Genesis 24:1 - Yak'usda Ooghuni

¹ Abraham ꞌawet tube yoo ꞌun uzulh ꞌinkꞌez Moodihti (Yahweh) tsꞌiyaitsuk Abraham soo hoonzoo-un ba whulhtsi.

Genesis 24:1 Iomraidhean Croise

Genesis 12:2

Tube didoh-un ncha-un nyutiselh, soo hoonzoo-un ntsꞌun tiszooꞌ ꞌinkꞌez nyooziꞌ cha ncha tiselh. ꞋInkꞌez ꞌuyoonne ba soo hoonzoo-un bugha hóotaltsꞌulh ꞌintꞌoh nyutiselh.

Genesis 13:2

Abram tube hoonzooꞌ ꞌuntꞌoh, khuna-i cha lhai yutꞌi ꞌinkꞌez silver ꞌinkꞌez gold tubulh lhai yutꞌi.

Genesis 18:11

ꞋAndit ꞌet Abraham ꞌinkꞌez Sarah ꞌen tube hoonyan huzdliꞌ. Yoo ꞌun hizulh ꞌinkꞌez Sarah ꞌen buzkeh whutaleh ꞌet tube ꞌon ꞌun hainzut.

Genesis 21:5

ꞋEt Abraham whunizyat whunizyat be yus kꞌut (100) whe ꞌet Isaac yughu yulhtsi.

Genesis 24:35

Moodihti (Yahweh) ꞌen smoodih tube soo hoonzoo-un yuba whulhtsi ꞌinkꞌez dune ncha-un suliꞌ. Khuna-i didoh-i tsꞌiyawh ꞌinkꞌez silver ꞌinkꞌez diztiꞌ-i gold duntꞌi-i, ꞌinkꞌez dune cha, tsꞌekoo yuba ꞌutꞌenne cha ꞌinkꞌez ndi camel cha ꞌinkꞌez donkey cha lhai yugha ninla.

Genesis 25:20

Isaac ꞌen dit whunizyai (40) naoodizut whe ooꞌat Rebekah ꞌen yughusda. Bethuel ootseꞌ ꞌen Syria whutꞌen, Padan Aram keyoh, ꞌet Laban, ꞌen Syria whutꞌen ꞌen bulhtus.

Genesis 26:12

ꞋEt Isaac nyo yun kꞌut ꞌaꞌ nanla ꞌinkꞌez yus kꞌut haꞌ nanla. Lhai haꞌ nanla, 100 ꞌet ꞌuwhultsuk, ꞌinkꞌez Moodihti (Yahweh) soo hoonzoo-un yuba whulhtsi.

Genesis 49:25

Mbá ooYakꞌusda (El), ꞌen nlaꞌutinelh. ꞋInkꞌez ꞋUkꞌenus ꞋUltus-un (EL Shaddai), ꞌen soo hoonzoo-i za ntlꞌa ookat. Yakꞌuz tsꞌe hakat-i, ꞌi be mba soo hoonzoo-i ntlꞌa ookat. Yatoo tꞌah tsꞌe hoonli ꞌi be cha mba soo hoonzoo-i whutaleh. Tsꞌekoo butsꞌooꞌ tsꞌoodunne huye ꞌulhtuk-i be ꞌinkꞌez tsꞌekoo buchan cha mba soo hoonzoo-i ntlꞌa ookat whutaleh.

Matthew 6:33

ꞋEt hoontsꞌi ntsꞌenꞌa Yakꞌusda nohba lerwe tileh ꞌinkꞌez be tsꞌihꞌun unꞌa ꞌuhoontꞌoh-i nohchꞌeꞌ tileh, ꞌet za hukwaꞌ nahzun, ꞌinkꞌez ꞌon ꞌun cha tsꞌiyawh nohgha tíkulh wheꞌ hoontꞌoh.

Luke 1:7

ꞋEt hoontsꞌi Elizabeth ꞌaw ooyaz holeꞌ ꞌaitꞌoh ꞌinkꞌez nahultꞌoh yoo ꞌun hizulh, ꞌet huwa cha ꞌaw bubukeh holeꞌ ꞌaitꞌoh.

Galatians 3:9

ꞋInka Abraham Yakꞌusda yuba ꞌalhaꞌ ꞌuntꞌoh ꞌet huwa ꞌukꞌenus hoonzoo-un oogha whultsꞌut. ꞋInkꞌez mbe la Yakꞌusda ooba ꞌalhaꞌ yintꞌohne, ꞌenne cha whuz unꞌa za njan ꞌukꞌenus hoonzoo-un bugha hóotaltsꞌulh.

Ephesians 1:3

Yakꞌusda, Jesus Christ neMoodihti ooBá, ꞌen uzdílhtiꞌ. ꞋEn ꞌuntꞌoh Jesus Christ be yakꞌut whudiztiꞌ-un, ꞌet whunilhchoh Ndoni gha ndi negha ntꞌai.

1 Timothy 4:8

ꞋEt neyustꞌe ba neꞌuzdunuldzeꞌ te, ꞌatsul za neba hootazooꞌ, ꞌet hoontsꞌi Yakꞌusda ba ndi yun kꞌut uzdoltsꞌiꞌ ha, ꞌet tsꞌiyantsuk whe whudíztiꞌ. ꞋI gha la ndi yun kꞌut uzdilhtsꞌi-un nelaꞌ ꞌewhudutitꞌelh ꞌinkꞌez yakꞌuz neztiyalh ꞌet cha nelaꞌ ꞌewhudutanelh.