Genesis 27:41 - Yak'usda Ooghuni

⁴¹ ꞋEt huwa Esau, Jacob yutsꞌu dutni ndai la yube soo hoonzoo-un oogha whútiltsꞌulh, yilhchoot, ꞌinkꞌez Esau dudzi yo tsꞌe ꞌutni, “Sbá ookꞌeni whuntidleh-un ꞌawet nilhdukw, ꞌet de Jacob sulhutsin tuzisghelh.”

Genesis 27:41 Iomraidhean Croise

Genesis 27:42

ꞋInkꞌez Esau ooghuni ꞌudetso ooyaz-un Rebekah hidaniꞌ. ꞋEt Rebekah Jacob ꞌanih yudaniꞌ ꞌinkꞌez ꞌuyulhni, “ꞋAlhaꞌ nyulhutsin Esau nyutuzilhghelh ꞌet whe hazih kꞌenaꞌdunitꞌah.

Genesis 32:11

Ntsꞌu tenadusdli sulhutsin Esau, ꞌen oola ꞌi chꞌa. ꞋEn be nuzjut doo ka sih ndiz sghu ninya ꞌinkꞌez seooyaꞌ ꞌinkꞌez suzkeh buloo tubulh.

Genesis 32:3

ꞋEt Jacob dutso khuni nuꞌane ꞌenne dulhutsin Esau whuz whe balhꞌaꞌ, yun kꞌut Seir huwhutni-un Edom keyoh.

Genesis 32:6

ꞋEt nyoonne nukhuni nuꞌane Jacob highu nandil ꞌinkꞌez ꞌuhuyulhni, “Nyulhutsin Esau ooghuznindil. Didut cha ndiz nyudutiyalh, dit whunizyat whunizyat (400) ꞌet ꞌenne dune hiyulhtidulh.”

Genesis 35:29

ꞋEt Isaac ꞌudekꞌez ha naji ꞌinkꞌez dazsai, ꞌinkꞌez whutsodaꞌ hubulh ꞌantꞌeꞌne, ꞌenne butsꞌun whenya. Tube duneti ꞌinkꞌez lhat dzin cha be yus kꞌut. ꞋInkꞌez ooyeꞌke Esau ꞌinkꞌez Jacob bulh ꞌahuyalhti.

Genesis 37:18

ꞋEt ꞌaz de uyalh hitilhꞌen whe lhahodinla hituzilhghelh-un.

Genesis 37:4

ꞋEt bulhutsinke dalcho-i be la bubá Joseph yukꞌensiꞌ huwhunilhꞌen, ꞌinka hitsꞌu dutni ꞌinkꞌez ꞌaw soo cho hiyulh yalhulhduk.

Genesis 37:8

ꞋInkꞌez bulhutsinke ꞌet ꞌuhuyulhni, “Nelerwe tanleh whe ꞌudini ꞌinkꞌez nemoodih tanleh whe ꞌudini?” ꞋEt tsꞌo ꞌonus hitsꞌu dutni nute-un huwa ꞌinkꞌez ooghuni cha huwa tsꞌiyawh hitsꞌu dutni.

Genesis 50:15

ꞋEt Joseph bulhutsinke bubá ꞌawet dazsai ꞌet ꞌuhutni, “Joseph netsꞌu dootni tilah, datsꞌinla la hoontsꞌi hukwꞌunꞌa ꞌutsꞌinla ꞌet tilah neba kꞌelha hoolhtselh.”

Genesis 50:2

ꞋInkꞌez Joseph yuba ꞌutꞌenne, yoo be duyunne, ꞌenne dubá oozi lhahidooleh hubulhni. ꞋEt yoo be duyunne, ꞌenne Israel oozi yesaꞌ sooꞌ titꞌelh-i, ꞌi be highaizna.

Titus 3:3

Wheni cha whuz unꞌa za tsꞌuwhusni ínleꞌ. Khuni kꞌunulheꞌtsꞌustꞌen. Naznutꞌah. Lhelhdun tsꞌuhóontꞌiꞌ whe hoontsiꞌ te neꞌtsꞌustꞌen. Tsꞌintsiꞌ whe ndi yun kꞌut ꞌuzdáltsꞌiꞌ, ꞌinkꞌez ꞌoonih bulh chaꞌ ꞌutsꞌantꞌeꞌ. ꞋUyoonne tsꞌuzdutni ꞌinkꞌez tsꞌiyawh lhtsꞌuzdutni.