Genesis 27:4 - Yak'usda Ooghuni

⁴ ꞋInkꞌez nyoo ndai la oonustꞌiꞌ-i, ꞌi sba ꞌinleh, ꞌinkꞌez stsꞌu tonkaꞌ, ꞌet de sih oosꞌalh. ꞋEt de sih szul be soo hoonzoo-un ntsꞌun tizooꞌ datisah whutso.”

Genesis 27:4 Iomraidhean Croise

Genesis 14:19

Soo hoonzoo-un ubulh yalhduk whe ꞌutni “Yakꞌusda ꞌukꞌenus diztiꞌ-un (El Elyon) yakꞌuz ꞌinkꞌez ndi yun kꞌut cha oochꞌeꞌ hoonli-un ꞌen gha Abram soo hoonzoo-un oogha hootaltsꞌulh.

Genesis 24:60

ꞋInkꞌez Rebekah soo hoonzoo-un hiba tenadidli ꞌinkꞌez ꞌuhuyulhni, “Neulhtus, lhez te whunizyai lhkꞌuz te (100,000,000) dune buloo ꞌonleꞌ sih ꞌinkꞌez ntsꞌu haindene mbene la butsꞌu dutnine hukwuti-un dati ꞌi himoodih ooleꞌ.”

Genesis 27:14

ꞋInkꞌez ndi khuna-iyaz yilhchoot ꞌinkꞌez duloo gha ininla ꞌinkꞌez ooloo yuba yuzdliz, ndai la oobá ooba yinzoo-i.

Genesis 27:17

ꞋInkꞌez nyoo yuzdliz-i ꞌinkꞌez ꞌutꞌalh-i cha ꞌi duyaz Jacob yutlꞌa yanla.

Genesis 27:19

ꞋEt Jacob dubá ꞌuyulhni, “Nyeꞌ, ꞌudetso whuzdli-un, Esau ꞌustꞌoh. Daja sudaniꞌ la whuz unꞌa ꞌusja. Dudinyaih ꞌinkꞌez njan sinda ꞌinkꞌez ndi sisghi-i ꞌinꞌalh, ꞌet de sih nzul be soo hoonzoo-un sgha hooltsꞌit.”

Genesis 27:23

ꞋInkꞌez ꞌaw nalhuyóoltsꞌulh, nyoo oola dughai Esau oola kꞌunꞌa, ꞌinka soo hoonzoo-un be ubulh yalhduk.

Genesis 27:25

ꞋInkꞌez ꞌutni, “Szih neninꞌaih nyoo syeꞌ yanghan-i, ꞌi sih oosꞌalh ꞌinkꞌez ndi szul be soo hoonzoo-un ngha hóotaltsꞌulh sih.” Yuzih neꞌninkai ꞌinkꞌez yanꞌal ꞌinkꞌez tsꞌekoo tooꞌ cha yugha nilhdzo ꞌinkꞌez ꞌi cha yitnaiꞌ.

Genesis 27:27

ꞋInkꞌez yuzih neninya ꞌinkꞌez naiditsꞌooz ꞌinkꞌez nyoo naih yunahoolhtsun ꞌinkꞌez soo hoonzoo-un ootlꞌa ookat, ꞌinkꞌez ꞌuyulhni, “ꞋAlhaꞌ soo tsꞌihꞌun syeꞌ ꞌaw hukwꞌunꞌa oonawhultsun, ndai la Moodihti (Yahweh) tlꞌo kꞌut soo hoonzoo-un whulhtsih.

Genesis 27:31

ꞋEn cha ndi tꞌalh-i nzoo-i ꞌuyinla ꞌinkꞌez dubá yughu daininkai ꞌinkꞌez dubá ꞌuyulhni, “Sbá dudoyaꞌ ꞌinkꞌez ndi ooyeꞌ yuzilhghi-i yooꞌalh, ꞌet la nzul be soo hoonzoo-un sgha hóotaltsꞌulh.”

Genesis 27:5

ꞋEt Rebekah yoozilhtsꞌai whe ꞌutni Esau bulh yalhduk, ꞌinkꞌez Esau whenya ꞌukaꞌ titꞌelh ha ꞌinkꞌez whusaitilelh.

Genesis 27:7

‘Silhghe-i stsꞌinlelh ꞌinkꞌez nzoo-i sba ꞌinleh, tisꞌulh ha datisah whutso Moodihti (Yahweh) oonalh ꞌet sih soo hoonzoo-un ntsꞌun tiszooꞌ.’

Genesis 27:9

ꞋAz inyalh ꞌinkꞌez khuna-iyaz toh tsꞌe nanki dúbe uzkehyaz soo unzoo-i, ꞌi si mba ꞌoosleh, mbá oogha itankalh wheni, ntsꞌenꞌa yoontꞌiꞌ, whuz unꞌa.

Genesis 28:3

Yakꞌusda ꞋUkꞌenus ꞋUltus-un ꞋUstꞌoh (El Shaddai) soo cho ncha mba hoonzoo-un ngha hóotaltsꞌulh ꞌinkꞌez lhane hooleh dune huldlaine oohleh.

Genesis 48:9

ꞋInkꞌez Joseph dubá ꞌulhni, “Syeꞌke ꞌuhintꞌoh. Njan yun kꞌut Yakꞌusda (Elohim) sgha bunilhtine.” ꞋInkꞌez ꞌutni, “Deꞌ ndiz stsꞌu bilhtelh ꞌinkꞌez si soo hoonzoo-un butsꞌun tiszooꞌ.”

Genesis 49:28

Ndunne ꞌenne tsꞌiyawh Israel tsꞌu haindene whunizyane ꞌon ꞌat nane didohne, ꞌet ndi khuni ꞌi be buba hubulh yailhduk ꞌinkꞌez soo hoonzoo-i butsꞌun tizooꞌ, ꞌilhoghun hinli whe ntsꞌenꞌa la didutchꞌoh soo hoonzoo-i be ubulh yalhduk.

Luke 2:34

ꞋEt Simeon Yakꞌusda tsꞌu hukwaꞌ daniꞌ butsꞌun óozooꞌ ha. ꞋInkꞌez ooloo Mary ꞌen njan ndi yulhni, “Ndet huba ndun tsꞌoodun Yakꞌusda ꞌen buba ꞌutahayálhti-un ꞌuntꞌoh, ꞌet nyudutasnelh. Israel ootsꞌu hainzutne, ꞌen gha lhane nahutikulh ꞌinkꞌez lhane dunahudutádulh. ꞋInkꞌez highu tꞌeooninzun ꞌet hoontsꞌi hichꞌaz yatilhduk.

Luke 24:51

ꞋAwhuz Yakꞌusda yoodulhkut butsꞌun oozooꞌ ha, buchꞌa nasdzut ꞌinkꞌez ndo yakꞌuz whenálti.

Hebrews 11:20

ꞋInkꞌez be ꞌalha ꞌuhoontꞌoh-i, ꞌi be ndet la tsꞌiyantsuk whusaóotikulh-un, Isaac Yakꞌusda yoodalhkut, nus de huba Jacob ꞌinkꞌez Esau bulh butsꞌun óozooꞌ ha.