Genesis 23:4 - Yak'usda Ooghuni

⁴ “ꞋUdun keyoh whutꞌen-un ꞌusli ꞌinkꞌez ꞌantsꞌi nohtoh nusya. Yun sgha nuhꞌaih, tsꞌun kꞌut wheni nohtoh sghu yaidlane ꞌet si ꞌabooslelh.”

Genesis 23:4 Iomraidhean Croise

Genesis 17:8

ꞋInkꞌez cha nyun cha ꞌinkꞌez ntsꞌu haindene nkꞌelhꞌaz, ndi yun nohgha nusꞌai, ꞌawhuz ꞌet tꞌenyuzinzun, Canaan yun tsꞌiyawh nohchꞌeꞌ ooleꞌ ꞌilhiz wheni, ꞌinkꞌez buYakꞌusda tisleh.”

Genesis 23:5

ꞋInkꞌez Heth ooyeꞌke ꞌuhuyulhni,

Genesis 3:19

Nyunin tsꞌu halhdzilh whe ꞌutꞌalh-i onꞌalh, yun natandleh whutsꞌun. ꞋI ootsꞌu hainzut. Lhez ꞌintꞌoh ꞌinkꞌez lhez ꞌi tsꞌun natandleh.”

Genesis 47:9

ꞋEt Jacob ꞌen Pharaoh ꞌuyulhni, “Sunawhudizut whe dzin whe lhususya, ꞌet 130 nawhudizut. ꞋAw whulai iloh ꞌinkꞌez hoontsiꞌ whe nawhudizut whudzin whe syustꞌe ꞌantꞌeꞌ. ꞋEt hoontsꞌi ꞌaw sbáke ndi yun kꞌut nuhuzdil-un ndoh whulhdzoh ꞌilhoh ꞌet khisnaꞌ.”

Genesis 49:30

tseꞌan ꞌet Machpelah yun kꞌut ꞌet ꞌuhoontꞌoh, Mamre whutso Canaan yun kꞌut ꞌi Abraham, Ephron, Hitt whutꞌen-un unli-un, ꞌen ooyun, tsꞌun kꞌut wheni ꞌet honket.

Genesis 50:13

Ooyeꞌke Canaan keyoh tsꞌe nahuyoolhti ꞌinkꞌez nyo Machpelah yun ꞌet tseꞌan ꞌet ꞌahayalhti, Mamre whutso ꞌet Abraham nyoo yun Ephron, Hitt whutꞌen-un, ꞌen tsꞌun yonket tsꞌun kꞌut wheni.

Acts 7:16

Buzi ꞌi la keyoh Shechem huwhútni tsꞌe whuz nabuhoozdla. ꞋEt whutsodaꞌ Abraham keyoh Hamor whutꞌenne yunyaz bubonket-i inleꞌ, ꞌi kꞌut ꞌabuhanla.

Acts 7:5

ꞋAw Yakꞌusda yun ntsool-iyaz hoontsꞌi yughá lhiꞌal ꞌet hoontsꞌi yutsꞌú yoozi whe ndúyulhni, ‘Nyun ꞌinkꞌez mbe la nye dútadulhne, ꞌenne ndi yun buchꞌeꞌ tileh.’ ꞋEt ꞌoh daꞌ Yakꞌusda ndúyulhni whe Abraham ꞌaw buzkeh hooloh inleꞌ.

Hebrews 11:9

Be ꞌalha ꞌuhoontꞌoh-i, ꞌi be yun yutsꞌe ooziya, ꞌi oochꞌeꞌ tileh. ꞋUtsꞌun keyoh whutꞌen-un unli njan yun kꞌut usda. Nimbali bet za whutꞌi. Isaac ꞌinkꞌez Jacob ꞌenne cha ꞌen kꞌunꞌa nimbali be za huwhutꞌi. ꞋEnne cha Abraham ye yutsꞌu náhizya-un, ꞌenne bubulh buchꞌeꞌ whutaleh.

1 Peter 2:11

Nohni ookꞌesiꞌne ꞌahli, ookeyoh hoolohne kꞌunꞌa, ꞌatsulyaz za ndi yun kꞌut dulhtsi. ꞋEt huwa ntsꞌe nohyustꞌe whutsꞌu nintꞌi-un, whuyit oohtꞌeꞌ, ꞌet hukwa nohtsꞌu tédusdli.