Genesis 23:16 - Yak'usda Ooghuni

¹⁶ ꞋInkꞌez Abraham Ephron yoozilhtsꞌai, ꞌinkꞌez Abraham nyoo silver nuyulhdaz Ephron yutsꞌiyoozi-i nyoonne Heth buzkeh bunalh, dit whunizyat whunizyai (400) silver ꞌet ꞌultsuk-i, ꞌoh daꞌ ꞌi yutlꞌa yandzai.

Genesis 23:16 Iomraidhean Croise

Genesis 23:15

“Smoodih soo zilhtsꞌai, ndi yun dit whunizyat whunizyai (400) ꞌultsuk-i silver ꞌet di whutaleh daꞌ nyun si bulh eguz, ꞌet nghu yaidlane ꞌabinle.”

Genesis 43:21

ꞋEt ꞌuhooja, nenatsꞌuntatus naztisdil whe ndi ꞌeꞌuzdla-i ookwꞌunatsꞌunꞌuk ꞌinkꞌez ꞌilhoghun tsinli whe nezoonuyaꞌ nyo ꞌezdla-i be yuzdzai whe, ꞌinka ndi sooniya whusanatsꞌandzai.

Genesis 49:29

ꞋEt ꞌinkꞌez ꞌubulhni, “ꞋAwet sulh duneꞌne, ubulh ꞌistꞌeꞌne ꞌenne ꞌawet butsꞌun tisyalh. Ndet la tseꞌan Ephron yun kꞌut ꞌi Hitt whutꞌen-un ꞌuntꞌoh, ꞌen ootseꞌan ꞌet sbákene bubulh ꞌasoolhtelh,

Genesis 50:13

Ooyeꞌke Canaan keyoh tsꞌe nahuyoolhti ꞌinkꞌez nyo Machpelah yun ꞌet tseꞌan ꞌet ꞌahayalhti, Mamre whutso ꞌet Abraham nyoo yun Ephron, Hitt whutꞌen-un, ꞌen tsꞌun yonket tsꞌun kꞌut wheni.

Matthew 7:12

ꞋEt huwa ntsꞌenꞌa hukwaꞌ nahzun dune danohotilhꞌelh-un, whuz unꞌa nohni cha ꞌet ndúboolhꞌen. Moses be ꞌudustlꞌus ꞌinkꞌez nus hooꞌenne bubeꞌ ꞌudustlꞌus cha, ꞌet náhooltꞌoh nduwhútni.”

Acts 7:16

Buzi ꞌi la keyoh Shechem huwhútni tsꞌe whuz nabuhoozdla. ꞋEt whutsodaꞌ Abraham keyoh Hamor whutꞌenne yunyaz bubonket-i inleꞌ, ꞌi kꞌut ꞌabuhanla.

Romans 13:8

ꞋUyoonne nohtsꞌó holhꞌaꞌ junih, ꞌuyoonne dune kꞌetihtsíꞌ-un ꞌet whe za nohtsꞌú whuzꞌai. ꞋEt nyulh dune kꞌentsꞌiꞌ de, ꞌet Yakꞌusda khuni whutlꞌa ídanꞌai-i, ꞌi tsꞌiyawh ookꞌúneꞌ ꞌintꞌen whe ꞌintꞌoh.

Philippians 4:8

Sulhutsinke ꞌudekꞌez nohdusni. Ndai la ꞌalhaꞌ ꞌuntꞌoh-i, ndai la kꞌus hóoncha-un, ndet la tsꞌihꞌun ꞌuhoontꞌoh-un cha, di la ootsun hooloh-i, di la ꞌuzooꞌ-i, ndet la ꞌet nduhoontꞌoh-un hoonzoo whe howu yatsꞌulhduk, ndi tsꞌiyawh nohba whudiztiꞌ-un, ꞌoh za howu nuni nahdeh.

1 Thessalonians 4:6

Khun te neulhutsin unline neghá whunistꞌen whe buꞌat bulh nintaꞌtsꞌootꞌen junih. ꞋEt whuz unꞌa za whutsodaꞌ nohdasniꞌ. ꞋInkꞌez doo cha za nohdusni, neMoodihti ꞌen za ndóohoontꞌoh-un huwun kꞌútneh-un ꞌuntꞌoh.