Genesis 3:22 - Yak'usda Ooghuni

²² ꞋEt Moodihti Yakꞌusda (Yahweh Elohim) ꞌutni, “Nulhꞌen, dune Neundultꞌoh suliꞌ, hoonzoo-un ꞌinkꞌez hoontsiꞌ-un tꞌewhunozin ha. ꞋInkꞌez ꞌandit doo ka si dula be ndi duchun oomaiꞌ yolhchoot ꞌinkꞌez yooꞌalh ꞌinkꞌez ꞌilhiz whutinalh.”

Genesis 3:22 Iomraidhean Croise

Genesis 1:26

ꞋEt Yakꞌusda (Elohim) ꞌutni, “Dune ꞌutsꞌooleh, neundotꞌen-un, nekꞌunꞌa ꞌuntꞌoh-un, yatoo kꞌut, lho, dutꞌai ndo nudilh-i, musdoos, yun kꞌut cha, yun kꞌut nulhꞌas-i cha, ꞌowhi tsꞌiyawh yumoodih ooleꞌ sih”.

Genesis 2:9

Njan yun kꞌut Moodihti Yakꞌusda (Yahweh Elohim) tsꞌiyai duchun nulꞌen huba nzoo-i ꞌinkꞌez ꞌutꞌalh huba nzoo-i ꞌainanla. Duchun oogha tsꞌukhuna-i cha whuniz ha nuyeh yun ꞌet ꞌuyinla. ꞋInkꞌez ndi duchun be tꞌeoonudzun ndet hoonzoo ꞌinkꞌez ndet hoontsiꞌ ꞌet cha.

Genesis 3:21

ꞋInkꞌez Adam ooꞌat bulh Moodihti Yakꞌusda (Yahweh Elohim) ꞌen ndi zuz ꞌi buba ꞌuyinla hiye óokeꞌ ha.

Genesis 3:23

ꞋEt huwa Moodihti Yakꞌusda (Yahweh Elohim) njan ha nuyeh kꞌet, Eden, ꞌet tenabunilhꞌaꞌ, ꞌinkꞌez njan yun whutꞌas tileh ꞌi ootsꞌu ha itsꞌalhti ꞌet, ootꞌeꞌ ha.

Genesis 3:5

Yakꞌusda (Elohim) tꞌeooninzun ndet dzin uhꞌalh-un, hoohꞌen tihleh ꞌinkꞌez Yakꞌusda (Elohim) bundutilhꞌelh, hoonzoo-un ꞌinkꞌez hoontsiꞌ-un cha tꞌewhuntahzin.”

Revelation 2:7

Mbe ꞌuditsꞌone, Ndoni Yakꞌusda ba ꞌilhunaoodulhne, daja ubúlhni-un, ꞌen huyoozólhtsꞌaiꞌ hubaꞌ hoontꞌoh. Mbene la ꞌutꞌen ntsiꞌ-i yuchꞌaꞌ ꞌulhdehne, ndi duchun oogha khutna-i oomaiꞌ huyooꞌalh-un bugha óotasꞌalh. Ndi duchun ꞌi Yakꞌusda ookeyoh ꞌukꞌenus hoonzoo-un, ꞌet whuniz tsꞌe nadánꞌa.”

Revelation 22:14

Mbene la yughuni kꞌuneꞌ ꞌutꞌenne, ꞌenne ꞌukꞌenus hoonzoo-un bugha whútaltsꞌulh. Ndi duchun oogha khútna-i, ꞌinkꞌez njan keyoh whuti whudati-un dahútidulh-un, ꞌenne za bughá whuntꞌai wheꞌ hoontꞌoh.

Revelation 22:2

Ti soo whuniz ꞌoh whúya lhusúli. ꞋUkoh lhchꞌaz tsꞌe taba ꞌet duchun oogha tsꞌukhuna-i nánudizꞌa. ꞋI whunizyai ꞌon ꞌat nanki oomaiꞌ yinli. ꞋIlho duchun ꞌi sanun totsuk oomaiꞌ whulhih. ꞋInkꞌez duchun ootꞌan ꞌi lhelhdun yun kꞌut whutꞌenne huye naóojeh ha ꞌuntꞌoh.