Genesis 28:2 - Yak'usda Ooghuni

² Dudinyaih ꞌinkꞌez Paddan Aram, Bethuel ooyoh tsꞌe inyalh, nloo oobá, ꞌinkꞌez ꞌet tsꞌeke nꞌat wheni ilhchoot, Laban buzkeh ꞌilhoghun nloo bulhutsin.

Genesis 28:2 Iomraidhean Croise

Genesis 24:10

ꞋEt nyoon yuba ꞌutꞌen-un, whunizyai oomoodih oochꞌeꞌ khuna-i, camel huyulhni, yilhchoot ꞌinkꞌez whenya. Ndai la oomoodih oochꞌeꞌ tsꞌiyawh didut oola kꞌet yuzdla wheꞌ hoontꞌoh ꞌinkꞌez dudinya. ꞋInkꞌez yun kꞌut Mesopotamia, Nahor ookeyoh, ꞌet whuz whenya.

Genesis 24:29

ꞋEt Rebekah bulhutsin, Laban huyulhni, ꞌinkꞌez Laban ꞌen nꞌaz yutsꞌun telhgai ꞌinkꞌez nyoon dune too dizꞌai-un yuzih usyin-un, ꞌen yuzih neninya.

Genesis 24:4

ꞋEt hoontsꞌi sichꞌoh skeyoh ꞌinkꞌez sichꞌoh snatneke ꞌenne butoh ꞌet syeꞌ Isaac ooꞌat ooba yitalhchulh.”

Genesis 24:50

ꞋEt Laban ꞌinkꞌez Bethuel bulh ꞌuhuyulhni, “Moodihti (Yahweh) tsꞌu ha hooltsꞌut wheꞌ hoontꞌoh, ꞌaw hoonzoo-un hukwꞌunꞌa kꞌus hoontsiꞌ kꞌunꞌa nyulh yatsꞌoolhduk ꞌaitꞌoh.

Genesis 25:20

Isaac ꞌen dit whunizyai (40) naoodizut whe ooꞌat Rebekah ꞌen yughusda. Bethuel ootseꞌ ꞌen Syria whutꞌen, Padan Aram keyoh, ꞌet Laban, ꞌen Syria whutꞌen ꞌen bulhtus.

Genesis 28:5

ꞋEt Isaac, Jacob wheyalhꞌa ꞌinkꞌez yun kꞌut Paddan Aram tsꞌe whenya, Laban, Bethuel ooyeꞌ, Syria whutꞌen, ꞌen Rebekah bulhutsin Jacob ꞌinkꞌez Esau buloo.

Genesis 29:1

ꞋEt Jacob tizya tsꞌe whenya, ndaꞌ keyoh whutꞌenne bukeyoh tsꞌe oozya.

Genesis 31:18

ꞋInkꞌez ndai la khuna-i yutꞌi-i ꞌinkꞌez oogha ininkat-i cha, njan keyoh Paddan Aram ndi khuna-i oogha ininkat-i, oobá Isaac, Canaan keyoh tsꞌe, whuz whe naja.

Genesis 32:10

ꞋAw sgha teꞌninzun ꞌinkꞌez tsꞌihꞌun khuni be cha sulh yailduk, ꞌi ꞌaw soo ba lheꞌuzdzooꞌ whe ꞌustꞌoh. Mba ꞌutꞌen-un whunilhtan njan ꞌukoh Jordan yanusya ndai la stuz cha nustun ꞌinkꞌez nawh ꞌudulhne tsꞌuzdliꞌ.

Genesis 33:18

ꞋEt Jacob soo dalhinel whe nyo keyoh whuti, Shechem huwhutni, whuz oozya, Canaan yun kꞌut ꞌet whuzꞌai Paddan Aram tsꞌe hainya, ꞌinkꞌez nyo keyoh whuti ꞌet yoo ꞌaz tsꞌe dunimbali neninꞌai.

Genesis 35:9

ꞋEt Yakꞌusda (Elohim) Jacob doo cha yunalhtsꞌet hainya, whutsodaꞌ Padan Aram tsꞌe hainya whe soo hoonzoo-un oogha whultsꞌut.

Genesis 46:15

Ndunne Leah ooyeꞌke, ꞌenne Jacob ghu bulhtsi Paddan Aram tsꞌe. Ootseꞌ Dinah, ꞌen cha. Mbene la ooyeꞌke ꞌinkꞌez ootseꞌke cha tat whunizyai ꞌon ꞌat tane (33) hinli.