Genesis 23:2 - Yak'usda Ooghuni

² ꞋEt Sarah ꞌen keyoh Kirjath Arba, (Hebron ꞌuhoontꞌoh) Canaan keyoh ꞌet dazsai ꞌinkꞌez Abraham whusainya ꞌinkꞌez Sarah yukꞌenudleh ꞌinkꞌez yukꞌetso.

Genesis 23:2 Iomraidhean Croise

Genesis 13:18

ꞋEt Abram dunimbali nanayanꞌai ꞌinkꞌez ndun Mamre ooduchun, Terebinth huyulhni, ꞌet nenina. Keyoh Hebron ꞌuhoontꞌoh ꞌinkꞌez ꞌet loodel ꞌinla Yakꞌusda tsꞌun.

Genesis 23:1

Sarah ꞌen 127 be yus kꞌut whe dazsai. ꞋEt njan duwhuldzoh Sarah khanaꞌ.

Genesis 23:19

ꞋEt hukwꞌelhꞌaz Abraham duꞌat Sarah nyo tseꞌan ꞌet ꞌayalhti, Machpelah ooyun kꞌut, Mamre whuzih (Hebron ꞌuntꞌoh), Canaan keyoh ꞌet.

Genesis 24:67

ꞋEt Isaac duloo Sarah oonimbali tꞌah tsꞌe Rebekah dainilhti ꞌinkꞌez Rebekah yuꞌat suliꞌ, ꞌinkꞌez yukꞌensiꞌ. ꞋEt Isaac ooloo dazsai whe tube kꞌenaininꞌa.

Genesis 27:41

ꞋEt huwa Esau, Jacob yutsꞌu dutni ndai la yube soo hoonzoo-un oogha whútiltsꞌulh, yilhchoot, ꞌinkꞌez Esau dudzi yo tsꞌe ꞌutni, “Sbá ookꞌeni whuntidleh-un ꞌawet nilhdukw, ꞌet de Jacob sulhutsin tuzisghelh.”

Genesis 35:27

ꞋEt Jacob, dubá Isaac, yughu ninya. Mamre kꞌut Kirjath Arba huwhutni, (Hebron ꞌuhoontꞌoh), ndet la Abraham ꞌinkꞌez Isaac bulh huhootꞌen-un.

Genesis 37:14

ꞋEt whe Israel ꞌuyulhni, “Sla ꞌineh whe, inyalh nyulhutsinke soo ꞌuhintꞌoh whe, khuna-i cha soo ꞌuntꞌoh whe, ꞌinkꞌez khuni ꞌi whuz sba natonꞌalh.” ꞋEt whe njan Hebron whenkoh ꞌet whe yalhꞌaꞌ ꞌinkꞌez Shechem tsꞌe whenya.

Genesis 50:1

ꞋEt Joseph dubá yunin kꞌechaniti ꞌinkꞌez yukꞌut intse ꞌinkꞌez naiditsꞌooz.

Genesis 50:10

ꞋEt nyo Atad oochꞌeꞌ lhes maiꞌ dunuldus-un, ꞌet nehunindil, Jordan whanooꞌ ꞌuhoontꞌoh, ꞌinkꞌez soo tube ꞌet hikꞌeniudle. ꞋEt Joseph ꞌen lhtakꞌantꞌit dzin ꞌet dubá yukꞌenudleh whe inleꞌ.

John 11:31

ꞋEt ndunne Lizwifne, yoh bez tsꞌe hizih dilhtsꞌi, hinedílhyai wheni, Mary soo ꞌa cho dudinya ꞌinkꞌez ꞌaz whinya, hinilhꞌen ꞌet huyuntizdil ꞌinkꞌez ꞌulhodútni, “Tsꞌun kꞌut tsꞌe titso wheni whuz tizya whe ꞌutꞌen.”

John 11:35

ꞋEt Jesus intse.

Acts 8:2

Whulohne soo Yakꞌusda tsꞌun téninilhzunne Stephen ꞌuhuyalhti tube oogha budzi únduda ꞌinkꞌez hutso.