Genesis 26:5 - Yak'usda Ooghuni

⁵ Abraham ꞌen sghuni oontun ꞌinkꞌez skꞌoh tsꞌe ꞌantꞌeꞌ, sghuni ꞌi yukꞌuneꞌ ꞌustꞌen, dadusni, ꞌet cha hontun, ꞌinkꞌez ntsꞌenꞌa ba newhuninꞌai, ꞌet huwa.”

Genesis 26:5 Iomraidhean Croise

Genesis 12:4

ꞋEt Abram Moodihti (Yahweh) daja la ꞌet nduja whe tizya Lot ꞌen yulh tizꞌaz ꞌinkꞌez Abram ꞌen lhtakꞌantꞌit whunizyat ꞌon ꞌat kwulat be yus kꞌut (75) whe ꞌet njan Haran huwu tizya.

Genesis 17:23

ꞋEt Abraham duyeꞌ Ishmael yilhchoot ꞌinkꞌez mbene la yuyoh whuzdline ꞌinkꞌez mbene la sooniya kꞌelha bubonketne, dune tsꞌiyawh Abraham ooyoh dilhtsꞌine ꞌet dzin za yuka dune unli-un hubuhuztꞌus Yakꞌusda (Elohim) yulhni hukwꞌunꞌa.

Genesis 18:19

Tꞌeniszin duduzke bukꞌunuhilhyeꞌ, yoh whutꞌine cha bukꞌelhꞌaz Moodihti (Yahweh) ookwꞌunꞌa huhoontun zaꞌ hintꞌoh tsꞌihꞌun neꞌhutꞌen, ꞌet de la Moodihti (Yahweh) Abraham daja yulhni-un ꞌet yugha whutalelh.”

Genesis 22:16

ꞌet ꞌutni, “Sichꞌoh ooghu nahizusya, ni Moodihti (Yahweh), njan ꞌet dinja-un huwa, ꞌaw nyeꞌ ꞌen hoontsꞌi ꞌaw ꞌilhoghun nyeꞌ ꞌen hoontsꞌi schꞌa lhoontun.

Genesis 22:18

Ntsꞌu hainde-un ndi yun kꞌut dune tsꞌiyawh soo hoonzoo-un bugha hóotaltsꞌulh, skꞌunꞌa ꞌinja ꞌet huwa.”

Genesis 26:6

ꞋEt Isaac nyo keyoh Gerar howhutni-un ꞌet hootꞌeꞌ.

Matthew 5:19

ꞋEt huwa ndai khuni neghaltsꞌut-i, ꞌi hoontsool-unyaz hoontsꞌi dune kꞌuhinínyuz de, ꞌinkꞌez ꞌuyoonne whuz unꞌa whubodutilhꞌeh dune ndutꞌen de, ꞌet yakꞌuz kꞌúneꞌ whulꞌen-un, ꞌen ꞌaw hoonli lhiloh-un yidutánelh. ꞋEt ndi khuni netlꞌa diltsꞌut-i, dune hikꞌuneꞌ ꞌutꞌen de, ꞌinkꞌez ꞌuyoonne whuz unꞌa ꞌaz whubodutilhꞌeh, yakꞌuz kꞌúneꞌ whulꞌen-un, be ncha-un ꞌuntꞌoh hidutánelh.

Matthew 7:24

“ꞋEt huwa mbene la sghuni yoozilhtsꞌaine, ꞌinkꞌez daja dusni-un hukwꞌú neꞌhutꞌen, dune whunih-un duyoh tse kꞌut neooninꞌai, ꞌen kꞌunꞌa ꞌuhintꞌoh.

1 Corinthians 15:58

ꞋEt huwa sulhutsinke, ulhtusne oohleꞌ. Khun nahóohtnah junih! ꞋAhoolhyiz neMoodihti be ꞌutꞌen kꞌoh soo cho ꞌuwhulhꞌen. Tꞌeóonúhzun neMoodihti ba ꞌahtꞌen, ꞌaw ꞌantsꞌet iloh ꞌahtꞌen wheꞌ hoontꞌoh.

Galatians 5:6

ꞋEt wheni tsꞌiyawh Christ Jesus ꞌen bulh ꞌutsꞌintꞌoh de, ꞌet de yuka dune unli-i kꞌut huyuztꞌus, kꞌus ꞌaw lhitꞌus-un, ꞌet ꞌaw ꞌantsꞌi ꞌuhoontꞌoh. ꞋEt hoontsꞌi be ꞌalha ꞌuhoontꞌoh-i, ꞌi hooncha wheꞌ hoontꞌoh. ꞋI gha ꞌon nus lhkꞌetsꞌusiꞌ.

Hebrews 11:8

Abraham, ꞌen cha Yakꞌusda uyúlhni, “ꞋUdun yun kꞌuz tonyaꞌ. Kꞌat le de njan yun kꞌut ꞌet nchꞌeꞌ whutaleh.” ꞋEt be ꞌalha ꞌuhoontꞌoh-i be Abraham whuz unꞌa yukꞌúneꞌ ꞌustꞌen. Ntsꞌe tiyalh ꞌaw tꞌéoonúszun ꞌet hoontsꞌi ꞌawet tizya.

James 2:21

Netsodaꞌ-un, Abraham, ꞌen duyeꞌ, Isaac, ꞌen loodel kꞌeyilhti, Yakꞌusda ba yutuzilhghelh ha. ꞋEt huwa dude ꞌutꞌen be tsꞌihꞌun dune suliꞌ.