Genesis 3:5 - Yak'usda Ooghuni

⁵ Yakꞌusda (Elohim) tꞌeooninzun ndet dzin uhꞌalh-un, hoohꞌen tihleh ꞌinkꞌez Yakꞌusda (Elohim) bundutilhꞌelh, hoonzoo-un ꞌinkꞌez hoontsiꞌ-un cha tꞌewhuntahzin.”

Genesis 3:5 Iomraidhean Croise

Genesis 2:17

Ndi duchun be tꞌeoonudzun-i, ndet hoonzoo-un, ꞌinkꞌez ndet hoontsiꞌ-un, ꞌi oomaiꞌ ꞌaw lhuzonꞌal. Ndet dzin inꞌal-un, ꞌalha datantsah.”

Genesis 2:9

Njan yun kꞌut Moodihti Yakꞌusda (Yahweh Elohim) tsꞌiyai duchun nulꞌen huba nzoo-i ꞌinkꞌez ꞌutꞌalh huba nzoo-i ꞌainanla. Duchun oogha tsꞌukhuna-i cha whuniz ha nuyeh yun ꞌet ꞌuyinla. ꞋInkꞌez ndi duchun be tꞌeoonudzun ndet hoonzoo ꞌinkꞌez ndet hoontsiꞌ ꞌet cha.

Genesis 3:10

ꞋEt ꞌutni, “Ha nuyeh kꞌez nyudastsꞌo ꞌinkꞌez whenuzjut, ꞌustꞌet ꞌustꞌoh ꞌet huwa untizꞌi.”

Genesis 3:22

ꞋEt Moodihti Yakꞌusda (Yahweh Elohim) ꞌutni, “Nulhꞌen, dune Neundultꞌoh suliꞌ, hoonzoo-un ꞌinkꞌez hoontsiꞌ-un tꞌewhunozin ha. ꞋInkꞌez ꞌandit doo ka si dula be ndi duchun oomaiꞌ yolhchoot ꞌinkꞌez yooꞌalh ꞌinkꞌez ꞌilhiz whutinalh.”

Genesis 3:7

ꞋEt nahultꞌoh duna be huhonꞌen suliꞌ, ꞌinkꞌez nahultꞌoh ꞌustꞌet ꞌuhintꞌoh tꞌehonanzin, mai “fig” huyulhni ꞌi ootꞌan lhunaꞌ hidunilhkaꞌ ꞌi be be kꞌeꞌuzdla ꞌuhududulhtsi.

Matthew 6:23

ꞋEt hoontsꞌi dune na lubeshi be untsiꞌ de, ꞌet ooyustꞌe ndulcho whe tsalhgus be dutabun. ꞋEt huwa ndi be hootꞌen nohbulh ꞌuntꞌoh tsalhgus kꞌunꞌa be hoodatꞌen de, ꞌet dálcho-i be suba tsahólhgus ooleꞌ?”

Acts 26:18

Whúbuntalhtun, tsálhgus yáhahudutidulh ꞌinkꞌez hootꞌen-un nehútidulh ꞌinkꞌez hitánꞌen ubulhtsꞌelh Satan uboontúnne Yakꞌusda tsꞌun náhutilyalh. ꞋEnne Si buba ꞌalhaꞌ ꞌustꞌoh huwa bulubeshi bubunaitidoh ꞌinkꞌez Yakꞌusda ba ꞌudun nebuninlane butoh ꞌet bugha óotaltsꞌulh,’ súlhni.”

2 Corinthians 11:3

ꞋEt hoontsꞌi ꞌudaꞌ nyoo tlꞌughus ye ꞌutsꞌun ꞌuninzun-i, ꞌi be Eve yunanꞌa, ꞌet whenuzjut nohni cha ꞌet whuz unꞌa noheni nintaꞌitálhꞌelh. ꞋEt ndúhooja de, noheni Christ tsꞌun ꞌaw ꞌilho ooleꞌ ꞌaitꞌoh.

2 Corinthians 4:4

Ooba ꞌalhaꞌ lheꞌhóotꞌohne ꞌuhintꞌoh. ꞋInkꞌez ndi yun kꞌut whuyakꞌusda, dudeni be lhuhoos̱ꞌen ꞌubulhtsi. ꞋEt whula gha tsꞌe Christ ooghuni unzoo-i yé diztiꞌ-i, Christ, ꞌen Yakꞌusda kꞌéguz-i, ndai la ootsꞌu há yanduz-i dudeni be lhuhoos̱ꞌenne doo ka si dudedodi huninzun.

2 Thessalonians 2:4

Yakꞌusda chꞌaz ditni, ꞌinkꞌez yando ꞌuntꞌoh naꞌdudilꞌí-un, ꞌen tsꞌiyanne budutanelh, “Si za Yakꞌusda usdli. ꞋUyoon Yakꞌusda ootsꞌu tenadoohdli junih!” ꞋEt whuz unꞌa Yakꞌusda oolugliz whucho ꞌet dayaih ꞌinkꞌez ꞌet Yakꞌusda buba naꞌdudilꞌi.

Revelation 13:14

Ndi bulh nanki khuna-iti ntsiꞌ-i, ꞌi ꞌudechoo-i khuna-iti ntsiꞌ-i nalh lhat te huwa ꞌitꞌen teneꞌ ꞌútꞌen ooghá whuntꞌai, ꞌet whe ndi yun kꞌut whutꞌenne nabunaꞌah. Nyoo khuna-iti ntsiꞌ-i saluzti be ka suliꞌ inleꞌ ꞌinkꞌez hanaꞌ ndi yun kꞌut whutꞌenne ꞌi ookꞌeyíltsi-i ꞌuhooleh ꞌubulhni.

Revelation 13:4

Ndi tlꞌughus cho khuna-i kꞌunꞌa nulget-i, khuna-íti ntsiꞌ-i kꞌuneꞌ ootꞌen ha yugha óoninꞌai-un, ꞌen hitsꞌun teniꞌ nalhdzin. Ndi khuna-iti ntsiꞌ-i, ꞌi cha hitsꞌun teniꞌ nalhdzin ꞌinkꞌez ꞌuhutni, “Ndi khuna-iti ntsiꞌ-i ꞌaw yundultꞌoh-i hooloh. ꞋAw yulhóoganne hooloh.”