Genesis 3:17 - Yak'usda Ooghuni

¹⁷ ꞋEt Adam ꞌulhni, “Nꞌat oozalhtsꞌaiꞌ ꞌet huwa ꞌinkꞌez ndi duchun oomaiꞌ, ‘Onꞌalh junih,’ nyudusni, inꞌal ꞌet huwa, nyun mba ndi yun ꞌi ookehida, ꞌutꞌen be ootsꞌu huyukat-i tanꞌulh yun ka tandalh ndwhulyiz whe.

Genesis 3:17 Iomraidhean Croise

Genesis 3:11

ꞋInkꞌez ꞌuyulhni, “Mbe ꞌunyulhni ꞌustꞌet ꞌintꞌoh, duchun oomaiꞌ uhꞌalh junih nohdusni-i eh uhꞌal?”

Genesis 3:18

Whus cho ꞌinkꞌez whusyaz bulh nankiltꞌoh ookꞌut mba ha ntiyeh, ꞌinkꞌez yun ha nuyeh-i tanꞌulh.

Genesis 3:6

ꞋEt tsꞌeke duchun tsꞌuꞌalh huba unzoo, nulꞌen huba cha unzoo, duchun tsꞌuwhunih netilhtselh huba ookaꞌ whuninzun, oomaiꞌ yilhchoot ꞌinkꞌez yanꞌal, duki cha yuloh yutlꞌa nanꞌai ꞌinkꞌez ꞌen cha yanꞌal.

Genesis 5:29

ꞋInkꞌez, Nowe be yoozi ꞌinkꞌez ꞌutni, “Ndun ꞌen si kꞌunenunooꞌah neye ꞌutꞌen ha ꞌinkꞌez neba be oogha tsꞌana-i, yun Moodihti (Yahweh) ye kꞌehanya ꞌet huwa”.

Genesis 8:21

ꞋEt Moodihti (Yahweh) ndi sooltsun-i yunahoolhtsun. ꞋInkꞌez Moodihti (Yahweh) didutchꞌoh dudzi yo ꞌutni, “ꞋAw ꞌon ꞌat ndi yun dune gha ꞌaw ookꞌehoosyih ꞌaitꞌoh. Dahintꞌoh la dune budzi ntsiꞌ hintsool whutsꞌun, ꞌet hoontsꞌi ꞌaw doo cha ꞌon ꞌat khuna-i ndi yun kꞌut gak hooselh ꞌaitꞌoh.

Matthew 22:12

ꞋEt ꞌuyulhni, ‘Skꞌeke ꞌaw dune lhghu dilhtsꞌi whunaih be dune lhinloh. Ntsꞌenꞌa danínya?’ ꞋInkꞌez ꞌaw whé ꞌoodoniꞌ-un hoolel.

Matthew 25:45

ꞋEt budutanelh, ‘Ꞌalha ꞌi be ꞌunohdusni, sulhutsinke ꞌaw ncha lhilohne, ꞌaw ꞌilhoghun hoontsꞌi whuz unꞌa lhebáhlel. ꞋEt huwa si cha ꞌaw ndusúlhahlel leꞌ hoontꞌoh.’

Luke 19:22

ꞋInkꞌez ꞌuyulhni, ‘Nyunchꞌoh nze whe dája dini-un, ꞌet whe mba nahutisyeh. Seꞌulhna-un intsiꞌ. Tꞌeooninzun dantꞌoh-un dune usdli, dalhúzusꞌai-i, uschuk. ꞋInkꞌez ndai la ꞌalhnúsdlel-i ha núsdlih ꞌinkꞌez be sooniya ꞌusꞌen.

John 16:33

ꞋAndit njan ꞌet huwun ndi khuni ꞌi be nohbulh yásduk, daja nohdásniꞌ la, ꞌet huwa la be nedzi be dizghel-i oohtꞌeꞌ. Ndi yun kꞌut nohehútizilalh, ꞌet hoontsꞌi hóhtꞌeꞌ, ndi yun kꞌut humoodih ꞌinkꞌez be ꞌutꞌen kꞌoh cha, tsꞌiyawh oochꞌaꞌ nus de ꞌet huwa.”

Romans 3:19

ꞋAlhaꞌ tꞌetsꞌonínzun Moses be ꞌudustlꞌus hikꞌúneꞌ ꞌutꞌenne ꞌudustlꞌus daja ni la, tsꞌiyawh hikꞌúneꞌ ootꞌen hubaꞌ hoontꞌoh. ꞋEt whula gha tsꞌe tsꞌiyanne Yakꞌusda hibut neníndil de, lubeshi ꞌuhulhꞌen tꞌéhonínzun, ꞌet huwa ꞌaw hoonli ꞌuhudooniꞌ ꞌaítꞌoh.

Hebrews 6:8

ꞋEt hoontsꞌi, ꞌi yun whus ꞌinkꞌez ꞌutꞌantsiꞌ, ꞌi za ha níyeh de, ꞌet de ꞌaw hoonli lhiloh whe ꞌuntꞌoh. ꞋEt huwa ookalheꞌtsꞌunízun. Kꞌat le tsꞌiyawh uzdutálhkꞌun. ꞋEt soo cho howu ni óhtan!