubeshi olhchoot junih. Khun te hunúlhchꞌe whe te sa yo tóoꞌalh junih.