Genesis 3:15 - Yak'usda Ooghuni

¹⁵ ꞋInkꞌez nyun ꞌinkꞌez tsꞌeke bulh lhazdatni nohtiselh, ꞌinkꞌez nyuzkeh ꞌinkꞌez buzkeh. Ntsi yayinduntaꞌus ꞌinkꞌez ookentsul duntalhdah.”

Genesis 3:15 Iomraidhean Croise

Genesis 49:17

Dan ꞌen ti whuzih tlꞌughus, viper, tileh. Tlꞌughus ꞌoolchꞌoolh-i ti whuzih, ꞌinkꞌez yeztli kꞌentsꞌul cha oolhchꞌoolh. ꞋInkꞌez mbe la yukusda-un ꞌen kꞌoh unꞌa yukꞌudutildus.

Matthew 1:23

“Whunulhꞌen ndun tsꞌeke ꞌaw dune tꞌenuszun-un tsꞌoodun ba ꞌuja, ꞌinkꞌez ooyaz dune tileh, booziꞌ Emmanuel hidutánelh, Yakꞌusda nebulh ꞌúntꞌoh, ni whe ꞌutni.”

Matthew 1:25

ꞋUdechoo ooyaz whutileh tꞌeoonanzin ꞌet whutsꞌun ꞌaw yutꞌálhasnai. OoYaz whuzdli, ꞌet ꞌandit za soo yughusda. ꞋInkꞌez Tsꞌoodun booziꞌ yughá dinꞌai Jesus yulhni.

Matthew 12:34

Lubezo tlꞌughus buzkeh leꞌ ꞌahtꞌoh! Ntsꞌenꞌa ꞌahtsiꞌ ꞌinkꞌez khuni unzoo-i be yatahduk? Nohdzi ndai be dizbun ꞌi be yalhduk.

Matthew 13:38

Ha niyeh kꞌet, ꞌi yun kꞌut ꞌuhoontꞌoh. Mai unzoo-i, ꞌi yakꞌuz whulerwe buzkehne, nuhíntꞌoh. ꞋEt hoontsꞌi ꞌutꞌantsiꞌ, ꞌi ntsiꞌ-un buzkeh nuhíntꞌoh.

Matthew 23:33

Tlꞌughus lubezo buzkehke léꞌahtꞌoh! Kwuncho yo wheni nohba nahutideh-un, ntsꞌenꞌa ꞌutihnelh whenghoh táhdulh? Soo gak!

Matthew 3:7

ꞋEt hoontsꞌi lhane Phariseene ꞌinkꞌez Sadduceene cha, too beꞌ hutilnelh ha highu nindil. Hubunilhꞌen ꞌinkꞌez ndúbulhni, “Nohni lubezo tlꞌughus buzkehke leꞌ ꞌáhtꞌoh! Yakꞌusda lubeshi ꞌulhꞌenne bubulh huntalchꞌoh-un, ꞌet whuz de hóoltsꞌulh, mbe ꞌunohulhni whuchꞌa úlhwus?

Mark 16:18

Nahunitꞌa whe tlꞌughus ntsiꞌ-i hílhchoot, kꞌus lubezo whe hítnaiꞌ de, ꞌet hoontsꞌi ꞌaw dalhótisnel. ꞋInkꞌez undudáne butsi kꞌehudilnih, ꞌenne cha soo náꞌhutitnelh.”

Luke 1:76

ꞋInkꞌez nyun tsꞌoodunyaz, kꞌus ꞌudedo-un, ba nus hooꞌen-un nyo dutanelh. NeMoodihti ꞌen ti hoonzoo ooba whutalhtselh ha ootso tanyalh ꞌet huwa.

Luke 10:19

Soo zúlhtsꞌai, tlꞌughus ꞌinkꞌez lubezo unli-i, scorpion huyulhni, tube cho ookꞌu nahya. ꞋInkꞌez ndai la nohchꞌaz ditnine hiye ulhtus-i, tsꞌiyawh ndi ba ndo oohtꞌeꞌ-un, ꞌet nohtlꞌa hóosꞌai ꞌinkꞌez ꞌaw hoonli nohundólhda ꞌaitꞌoh.

