Genesis 24:12 - Yak'usda Ooghuni

¹² ꞋInkꞌez ꞌutni, “O Abraham smoodih ooMoodihti Yakꞌusda (Yahweh Elohim), soo tsꞌihꞌun unꞌa lhaoodoosleh-un ꞌet sgha ooninꞌaih ꞌinkꞌez smoodih Abraham soo teꞌ ninzun-i be neꞌolhꞌen.

Genesis 24:12 Iomraidhean Croise

Genesis 15:1

ꞋEt nduhooja hukwꞌelhꞌaz Moodihti (Yahweh) ooghuni Abram honꞌen whe nduyulhni, “Abram, wheniljut ꞌilhoh. Nyun mba neꞌi súbal ꞌusli, soo ꞌukꞌenus mba kꞌelha whutaleꞌ-un.”

Genesis 24:21

ꞋInkꞌez nyoon dune tꞌedusnih ꞌet la Moodihti (Yahweh) whusainya-un, tsꞌiyawh lhaoodutneh tila kꞌus gak tila.

Genesis 24:27

ꞋInkꞌez ꞌutni, “Ooba ꞌustꞌen-un Abraham ooYakꞌusda (Elohim) ꞌinkꞌez ooMoodihti (Yahweh) cha ꞌen dotiꞌ. ꞋAw ndun ooba ꞌustꞌen-un ye yugha teꞌninzun ꞌinkꞌez ye tsꞌihꞌun ꞌuntꞌoh-i cha yula lhditnih. ꞋEt si ꞌowhuya usyalh Moodihti (Yahweh) ꞌen ndun ooba ꞌustꞌen-un oonatneke ꞌen whusunilhtan, ꞌet whuz oozusya.”

Genesis 24:42

ꞋEt ꞌandit dzin nyo too dizꞌai-un ꞌet nenusya whe ꞌudusni, ‘O Moodihti (Yahweh), ooba ꞌustꞌen-un Abraham ooYakꞌusda (Elohim), soo sba lhaoodonleh ntsꞌe usyalh-un.

Genesis 24:48

ꞋEt stsi be yo ꞌusja ꞌinkꞌez Moodihti (Yahweh) tsꞌun teníꞌ nalhdzin, ꞌinkꞌez smoodih Abraham ꞌen ooMoodihti Yakꞌusda (Yahweh Elohim) ꞌen ooba soo hoonzoo-un whulhtsi, ꞌen whuz be ntsꞌe tsꞌihnus tsꞌun ꞌutisnelh whe smoodih be ꞌilhoghun ꞌen ootseꞌ, ꞌen ꞌutahatálhtelh smoodih ooyeꞌ ba.

Genesis 26:24

ꞋEt ꞌulhdzis za Moodihti (Yahweh) yunalhtsꞌet hainya ꞌinkꞌez ꞌutni, “Mbá Abraham ooYakꞌusda (Elohim) ꞌustꞌoh. Whenilhjut iloh, nyulh ꞌustꞌen ꞌinkꞌez soo hoonzoo-un mba whutiselh ꞌinkꞌez ntsꞌu haindene cha lhane hutileh, ndun sba ꞌutꞌen-un Abraham ꞌen gha.”

Genesis 27:10

ꞋInkꞌez ndi mbá oogha ininkaih ꞌinkꞌez yooꞌalh sih ꞌinkꞌez datitsah whutso ꞌet ꞌen gha soo hoonzoo-un ngha hootaltsꞌulh.”

Genesis 27:20

ꞋEt hoontsꞌi Isaac duyeꞌ ꞌuyulhni, “Syeꞌ, ꞌet ntsꞌenꞌa ꞌa cho nainla ꞌi silhghi?” ꞋInkꞌez ꞌuyulhni, “Moodihti nYakꞌusda (Yahweh Elohim) ꞌen sgha ininla ꞌet huwa.”

Genesis 28:13

ꞋInkꞌez whunilhꞌen ndo Moodihti (Yahweh) ꞌen usyin ꞌinkꞌez ꞌutni, “Si Moodihti (Yahweh) Abraham ooYakꞌusda (Elohim) mbá cha ꞌinkꞌez Isaac ooYakꞌusda (Elohim) cha ꞌustꞌoh. Ndi yun ookwꞌut sinti-i ꞌandit ngha tisꞌalh ntsꞌu haindene cha.

Genesis 31:42

Sbá ooYakꞌusda (Elohim) ꞌinkꞌez Abraham ooYakꞌusda (Elohim) ꞌinkꞌez Isaac be nuzjut-un sulh ꞌuhoontꞌoh de, ꞌet de soo tsꞌihꞌun ꞌaw slakꞌet hoonli hooloh whudaꞌ nasutolhꞌaꞌ ooleꞌ. Yakꞌusda (Elohim) ndet la hukwꞌe ndusda-un ꞌinkꞌez sla be ꞌistꞌen-un tsꞌiyawh honꞌen ꞌinkꞌez ꞌulhdzis daꞌ hukwaꞌ nyudaniꞌ!”

Genesis 32:10

ꞋAw sgha teꞌninzun ꞌinkꞌez tsꞌihꞌun khuni be cha sulh yailduk, ꞌi ꞌaw soo ba lheꞌuzdzooꞌ whe ꞌustꞌoh. Mba ꞌutꞌen-un whunilhtan njan ꞌukoh Jordan yanusya ndai la stuz cha nustun ꞌinkꞌez nawh ꞌudulhne tsꞌuzdliꞌ.

Genesis 32:9

ꞋInkꞌez Jacob ꞌutni, “O sbá Abraham ooYakꞌusda (Elohim), sbá Isaac ooYakꞌusda Moodihti (Elohim Yahweh) ꞌusulhni, ‘Nkeyoh tsꞌe naindalh ꞌinkꞌez nyunatneke butsꞌun ꞌet whuz hoonzoo whe ꞌutanelh mba ootiselh’.

Genesis 43:14

ꞋInkꞌez Yakꞌusda ꞋUkꞌenus ꞋUltus-un ꞌuntꞌoh (El Shaddai), ꞌen nohgha teꞌnozeh nyoon oobut. ꞋInkꞌez si ꞌilhoghun nohulhutsin ꞌen cha yula dootnih ꞌinkꞌez Benjamin. ꞋEt ꞌawet tsꞌodi susliꞌ de, ꞌawet tsꞌodi susliꞌ.”

Matthew 22:32

‘Si Abraham, Isaac, ꞌinkꞌez Jacob, buYakꞌusda ꞌustꞌoh.’ ꞋAw yaidlane buYakꞌusda iloh ꞌuntꞌoh. Khunane buYakꞌusda unli ꞌet huwa.”

Philippians 4:6

Hoonli huwu ni oohleꞌ junih! ꞋEt kꞌus tsꞌiyaitsuk ooba tenadahdli. ꞋInkꞌez tedahdlih, ꞌinkꞌez musi dóhniꞌ. Be ndunihzut-i, ꞌi tsꞌiyawh Yakꞌusda tsꞌun ookaꞌ dahni.