Genesis 26:4 - Yak'usda Ooghuni

⁴ ꞋInkꞌez ntsꞌu haindene, ꞌenne yakꞌuz whusum kꞌunꞌa lhkꞌuz te huldlai hubutilhtselh. ꞋInkꞌez ntsꞌu hainde ꞌen tsꞌiyawh njan yun kꞌut bugha óotasꞌalh. ꞋInkꞌez ntsꞌu haindene, ꞌenne bugha ndi yun kꞌut dune tsꞌiyawh huba soo hoonzoo-i ꞌi butilhtselh.

Genesis 26:4 Iomraidhean Croise

Genesis 13:16

ꞋInkꞌez ntsꞌu ha hande ꞌenne yun kꞌut lhez kꞌunꞌa butiselh. ꞋEt whe dune yun kꞌut lhez hodutilhto de, ꞌet si ntsꞌu haindene ꞌenne cha si bulh olto.

Genesis 15:18

ꞋEt dzin za Moodihti (Yahweh) Abram tsꞌun khuni ooba lhaidinla whe njan ndutni, “Ntsꞌu haindene ꞌenne ndi yun bugha óonusꞌai, Egypt whedinli tsꞌun ꞌinkꞌez ndi ꞌukoh whucho, ꞌet Euphrates ꞌukoh whucho ꞌet.

Genesis 15:5

ꞋEt nꞌaz teinilhti ꞌinkꞌez ꞌuyulhni, “Ndo yakꞌuz tsꞌe whunilhꞌen sum hoolhto hukwa soo tila holhto.” ꞋInkꞌez ꞌet ꞌuyulhni, “Mbene la ntsꞌu haindene ꞌet ꞌuhutiltsuk.”

Genesis 18:18

ꞌalha Abraham ꞌen didoh-un ncha ꞌinkꞌez tube ulhtus tileh. ꞋInkꞌez ꞌen gha tsꞌiyawh didohne ꞌenne soo hoonzoo-un bugha hóotaltsꞌulh.

Genesis 26:24

ꞋEt ꞌulhdzis za Moodihti (Yahweh) yunalhtsꞌet hainya ꞌinkꞌez ꞌutni, “Mbá Abraham ooYakꞌusda (Elohim) ꞌustꞌoh. Whenilhjut iloh, nyulh ꞌustꞌen ꞌinkꞌez soo hoonzoo-un mba whutiselh ꞌinkꞌez ntsꞌu haindene cha lhane hutileh, ndun sba ꞌutꞌen-un Abraham ꞌen gha.”

Genesis 28:14

ꞋInkꞌez cha mbene la ntsꞌu haindene ndi yun kꞌut lhez lheꞌuntꞌoh. Lhai whuz unꞌa hutildlaiꞌ, nooꞌ cha ꞌinkꞌez ndaꞌ cha, whuz netihnelh, no cha, nyan ꞌinkꞌez ntsꞌu hainde-un cha, ꞌen gha ndi yun kꞌut dilhtsꞌine, ꞌenne tsꞌiyawh soo hoonzoo-un bugha hóotaltsꞌulh.

Genesis 28:3

Yakꞌusda ꞋUkꞌenus ꞋUltus-un ꞋUstꞌoh (El Shaddai) soo cho ncha mba hoonzoo-un ngha hóotaltsꞌulh ꞌinkꞌez lhane hooleh dune huldlaine oohleh.

Genesis 35:12

Yun Abraham ꞌinkꞌez Isaac bulh bugha inusꞌai-i, ꞌi ngha nusꞌai. Ntsꞌu haindene nkꞌelhꞌazne, ndi yun nohgha nusꞌai.”

Genesis 47:27

ꞋEt Israel, Egypt yun kꞌut ꞌet hitꞌeꞌ, keyoh Goshen huwhutni-un ꞌet hootꞌeꞌ, lhai huyutꞌi-i ꞌutꞌi suliꞌ.

Acts 3:25

Nohni cha Yakꞌusda be nus hóoꞌenne butsꞌu háhde ꞌinkꞌez ndai la Yakꞌusda nohtsodaꞌne khuni buba lhaídinla-i, nohni cha nohba ꞌuntꞌoh. Ndi khuni buba lhaídinla-i, Abraham cha tlꞌa díltsꞌut inleꞌ, ‘Ntsꞌu haínzut-un, ꞌen gha dune ndi yun kꞌut buba hoonzoo tileh,’ ꞌet Yakꞌusda Abraham yulhni.

Galatians 3:16

ꞋEt Yakꞌusda Abraham ꞌinkꞌez ootsꞌu ha yánzut-un, ndai ye yutsꞌu náhizya, ꞌaw ꞌen za ꞌinkꞌez ootsꞌu ha yánzut-un, ꞌenne za butsꞌú yoozi. ꞋAw Abraham tsꞌu haíndene, ꞌenne iloh ꞌubudusni. ꞋAw lhane iloh ꞌulhni. ꞋEt hoontsꞌi Yakꞌusda ꞌilhoghun dune za ghu yalhduk whe ꞌutni. ꞋEt whuz unꞌa ꞌudija whe Abraham, “Ntsꞌu haínzut-un,” yúlhni. ꞋInkꞌez ndun Christ ꞌen Abraham tsꞌu hainzut-un ꞌuntꞌoh.

Galatians 3:8

Yakꞌusda ooghuni nus de dawhútanelh, ꞌet whunénulhtun. Be ꞌalha ꞌuhoontꞌoh-i, ꞌi be Yakꞌusda ꞌudun yun kꞌut whutꞌenne tsꞌihꞌun ꞌuntꞌohne ubutilhtselh. ꞋEt whutso ꞌuwhutánelh-un, ꞌet Yakꞌusda Abraham njan ndúyulhni, “Nyun ngha ꞌudun yun kꞌut whutꞌenne, tsꞌiyawh dáwhuldzooꞌ-un bugha hóotaltsꞌulh.”

Hebrews 11:2

Ndi be ꞌalha ꞌuhoontꞌoh-i, ꞌi be ndunne Yakꞌusda ba ꞌutso whudilhdzulhne, ꞌenne soo tsꞌihꞌun unꞌa bughu yaduk.