Genesis 3:20 - Yak'usda Ooghuni

²⁰ ꞋInkꞌez Adam duꞌat Eve be yoozi, khunane tsꞌiyawh buloo ꞌet huwa.

Genesis 3:20 Iomraidhean Croise

Genesis 16:11

ꞋInkꞌez Moodihti (Yahweh) oolizas, cha yulhni, “Whunilhꞌen ꞌawet tsꞌoodun bulh ꞌintꞌoh suliꞌ. Dune nyaz tileh ꞌinkꞌez booziꞌ Ishmael dutanelh. Njan teneꞌnilhdzun Moodihti (Yahweh) nyudantsꞌo.

Genesis 2:20

ꞋEt Adam ꞌen ndi musdoos, dutꞌai ndo yat nudilh, ꞌinkꞌez tlꞌo kꞌut khuna-i, ꞌi tsꞌiyawh hubooziꞌ whulhtsi. ꞋEt ꞌinkꞌez Adam yulh ndultꞌoh ꞌen yulaꞌootꞌen hooloh.

Genesis 2:23

ꞋEt Adam ꞌutni, “Ndi ꞌandit stsꞌun ootsꞌun ꞌuntꞌoh ꞌinkꞌez stsung ootsung ꞌuntꞌoh. Tsꞌeke booziꞌ ooleꞌ si, dune tsꞌu halti ꞌet huwa”.

Genesis 3:21

ꞋInkꞌez Adam ooꞌat bulh Moodihti Yakꞌusda (Yahweh Elohim) ꞌen ndi zuz ꞌi buba ꞌuyinla hiye óokeꞌ ha.

Genesis 35:18

ꞋEt ꞌuhooja ꞌawet dawhenintsai whe ꞌet ndun duneyaz Ben-Oni yulhni, ꞌet hoontsꞌi oobá ꞌen Benjamin yulhni.

Genesis 5:29

ꞋInkꞌez, Nowe be yoozi ꞌinkꞌez ꞌutni, “Ndun ꞌen si kꞌunenunooꞌah neye ꞌutꞌen ha ꞌinkꞌez neba be oogha tsꞌana-i, yun Moodihti (Yahweh) ye kꞌehanya ꞌet huwa”.

Matthew 1:21

Ooyaz, duneyaz tileh. Booziꞌ ooghá donꞌalh. Jesus dóniꞌ. ꞋEn ꞌutinelh tsꞌiyanne lubeshi chꞌa ꞌubutilhyih.”

Matthew 1:23

“Whunulhꞌen ndun tsꞌeke ꞌaw dune tꞌenuszun-un tsꞌoodun ba ꞌuja, ꞌinkꞌez ooyaz dune tileh, booziꞌ Emmanuel hidutánelh, Yakꞌusda nebulh ꞌúntꞌoh, ni whe ꞌutni.”

Acts 17:26

ꞋInkꞌez ꞌilhoghun dune ꞌen la toh tsꞌe za yun kꞌut didowhne tsꞌiyanne ꞌulya inleꞌ. Yakꞌusda nkede ndi yun dune ꞌutilelh ꞌinkꞌez ntsꞌe huwhutitꞌelh-un, ꞌet whutso tꞌewhunínzun. ꞋEt whe ndi yun kꞌut ndulcho whe huwhutꞌi suliꞌ.

2 Corinthians 11:3

ꞋEt hoontsꞌi ꞌudaꞌ nyoo tlꞌughus ye ꞌutsꞌun ꞌuninzun-i, ꞌi be Eve yunanꞌa, ꞌet whenuzjut nohni cha ꞌet whuz unꞌa noheni nintaꞌitálhꞌelh. ꞋEt ndúhooja de, noheni Christ tsꞌun ꞌaw ꞌilho ooleꞌ ꞌaitꞌoh.

1 Timothy 2:13

Yakꞌusda Adam ꞌen cho ꞌuyinla, ꞌet hukwꞌelhꞌaz Eve ꞌinla ꞌet huwa.