Genesis 3:23 - Yak'usda Ooghuni

²³ ꞋEt huwa Moodihti Yakꞌusda (Yahweh Elohim) njan ha nuyeh kꞌet, Eden, ꞌet tenabunilhꞌaꞌ, ꞌinkꞌez njan yun whutꞌas tileh ꞌi ootsꞌu ha itsꞌalhti ꞌet, ootꞌeꞌ ha.

Genesis 3:23 Iomraidhean Croise

Genesis 2:5

ꞌawhuz yun whutꞌan ꞌinkꞌez oomaiꞌ hooni-i, ꞌinkꞌez dilhtan-i cha yun kꞌut ha lhusye whe, Moodihti Yakꞌusda (Yahweh Elohim) nawhulhtih-un ꞌinkꞌez dune yun gha oonaꞌ ha hooloh.

Genesis 2:7

ꞋInkꞌez Moodihti Yakꞌusda (Yahweh Elohim) yun lez ꞌi dune yulhtsi ꞌinkꞌez be tsꞌukhuna bulh yuni ꞌainyulh ꞌinkꞌez dune khuna suliꞌ.

Genesis 2:8

Eden huwun ndaz de ꞌet Moodihti Yakꞌusda (Yahweh Elohim) ꞌen haꞌ nuyeh kꞌet newhuninꞌai. ꞋEt ꞌaꞌ nule ꞌinkꞌez ndun dune yulhtsi, ꞌen ꞌet neinilhti.

Genesis 3:19

Nyunin tsꞌu halhdzilh whe ꞌutꞌalh-i onꞌalh, yun natandleh whutsꞌun. ꞋI ootsꞌu hainzut. Lhez ꞌintꞌoh ꞌinkꞌez lhez ꞌi tsꞌun natandleh.”

Genesis 3:22

ꞋEt Moodihti Yakꞌusda (Yahweh Elohim) ꞌutni, “Nulhꞌen, dune Neundultꞌoh suliꞌ, hoonzoo-un ꞌinkꞌez hoontsiꞌ-un tꞌewhunozin ha. ꞋInkꞌez ꞌandit doo ka si dula be ndi duchun oomaiꞌ yolhchoot ꞌinkꞌez yooꞌalh ꞌinkꞌez ꞌilhiz whutinalh.”

Genesis 3:24

ꞋEt dune teininyoot ꞌinkꞌez Eden ndaz tsꞌe ꞌet lizasne, Cherubne hubulhni, ꞌet nebunilhti, ꞌinkꞌez saluzti kwun dunukw dotꞌen lhelhtsꞌun nadighus-i duchun oogha tsꞌukhuna-i yugholeꞌ ha.

Genesis 4:12

Yun gha itanalh te, daltus la hukwꞌunꞌa mba ookꞌut ha lheꞌuntizye. Ndi yun kꞌut tandalh whutoh nunulꞌiꞌ-un ꞌinkꞌez yoh lhuhootꞌiꞌ-un tanleh.”

Genesis 4:2

ꞋEt doo cha Eve ꞌulhtsi, ꞌandit ꞌet bulhutsin Abel ꞌen ꞌusbai ghunli unli, ꞌet Cain ꞌen yun ghana-un suliꞌ.

Genesis 9:20

ꞋInkꞌez Nowe ha nuyeh-i ghana-un suliꞌ, duchun oomaiꞌ hoonli-i ꞌet ꞌuhoonla.