Luke 22:53

Dzin totsuk lugliz whucho nohtoh susda whe, ꞌaw ꞌoh daꞌ sólhchoot hukwa lheꞌzahtꞌen inleꞌ. ꞋEt hoontsꞌi ꞌandit netsudule, tsalhgus yo usda-un nohmoodih tileh, ꞌawet nohba néꞌhunintꞌo.”

Luke 24:27

ꞋInkꞌez Moses be ꞌudustlꞌus ꞌukꞌu nunáguz-un ꞌinkꞌez nus hooꞌenne bubeꞌ ꞌudustlꞌus cha, ndai ꞌukꞌu nuhúyuzgus ꞌen ghun, ꞌi tsꞌiyawh Yakꞌusda ooghuni yúbunilhtan.

John 8:44

Netsudule ꞌen nohbá ꞌuntꞌoh. Ndet la ꞌen hukwaꞌ ninzun, ꞌoh te za neꞌóohtꞌen hukwaꞌ nahzun. Soo ꞌudechoo daꞌ whutsꞌun dune ughan-un unli. ꞋAw tsꞌihꞌun ꞌuhoontꞌoh-un hukwa lheꞌnizun, ꞌet huwa ꞌaw ndi khuni ꞌalhaꞌ ꞌuntꞌoh-i ooghu whéyooloh. Ntsꞌoh tula neꞌduniꞌ-un tankꞌus unꞌa za yalhduk, dichꞌoh dukꞌunꞌa ꞌutni ꞌet huwa. Whutsꞌit-un unli, ꞌinkꞌez whutsꞌit-i, ꞌen za ootsꞌu haídukat.

Acts 13:10

ꞌinkꞌez uyúlhni, “Netsudule ooyeꞌ, ndai la unzoo-i tsꞌiyawh oochꞌaz dintni. Soo hoontsiꞌ whe dune naninꞌah tsꞌiyawh hoontꞌi, Yakꞌusda ooghuni ꞌi cha whutsꞌit khuni naoolhtselh hukwaꞌ ꞌilhꞌen.

Romans 16:20

Yakꞌusda ꞌen whudizghel-un negha whuꞌaih-un, ꞌaw lhotuszit whe Satan nohketlꞌah gak yutilhtselh. ꞋEt nohba tenadusli neMoodihti Jesus Christ ye únzoo-i, ꞌi nohbulh ꞌóotꞌeꞌ ha.

Romans 3:13

Bughuni untsiꞌ. Dune zi ulhjut za bunawhultsun leꞌ hintꞌoh, ni whe ꞌutni bughuni untsiꞌ ni-un. Huwhutsꞌit-un za ꞌuwhuhulhꞌen. Khuni hiye yálhduk-i ꞌantsꞌi tlꞌughus lubezo ndultꞌoh. Whuz unꞌa dughuni be dune hundílhdaih.

Galatians 4:4

ꞋEt hoontsꞌi whusahóoltsꞌut whe Yakꞌusda duYeꞌ whusayálhꞌaꞌ. Tsꞌeke ꞌen yulhtsi, Moses be ꞌudustlꞌus yukꞌúneꞌtitꞌen ha.

Ephesians 4:8

ꞋEt huwa Yakꞌusda ooghuni ndutni, ꞌoh daꞌ Christ yoo do whenya whe nyoonne nabilhchukne, whuz whe nábanla. ꞋInkꞌez dunene butlꞌa hónꞌai.

Colossians 2:15

Ndunne ntsiꞌ-i nududehne ꞌudetso whudilhdzulhne, ꞌinkꞌez dune ando ꞌuhintꞌoh-un cha, ꞌet whe hilhtus-un tsꞌiyawh bughu nahóolhchoot. Tsꞌiyanne nalh yooya ꞌubulhtsi. ꞋEt whe buchꞌaꞌ nilhde.

Hebrews 2:18

ꞋEt neMoodihti Jesus Christ lhat-un whe óolhdzai, ꞌet whe dzoh nusuzut. ꞋEt huwa ndunne óolhdzaine, ntsꞌenꞌa bula titꞌelh-un tꞌewhuninzun.

