Genesis 22:8 - Yak'usda Ooghuni

⁸ ꞋInkꞌez Abraham ꞌutni, “Syeꞌ Yakꞌusda (Elohim) didutchꞌoh la ndi ꞌusbaiyaz netlꞌa yoolhtelh,” ꞌinkꞌez nahultꞌoh whehanꞌaz.

Genesis 22:8 Iomraidhean Croise

Genesis 18:14

ꞋAw hoonli hoontsꞌi eh Moodihti (Yahweh) ꞌaw ooba hoolhtus eh? Ndet la ꞌet newhudizut-un ꞌet la nohghu naoosjaꞌ ꞌinkꞌez Sarah dune ooyaz tileh.”

Genesis 22:14

Abraham nyo hooziꞌ whulhtsi, “Moodihti ꞋEn Neghaꞌ ooꞌalh (Yahweh-Yireh),” whulhni. ꞋEt ꞌandit whutsꞌun ꞌi boozi unli, “Moodihti (Yahweh) oodzulh kꞌut ꞌet la neghaꞌ ooꞌalh.”

Genesis 22:7

ꞋInkꞌez Isaac, Abraham dubá yulh yatilhduk ꞌinkꞌez ꞌutni, “ꞋUbá!” ꞋInkꞌez Abraham ꞌutni, “Syeꞌ, njan si ꞌustꞌoh.” ꞋInkꞌez Isaac ꞌutni, “Whunilhꞌen! Kwun cha titꞌai ꞌinkꞌez tsuz cha, ꞌinkꞌez ꞌusbaiyaz dutalhkꞌun-i daja?”

Genesis 22:9

ꞋEt ndet Yakