Genesis 24:3 - Yak'usda Ooghuni

³ ꞋInkꞌez Moodihti (Yahweh) yakꞌuz whuYakꞌusda (Elohim), ꞌinkꞌez yun kꞌut whuYakꞌusda (Elohim) cha, ꞌen nalh stsꞌun nahitanyeh, ꞌaw njan Canaan whutꞌenne, ꞌenne butoh whustꞌine buyaz tsꞌeke ꞌen syeꞌ dune ꞌaw ꞌenne butoh ꞌaw ooꞌat sba tizulalhchulh.

Genesis 24:3 Iomraidhean Croise

Genesis 14:19

Soo hoonzoo-un ubulh yalhduk whe ꞌutni “Yakꞌusda ꞌukꞌenus diztiꞌ-un (El Elyon) yakꞌuz ꞌinkꞌez ndi yun kꞌut cha oochꞌeꞌ hoonli-un ꞌen gha Abram soo hoonzoo-un oogha hootaltsꞌulh.

Genesis 14:22

ꞋEt hoontsꞌi Abram Sodom whulerwe yulhni, “Ndi sla ꞌuntꞌoh Moodihti (Yahweh) Yakꞌusda ꞌukꞌenus yoo do ꞌuntꞌoh (El Elyon) ꞌen ootsꞌun duduzni, ꞌen yakꞌuz cha ndi yun kꞌut cha oochꞌeꞌ hoonli.

Genesis 21:23

ꞋEt huwa Yakꞌusda (Elohim) nalh sudini stsꞌu haindene cha ndun syaz cha, danyusla la ngha teꞌnuszun whe neꞌnyuzusꞌen whe nyun cha whuz unꞌa neꞌsolhꞌen ndi yun kꞌut cha, ookwꞌut ninya-i cha.”

Genesis 24:7

Yakꞌuz whuMoodihti Yakꞌusda (Yahweh Elohim) ꞌen sbá ooyoh ꞌinkꞌez ookeyoh whuz de ha salhti, sulh yailhduk ꞌinkꞌez stsꞌun nahizya ꞌusulhni, ‘Mbene la ntsꞌu haindene ndi yun bugha inusꞌai.’ ꞋEn la oolizas ntso yutilhꞌalh ꞌinkꞌez syeꞌ ooꞌat yutaleh-un ꞌen whuz de ha talhtelh.

Genesis 27:46

Rebekah ꞌen Isaac ꞌuyulhni, “ꞋAwet tube be khúsna-un be nenisai, be khúsna-un be nenisai ndunne Heth butseꞌke kꞌuz. Ndunne ndi yun kꞌut whutꞌenne whutseꞌ leꞌ hintꞌoh. ꞋEt Jacob, ꞌen Heth butseꞌ ghusda te, ꞌet dantꞌi whe be khúsna-un sba ooleꞌ ha?”

Genesis 28:1

ꞋEt Isaac, Jacob ꞌanih yudaniꞌ ꞌinkꞌez soo hoonzoo-un yuba whulhtsi, ꞌinkꞌez ꞌuyulhni, “ꞋAw Canaan whutsꞌekeꞌ ꞌilhoghun, ꞌen nꞌat wheni olhchoot junih.

Genesis 28:8

ꞋInkꞌez cha Esau, Canaan whutꞌenne whutsꞌekoo dubá ꞌaw hukwa lheꞌnizun.

Genesis 34:9

ꞋInkꞌez nebulh lhgho dolhtsꞌiꞌ. Ntseꞌkene ꞌenne negha buninle ꞌinkꞌez wheni netseꞌke ꞌenne hubilhchoot.

Genesis 38:2

ꞋEt nyo Judah Canaan whutꞌen-un, ꞌilhoghun ootseꞌ, ꞌen yunilhꞌen, Shua huyulhni, ꞌinkꞌez yughusda ꞌinkꞌez yuchantꞌinteꞌ.

Genesis 47:31

ꞋInkꞌez ꞌutni, “Stsꞌu nahinyeh.” ꞋInkꞌez yutsꞌu nahizya. ꞋEt Israel tse nilhꞌal-un hukwꞌut ꞌet yo nenintꞌai.

Genesis 50:25

ꞋEt Joseph, Israel buzkeh hitsꞌu nahizya ꞌet ꞌubulhni, “ꞋAlhaꞌ Yakꞌusda (Elohim) nohtsꞌun nutiyalh ꞌinkꞌez ustsꞌun ꞌi njan whuchꞌa naoolelh.”

Genesis 6:2

Yakꞌusda (Elohim) ooyeꞌke ꞌenne ndunne tsꞌekoo dune ootseꞌkene huhinzoo hubonilhꞌen. ꞋInkꞌez mbene la bukaꞌ huninzunne ꞌenne tsꞌekoo bubu hilhchoot, buꞌatke holeꞌ ha.

Genesis 6:4

ꞋEt ꞌoh daꞌ njan yun kꞌut dunechone hanleꞌ. ꞋEt hukwꞌelhꞌaz Yakꞌusda (Elohim) ooyeꞌke ꞌenne ndi yun kꞌut dune butseꞌke buzisda ꞌinkꞌez bubuzkehke yahonleꞌ. ꞋEt ndunne dune whuzdliꞌne, ꞌenne dune lhtuscho ꞌinkꞌez nchane ꞌuhintꞌoh.

1 Corinthians 7:39

ꞋEt Moses be ꞌudustlꞌus ndutni, “Mbe la ooki hoonli-un, ꞌet ooki ꞌawhuz khuna de, ꞌet ꞌilhiz ooleꞌ lhulh ꞌuhootꞌeꞌ hubaꞌ hoontꞌoh. ꞋEt ooki dazsai de, mbe yukaꞌ ninzun ghu natidalh, ꞌet whuz unꞌa ootꞌeꞌ, hukwaꞌ ninzun de.” ꞋEt hoontsꞌi Yakꞌusda ooba ꞌalhaꞌ yintꞌoh-un, ꞌen za yughu noodaꞌ hubaꞌ hoontꞌoh.

Hebrews 6:16

ꞋEt ndet la dune hoonli-unyaz huwun ꞌuyoon dune yutsꞌu nahutiyeh de, ꞌet tsꞌihꞌun néhotaꞌalh hukwaꞌ huninzun de, ꞌet de mbe yando ꞌuntꞌoh-un, ꞌen booziꞌ be tsꞌihꞌun nehohoꞌalh hubaꞌ hoontꞌoh.