Genesis 26:3 - Yak'usda Ooghuni

³ Ndi yun ꞌi kꞌut hontꞌe ꞌinkꞌez nyulh ꞌutistꞌelh, ꞌinkꞌez mba soo hoonzoo-i ubooselh. Nyun cha ꞌinkꞌez ntsꞌu haindene cha ndi yun bugha inusꞌai, ndet la mbá Abraham ootsꞌu nahizusya-i, ꞌi lhadutisleh ꞌet huwa.

Genesis 26:3 Iomraidhean Croise

Genesis 12:7

ꞋEt Moodihti (Yahweh) Abram yunalhtsꞌet hainya ꞌinkꞌez ꞌuyulhni, “Mbene la ntsꞌu haindene ꞌenne ndi yun bugha ítasꞌalh.” ꞋEt Moodihti (Yahweh) yunalhtsꞌet hainya-un ꞌen yutsꞌun loodel ꞌinla.

Genesis 13:15

Ndai la yun nilhꞌen-i ꞌilhiz wheni tsꞌiyawh ntsꞌu haindene tubulh ꞌi nohgha nusꞌai.

Genesis 13:17

Dudinyaih ꞌinkꞌez yun kꞌinyaih inyalh, dawhulhyiz la ꞌinkꞌez dawhulhtel la ndi yun ꞌi ngha tisꞌalh ꞌet huwa.”

Genesis 15:18

ꞋEt dzin za Moodihti (Yahweh) Abram tsꞌun khuni ooba lhaidinla whe njan ndutni, “Ntsꞌu haindene ꞌenne ndi yun bugha óonusꞌai, Egypt whedinli tsꞌun ꞌinkꞌez ndi ꞌukoh whucho, ꞌet Euphrates ꞌukoh whucho ꞌet.

Genesis 17:19

ꞋEt Yakꞌusda (Elohim) ꞌutni, “ꞋAwundooh Sarah nꞌat nyeꞌ nghu tilhtsi ꞌinkꞌez Isaac dutanelh. Sghuni lhadusla-i ꞌilhiz wheni ꞌen cha ootsꞌun lhadutisleh, mbene la ootsꞌu haindene hukwꞌelhꞌaz ꞌenne cha.

Genesis 17:8

ꞋInkꞌez cha nyun cha ꞌinkꞌez ntsꞌu haindene nkꞌelhꞌaz, ndi yun nohgha nusꞌai, ꞌawhuz ꞌet tꞌenyuzinzun, Canaan yun tsꞌiyawh nohchꞌeꞌ ooleꞌ ꞌilhiz wheni, ꞌinkꞌez buYakꞌusda tisleh.”

Genesis 20:1

ꞋInkꞌez Abraham ꞌet whe dinya whe nyan wheinya, Kadesh ꞌinkꞌez Shur bulh ꞌet whulheguz ꞌet hootꞌeꞌ, ꞌinkꞌez Gerar howhutni whuz cha whuloh te whutꞌi.

Genesis 25:11

ꞋEt whe lhuwhuzut Abraham dazsai hukwꞌelhꞌaz, ꞌet Yakꞌusda (Elohim) ꞌen ooyeꞌ Isaac soo hoonzoo-un yubaꞌ hoonla. ꞋInkꞌez Isaac ꞌen Beer Lahai Roi ꞌet whutꞌi.

Genesis 26:12

ꞋEt Isaac nyo yun kꞌut ꞌaꞌ nanla ꞌinkꞌez yus kꞌut haꞌ nanla. Lhai haꞌ nanla, 100 ꞌet ꞌuwhultsuk, ꞌinkꞌez Moodihti (Yahweh) soo hoonzoo-un yuba whulhtsi.

Genesis 26:14

ꞋUsbai ꞌi yulh lhai suliꞌ, musdoos ꞌi cha lhai whe yutꞌi suliꞌ, ꞌinkꞌez hinat neꞌutꞌen ꞌenne cha huldlai. ꞋEt whe Philistine whutꞌenne higheꞌ oolnih huzliꞌ.

Genesis 26:24

ꞋEt ꞌulhdzis za Moodihti (Yahweh) yunalhtsꞌet hainya ꞌinkꞌez ꞌutni, “Mbá Abraham ooYakꞌusda (Elohim) ꞌustꞌoh. Whenilhjut iloh, nyulh ꞌustꞌen ꞌinkꞌez soo hoonzoo-un mba whutiselh ꞌinkꞌez ntsꞌu haindene cha lhane hutileh, ndun sba ꞌutꞌen-un Abraham ꞌen gha.”

Genesis 28:13

ꞋInkꞌez whunilhꞌen ndo Moodihti (Yahweh) ꞌen usyin ꞌinkꞌez ꞌutni, “Si Moodihti (Yahweh) Abraham ooYakꞌusda (Elohim) mbá cha ꞌinkꞌez Isaac ooYakꞌusda (Elohim) cha ꞌustꞌoh. Ndi yun ookwꞌut sinti-i ꞌandit ngha tisꞌalh ntsꞌu haindene cha.

Genesis 28:15

Whunilhꞌen nyulh ꞌustꞌoh, ntsꞌoh teninya te, nyulh ꞌutistꞌelh ꞌinkꞌez ndi yun kꞌut nenyutastelh. ꞋEt ꞌawet nghu natisdulh datisnelh la nyudusni-un, ꞌet ꞌawhusla whutsꞌun.”

Genesis 31:3

ꞋEt Moodihti (Yahweh) Jacob ꞌuyulhni, “Mbá ooyun kꞌut tsꞌe naindalh, nyunchꞌoh nyunatneke butoh tsꞌe ꞌinkꞌez nyulh ꞌutistꞌelh.”

Genesis 35:12

Yun Abraham ꞌinkꞌez Isaac bulh bugha inusꞌai-i, ꞌi ngha nusꞌai. Ntsꞌu haindene nkꞌelhꞌazne, ndi yun nohgha nusꞌai.”

Genesis 39:2

ꞋEt Moodihti (Yahweh) Joseph yulh ꞌuntꞌoh ꞌinkꞌez tube soo dinꞌa suliꞌ. Nyoon Egypt whutꞌen oomoodih yinli-un ꞌen ooyoh usda.

Genesis 39:21

ꞋEt hoontsꞌi Moodihti (Yahweh) Joseph yulh ꞌuntꞌoh, ꞌinkꞌez yugha teꞌninzun, nyo ꞌadinꞌai-un humoodih ꞌen yuba unzoo suliꞌ.

Genesis 48:21

ꞋEt Israel, Joseph ꞌuyulhni, “Whunilhꞌen ꞌawet dassah whe ꞌustꞌoh, ꞌet hoontsꞌi Yakꞌusda (Elohim) nyulh ꞌutitꞌelh mbáke bukeyoh tsꞌe whuz nanyutilhtelh.

Genesis 50:24

ꞋInkꞌez Joseph dulhutsinke ꞌubulhni, “ꞋAwet datisah, ꞌet hoontsꞌi Yakꞌusda (Elohim) ꞌalha nohtsꞌun nutiyalh ꞌinkꞌez ndi yun chꞌa nanohtalelh, ꞌinkꞌez Abraham, Isaac ꞌinkꞌez Jacob cha yun butsꞌi yooziꞌ-i, whuz nanohtilelh.”

Philippians 4:9

Ndet si sgha whe hodilhꞌeꞌ-un, ꞌinkꞌez ndai sghuni ulhchoot-i, ꞌinkꞌez whudáhtsꞌo-un, ꞌinkꞌez nohnalh ꞌistꞌen-un, ꞌet cha, whuz unꞌa neꞌoohtꞌen. ꞋInkꞌez Yakꞌusda be whúdizghel-un, ꞌen si nohbulh óotꞌeꞌ.

Hebrews 11:9

Be ꞌalha ꞌuhoontꞌoh-i, ꞌi be yun yutsꞌe ooziya, ꞌi oochꞌeꞌ tileh. ꞋUtsꞌun keyoh whutꞌen-un unli njan yun kꞌut usda. Nimbali bet za whutꞌi. Isaac ꞌinkꞌez Jacob ꞌenne cha ꞌen kꞌunꞌa nimbali be za huwhutꞌi. ꞋEnne cha Abraham ye yutsꞌu náhizya-un, ꞌenne bubulh buchꞌeꞌ whutaleh.

Hebrews 6:17

ꞋEt Yakꞌusda ndunne mbene la ndai la butsꞌu hoozi, ꞌenne bugha ítaꞌalh. Ndet butsꞌu hoozi-un, ꞌaw ꞌatsꞌun unꞌa nahótneh ꞌaitꞌoh. Soo tsꞌihꞌun unꞌa tꞌehonoozeh buba hukwaꞌ ninzun, ꞌet huwa dudooziꞌ be butsꞌu náhizya.