Genesis 22:9 - Yak'usda Ooghuni

⁹ ꞋEt ndet Yakꞌusda (Elohim) whenilhtan-un ꞌet nehuninꞌaz ꞌinkꞌez Abraham loodel ꞌinla ꞌinkꞌez tsuz cha yukꞌedinla ꞌinkꞌez duyeꞌ Isaac yulhghel ꞌinkꞌez tsuz yukꞌeyilhti.

Genesis 22:9 Iomraidhean Croise

Genesis 12:7

ꞋEt Moodihti (Yahweh) Abram yunalhtsꞌet hainya ꞌinkꞌez ꞌuyulhni, “Mbene la ntsꞌu haindene ꞌenne ndi yun bugha ítasꞌalh.” ꞋEt Moodihti (Yahweh) yunalhtsꞌet hainya-un ꞌen yutsꞌun loodel ꞌinla.

Genesis 12:8

ꞋEt whutsꞌun Bethel huwhutni-un dzulh hoonli ꞌon daꞌ whuz wheinya, ꞌet nimbali neninꞌai ba nooꞌ ꞌet. Bethel ꞌinkꞌez ꞌon daꞌ ꞌet Ai ꞌet loodel neninꞌai. Moodiht (Yahweh) tsꞌun ꞌinkꞌez Moodihti (Yahweh) yooziꞌ ꞌi yukaꞌ daniꞌ.

Genesis 13:18

ꞋEt Abram dunimbali nanayanꞌai ꞌinkꞌez ndun Mamre ooduchun, Terebinth huyulhni, ꞌet nenina. Keyoh Hebron ꞌuhoontꞌoh ꞌinkꞌez ꞌet loodel ꞌinla Yakꞌusda tsꞌun.

Genesis 22:10

ꞋInkꞌez Abraham lhuztih yilhchoot ꞌinkꞌez duyeꞌ yutuzilhghelh ha do dutilhni.

Genesis 22:8

ꞋInkꞌez Abraham ꞌutni, “Syeꞌ Yakꞌusda (Elohim) didutchꞌoh la ndi ꞌusbaiyaz netlꞌa yoolhtelh,” ꞌinkꞌez nahultꞌoh whehanꞌaz.

Genesis 8:20

ꞋEt Nowe ꞌen Moodihti (Yahweh) tsꞌun loodel ꞌuzdilhkꞌun kꞌut, ꞌi ꞌinla, ꞌinkꞌez ndai la khuna-i ꞌaw lhditsun-i, ꞌinkꞌez ndai la dutꞌai ꞌaw lhditsun-i cha, ꞌohwhi ꞌi kꞌut yudalhkꞌun.

Matthew 27:2

ꞋEt Jesus hiyulhghel ꞌinkꞌez yun kꞌut whumoodih, Pontius Pilate huyulhni, hitsꞌu ha yoolhti.

Mark 15:1

ꞋOm bun bundadaꞌ ꞌahoh Lizwif lubret moodihne, dune tso whudilhdzulhne, Moses be ꞌudustlꞌus ꞌukꞌu nunáguzne cha, ꞌinkꞌez dune ba nahiyilhne cha, tsꞌiyawh yahalhduk. ꞋEt Jesus hiyulhghel ꞌinkꞌez Pilate tlꞌa húyalhti.

Acts 8:32

Ndi Yakꞌusda ooghuni ookꞌu nusgúz-i, ꞌilhoghun ꞌet la hukwꞌu yalhduk-un ndutni whe, “ꞋUsbai hituzilhghelh tsꞌu hítulhtih-i, dantꞌoh la, ꞌinkꞌez ꞌusbaiyaz ha hititꞌus te tꞌedusnih, ꞌet nduntꞌoh ꞌaw yalhtílhdih.

Galatians 3:13

Mbe Moses be ꞌudustlꞌus kꞌunyisne, musai hooleꞌ hubaꞌ hoontꞌoh. ꞋEt whuchꞌa Christ naneoket. Ndet musai netilhtselh-un dichꞌoh kꞌéhootꞌai. ꞋEt whuz unꞌa ꞌukꞌehonguz whe ndutni, “Mbe duchun unduniltꞌo-un, ꞌen musai tileh whe ꞌuntꞌoh,” ni.

Ephesians 5:2

Be lhkꞌetsꞌusiꞌ-i, ꞌi be ndi yun kꞌut dúlhtsꞌi. Ntsꞌenꞌa Christ nékꞌensiꞌ whe neba butlꞌaꞌ dudilti, nohni cha whuz unꞌa za ꞌet ndóhneh. Neba daja whe Jesus whe khuna-un, ꞌet Yakꞌusda ba ꞌet whula ditni wheni neba. Christ neba daja la Yakꞌusda ooba hoonzoo wheꞌ hóontꞌiꞌ.

Hebrews 9:28

Whuz unꞌa Christ za, ꞌen ꞌilhoh za huwáꞌ dudulti, lhane bulubeshi bughu yílhchoot ꞌi yukꞌelha dazsai. ꞋEt hoontsꞌi whulh nat-un, ꞌaw lubeshi gha iloh whusanatidalh. ꞋEt kꞌus tsꞌiyanne mbene yuka tse hooline, ꞌenne bunalhtsꞌet be hóodutaltsilh, ꞌet whe hudutijih.

James 2:21

Netsodaꞌ-un, Abraham, ꞌen duyeꞌ, Isaac, ꞌen loodel kꞌeyilhti, Yakꞌusda ba yutuzilhghelh ha. ꞋEt huwa dude ꞌutꞌen be tsꞌihꞌun dune suliꞌ.

1 Peter 2:24

Nelubeshi didutchꞌoh duyustꞌe be tulalhgus tsꞌú yoozdla. ꞋEt huwa ꞌaw ꞌon ꞌun nelubeshi nemoodih ooleꞌ ꞌaitꞌoh. ꞋEt sih tsꞌihꞌun unꞌa tsꞌukhoonaꞌ. Ooka kꞌet ꞌet whe tsꞌiyawh soo náꞌtsꞌulya.