Hebrews 5:7

ꞋInkꞌez ꞌoh daꞌ Jesus Christ ndi yun kꞌut nuseya daꞌ, ꞌet whe ooBá ꞌen ye ulhtus-i ꞌutꞌi, ꞌet hukwaꞌ ninzun de datítsah whuchꞌa yutilhyih yutsꞌu tenadidli. Tube oodzi telꞌen ꞌinkꞌez oonatsultooꞌ hoonli whe Yakꞌusda yutsꞌu tédudlih yulaꞌ ooneh ha. OoBá yudílhtiꞌ, ꞌet huwa yudántsꞌo daja ni.

1 John 3:10

ꞋEt ndiz unꞌa Yakꞌusda buzkeh ꞌinkꞌez netsudule buzkeh cha tꞌehunudzun: Mbe la tsꞌihꞌun nulheꞌustꞌen, kꞌus dudulhutsin kꞌelhísiꞌ, ꞌen Yakꞌusda uniyalh-un iloh whe ꞌuntꞌoh.

1 John 3:8

ꞋUdechoo whutsꞌun netsudule lubeshi ꞌulhꞌen. Mbe lubeshi ꞌulhꞌen, ꞌen netsudule uniyalh-un ꞌúntꞌoh. Njan ꞌet huwa Yakꞌusda ooYeꞌ ndi yun kꞌut nusúya whe netsudule be ꞌutꞌen musai yoolhtselh ha.

1 John 5:5

Ndun Jesus ꞌen Yakꞌusda ooYeꞌ unli ooba ꞌalha ꞌuhoontꞌoh-un, ꞌen ndi yun kꞌut ꞌutꞌen ntsiꞌ-i chꞌaꞌ ꞌulhdeh.

Revelation 12:17

ꞋInkꞌez ndi tlꞌughus cho khuna-i kꞌunꞌa nulget-i tube tsꞌeke bulh húnilchꞌe, ꞌinkꞌez nyoon tsꞌeke ootsꞌu hainzutne bubulh útigan ha butsꞌú whelget. Yakꞌusda ubudaniꞌ-un hikꞌuneꞌ ꞌutꞌen ꞌinkꞌez Jesus Christ ghu yalhduk-i, ꞌi cha huyoontun, ꞌenne ꞌuhintꞌoh.

Revelation 13:7

Mbene Yakꞌusda oochꞌeꞌne, ꞌenne bubulh lhútigan ꞌinkꞌez buchꞌaꞌ tilhdoh, ꞌet ooghá whultsꞌut. Lhelhdoh didowhne, lhelhtsꞌun unꞌa yalhdukne, ꞌinkꞌez lhelhdun keyoh whutꞌenne, ꞌenne kꞌúneꞌ butilꞌen ha ooghá whuntꞌai.

Revelation 2:10

Ndet la whe dzoh nutihzut-un, ꞌawet nilhdukw nohghu whutáltsꞌulh. Whénoolhjut junih! Soo zúlhtsꞌai! ꞋAwet nilhdukw whulohne netsudule ꞌanohtilelh. ꞋEt whe ootálhdzih. ꞋEt whunizyat dzin ꞌet dzoh nutihdeh. ꞋEt yaitahdlah whutsꞌun ꞌet nohba ꞌalha ꞌuhoontꞌoh zaꞌ hótꞌeꞌ. ꞋEt hukwꞌelha ꞌilhiz khutihnalh-un nohghá whuntasꞌalh. ꞋOn ꞌun whuchꞌa oonúlhde, ꞌet cha nohgha whútasꞌalh.

Revelation 20:10

ꞋEt ndi kwun, sulphur be dizkꞌun-un bunghun ndúwhulcho-un, ꞌet khuna-iti ntsiꞌ-i ꞌinkꞌez whutsꞌit-i be nus hooꞌen-un ꞌet huzke, ꞌet netsudule, dune nanaꞌah-un, ꞌen cha ꞌet tsu hídano. ꞋEt dzenis ꞌinkꞌez ꞌulhdzis ibulh ꞌilhiz ꞌinkꞌez ꞌilhiz wheni dzoh nuhutideh.