Genesis 3:12 - Yak'usda Ooghuni

¹² ꞋEt dune ꞌutni, “Tsꞌeke sgha nilhtꞌi-un duchun oomaiꞌ sgha ininꞌai ꞌinkꞌez ꞌi usꞌal.”

Genesis 3:12 Iomraidhean Croise

Genesis 2:18

ꞋEt Moodihti Yakꞌusda (Yahweh Elohim) ꞌutni, “Dune dichꞌoh ꞌuhintꞌoh de ꞌaw lheꞌhoozooꞌ wheꞌ hoontꞌoh, yulaꞌ titꞌelh-un yundultꞌoh-un ooba ꞌoosleh si.”

Genesis 2:20

ꞋEt Adam ꞌen ndi musdoos, dutꞌai ndo yat nudilh, ꞌinkꞌez tlꞌo kꞌut khuna-i, ꞌi tsꞌiyawh hubooziꞌ whulhtsi. ꞋEt ꞌinkꞌez Adam yulh ndultꞌoh ꞌen yulaꞌootꞌen hooloh.

Genesis 2:22

Moodihti Yakꞌusda (Yahweh Elohim) ndi ꞌucha dune tsꞌu ha idantan, ꞌi tsꞌeke yulhtsi ꞌinkꞌez dune yughi nilhti.

Genesis 3:11

ꞋInkꞌez ꞌuyulhni, “Mbe ꞌunyulhni ꞌustꞌet ꞌintꞌoh, duchun oomaiꞌ uhꞌalh junih nohdusni-i eh uhꞌal?”

Luke 10:29

ꞋEt hoontsꞌi ndun tsꞌihꞌun ꞌuntꞌoh-un naꞌdudilꞌi. ꞋEt huwun Jesus yoodulhkut, “Mbe la senghoh whutꞌi-un?”

Romans 10:3

Tsꞌihꞌun unꞌa Yakꞌusda kꞌúneꞌ hutitꞌen-un ꞌet ꞌaw tꞌéhonúszun. ꞋEt ntsꞌenꞌa la dichꞌoh ꞌuhuhóonla whuz unꞌa tsꞌihꞌun unꞌa ꞌuhintꞌoh naꞌhududilꞌi. ꞋInkꞌez ndet la Yakꞌusda butsꞌu húkwaꞌ ninzun-un ꞌaw hukwꞌunꞌa lheꞌhínel.