Genesis 26:24 - Yak'usda Ooghuni

²⁴ ꞋEt ꞌulhdzis za Moodihti (Yahweh) yunalhtsꞌet hainya ꞌinkꞌez ꞌutni, “Mbá Abraham ooYakꞌusda (Elohim) ꞌustꞌoh. Whenilhjut iloh, nyulh ꞌustꞌen ꞌinkꞌez soo hoonzoo-un mba whutiselh ꞌinkꞌez ntsꞌu haindene cha lhane hutileh, ndun sba ꞌutꞌen-un Abraham ꞌen gha.”

Genesis 26:24 Iomraidhean Croise

Genesis 13:16

ꞋInkꞌez ntsꞌu ha hande ꞌenne yun kꞌut lhez kꞌunꞌa butiselh. ꞋEt whe dune yun kꞌut lhez hodutilhto de, ꞌet si ntsꞌu haindene ꞌenne cha si bulh olto.

Genesis 15:1

ꞋEt nduhooja hukwꞌelhꞌaz Moodihti (Yahweh) ooghuni Abram honꞌen whe nduyulhni, “Abram, wheniljut ꞌilhoh. Nyun mba neꞌi súbal ꞌusli, soo ꞌukꞌenus mba kꞌelha whutaleꞌ-un.”

Genesis 17:7

ꞋInkꞌez khuni nyun bulh lhadilya-i, ꞌi ꞌet dutaꞌalh ntsꞌu haindene ꞌenne lhanꞌun te, ꞌilhiz wheni ndi khuni lhadutalneh, NYakꞌusda (Elohim) tisleh ꞌinkꞌez ntsꞌu haindene cha.

Genesis 17:8

ꞋInkꞌez cha nyun cha ꞌinkꞌez ntsꞌu haindene nkꞌelhꞌaz, ndi yun nohgha nusꞌai, ꞌawhuz ꞌet tꞌenyuzinzun, Canaan yun tsꞌiyawh nohchꞌeꞌ ooleꞌ ꞌilhiz wheni, ꞌinkꞌez buYakꞌusda tisleh.”

Genesis 21:17

ꞋEt Yakꞌusda (Elohim) ndun tsꞌoodun ꞌutso yuduztsꞌai. ꞋEt whe Yakꞌusda (Elohim) oolizas ꞌen Hagar yutsꞌun huyih yakꞌuz tsꞌun, ꞌinkꞌez ꞌuyulhni, “Hagar, dainja whe ꞌudini? ꞋAw whenilhjut iloh! Yakꞌusda (Elohim) ndun duneyaz yudantsꞌo whe ꞌuntꞌoh.

Genesis 22:17

Be soo hoonzoo-un ꞌi ꞌutisdlilh, mba soo hoonzoo-un tileh. ꞋInkꞌez ntsꞌu haindene lhane whutaleh, sum kꞌunꞌa huldlai tileh, sai taba usdzai-i cha ꞌet ꞌultsuk-i hutileh ntsꞌu haindene, ꞌinkꞌez nchꞌaz ditnine bukeyoh ꞌi huyootatun.

Genesis 22:19

ꞋEt Abraham chilkeyaz bughu nahuntꞌaz, dunahuditꞌaz ꞌinkꞌez keyoh Beersheba tsꞌe whehandil, ꞌinkꞌez Abraham keyoh Beersheba ꞌet whutꞌi.

Genesis 24:12

ꞋInkꞌez ꞌutni, “O Abraham smoodih ooMoodihti Yakꞌusda (Yahweh Elohim), soo tsꞌihꞌun unꞌa lhaoodoosleh-un ꞌet sgha ooninꞌaih ꞌinkꞌez smoodih Abraham soo teꞌ ninzun-i be neꞌolhꞌen.

Genesis 28:13

ꞋInkꞌez whunilhꞌen ndo Moodihti (Yahweh) ꞌen usyin ꞌinkꞌez ꞌutni, “Si Moodihti (Yahweh) Abraham ooYakꞌusda (Elohim) mbá cha ꞌinkꞌez Isaac ooYakꞌusda (Elohim) cha ꞌustꞌoh. Ndi yun ookwꞌut sinti-i ꞌandit ngha tisꞌalh ntsꞌu haindene cha.

Genesis 28:15

Whunilhꞌen nyulh ꞌustꞌoh, ntsꞌoh teninya te, nyulh ꞌutistꞌelh ꞌinkꞌez ndi yun kꞌut nenyutastelh. ꞋEt ꞌawet nghu natisdulh datisnelh la nyudusni-un, ꞌet ꞌawhusla whutsꞌun.”

Genesis 28:3

Yakꞌusda ꞋUkꞌenus ꞋUltus-un ꞋUstꞌoh (El Shaddai) soo cho ncha mba hoonzoo-un ngha hóotaltsꞌulh ꞌinkꞌez lhane hooleh dune huldlaine oohleh.

Genesis 30:27

ꞋInkꞌez Laban ꞌen ꞌuyulhni, “ꞋEt sinda, mba ꞌuszoo de! Tꞌeooniszin ꞌawet nyun ngha Moodihti (Yahweh) soo hoonzoo-un sgha ooninꞌai.”

Genesis 31:5

ꞌinkꞌez ꞌubulhni, “Mbá oonin nusꞌen whutsodaꞌ hukwꞌunꞌa ꞌilhoh sulh nilhꞌen, ꞌet hoontsꞌi sbá ooYakꞌusda (Elohim) ꞌen sulh ꞌantꞌeꞌ.

Genesis 39:2

ꞋEt Moodihti (Yahweh) Joseph yulh ꞌuntꞌoh ꞌinkꞌez tube soo dinꞌa suliꞌ. Nyoon Egypt whutꞌen oomoodih yinli-un ꞌen ooyoh usda.

Genesis 39:3

ꞋInkꞌez oomoodih yunilhꞌen ꞌahoolhyiz Moodihti (Yahweh) yulh ꞌuntꞌoh ꞌinkꞌez oola kꞌez tsꞌiyawh be unzoo yulhtsi.

Genesis 46:1

ꞋEt Israel ndai la yutꞌi-i tubulh tizya, Beersheba keyoh tsꞌe oozya ꞌinkꞌez oobá Isaac ooYakꞌusda (Elohim) tsꞌun khuna-i dalhkꞌun.

Matthew 22:32

‘Si Abraham, Isaac, ꞌinkꞌez Jacob, buYakꞌusda ꞌustꞌoh.’ ꞋAw yaidlane buYakꞌusda iloh ꞌuntꞌoh. Khunane buYakꞌusda unli ꞌet huwa.”

Luke 12:32

Se ꞌusbai ꞌilhoh núlhꞌas-i, noolhjut junih! NohBá whe lerwe unli-un, hoontꞌiꞌ whe nohgha óotaꞌalh.

Acts 7:32

‘Si ꞌustꞌoh, ntsodaꞌne buYakꞌusda usdli. Abraham ꞌen ooYakꞌusda ꞌustꞌoh, Isaac ꞌinkꞌez Jacob cha buYakꞌusda usdli.’ Moses nuljut kꞌet dutlut ꞌinkꞌez ꞌaw whunoolhꞌen ꞌaítꞌoh.

Hebrews 11:16

ꞋEt hoontsꞌi ꞌon nus keyoh hoonzoo-un hukwaꞌ huninzun. Njan keyoh ꞌuwhúlhni-un, ꞌet yakꞌuz whuzꞌai. ꞋEt huwa Yakꞌusda ꞌen duYakꞌusda hidániꞌ. ꞋInkꞌez Yakꞌusda ꞌen duYakꞌusda huyulhni, ꞌet ꞌaw hukwaya lhiloh, keyoh whuti ꞌet buba lhaóodinla ꞌet huwa.

Hebrews 13:6

ꞋInka nedzi ulhtus whé ꞌuzdooniꞌ, neMoodihti ꞌen nela ꞌutꞌen-un ꞌuntꞌoh. Dune danehulhꞌen ꞌet hoontsꞌi ꞌaw lhtsꞌunoolhjut.

Revelation 1:17

Tísꞌen whe oobut dasúsai hukwꞌunꞌa naztsꞌut. Dula nailhni tsꞌunkꞌus ꞌi be skꞌé dilni ꞌinkꞌez ꞌusulhni, “Niljut íloh! ꞋUdechoo ꞌinkꞌez ꞌudekꞌez-un ꞌustꞌoh.