Genesis 3:1 - Yak'usda Ooghuni

¹ ꞋEt tlꞌughus ꞌi lhelhdoh didoh-i Moodihti Yakꞌusda (Yahweh Elohim) ꞌuyinla-i unli ꞌinkꞌez tsꞌeke ꞌulhni, “Duchun yun kꞌut whuduchun ꞌaw tsꞌiyawh lhuzoohꞌal, ni eh?”

Genesis 3:1 Iomraidhean Croise

Matthew 10:16

“Whunulhꞌen, ꞌantsꞌi ꞌusbai yus yugha óolhꞌaz leꞌ hoontꞌoh tsꞌe whuz nohtisꞌaꞌ. ꞋEt huwa tlꞌughus kꞌunꞌa whunih oohleꞌ ꞌinkꞌez dutꞌai, dove huyulhni, ꞌi kꞌunꞌa nohbulh dune ndólhdaꞌ junih.

Matthew 4:3

ꞋEt yóolhdzih-un, yughu ninya ꞌinkꞌez uyúlhni, “ꞋAlhaꞌ Yakꞌusda ooYeꞌ inli de, ndi tse lhes ooleꞌ dini.”

Matthew 4:6

ꞋInkꞌez ꞌuyulhni, “ꞋAlhaꞌ Yakꞌusda ooYeꞌ inli de, njan whengheꞌ dudintneh! ꞋUkꞌehooguz whe njan ndutni, ‘Yakꞌusda oolizas butlꞌa honꞌai whe ꞌenne nghi hinli, ꞌinkꞌez dula be ndo nyuhóotatun, ꞌaw nke tse tꞌaoonalh ꞌaitꞌoh ꞌet whucha.’”

Matthew 4:9

ꞋInkꞌez ꞌuyulhni, “Ngwutsi be neninya ꞌinkꞌez stsꞌu téniꞌ nilhdzun de, ꞌet de ndi tsꞌiyawh, nchꞌeꞌ tileh!”

2 Corinthians 11:14

Khun te nohba hooncha ooleꞌ junih! Satan ꞌen lizas be hootꞌen-un naꞌdudilꞌi ꞌet huwa.

2 Corinthians 11:3

ꞋEt hoontsꞌi ꞌudaꞌ nyoo tlꞌughus ye ꞌutsꞌun ꞌuninzun-i, ꞌi be Eve yunanꞌa, ꞌet whenuzjut nohni cha ꞌet whuz unꞌa noheni nintaꞌitálhꞌelh. ꞋEt ndúhooja de, noheni Christ tsꞌun ꞌaw ꞌilho ooleꞌ ꞌaitꞌoh.

1 Peter 3:7

Nohni cha dune nohꞌatke tsꞌihꞌun unꞌa neꞌboolhꞌen whe buzih dulhtsꞌi, ꞌinkꞌez ubudólhtiꞌ. Nálhtsayaz neꞌboolhꞌen lhihílhtus wheꞌ hintꞌoh ꞌet huwa. Ndi ꞌilhiz be tsꞌuhutinalh-i nohghantꞌai nanúlhtꞌoh be ꞌáhtꞌoh ꞌet huwa. Ndúlhahtꞌoh de nohtenadudli-i Yakꞌusda ꞌaw yoozólhtsꞌai ꞌaitꞌoh.

Revelation 12:15

ꞋInkꞌez tlꞌughus khuna-i kꞌunꞌa tsꞌeke tsꞌun too lhai oozá hayangoo. ꞋI be si nyoon tsꞌeke too bulh tóoltꞌah ninzun ha.

Revelation 12:9

ꞋInkꞌez ndi tlꞌughus cho khuna-i kꞌunꞌa núlget-i ncha-un, ꞌen téhinino. Ndi ꞌudaꞌ whutlꞌughus, netsudule ꞌinkꞌez Satan huyulhni. Ndi yun kꞌut ndulcho whe dune nanaꞌah-un, ꞌen ꞌuntꞌoh. Oolizas tubulh ndi yun kꞌébuhuninyoot.

Revelation 20:2

ꞋEt nyoo tlꞌughus cho khuna-i kꞌunꞌa nulget-i, ꞌudaꞌ whútlꞌughus, ꞌen netsudule huyúlhni ꞌinkꞌez Satan cha huyúlhni. ꞋEn yílhchoot ꞌinkꞌez 1,000 yus kꞌut wheni yulhghel.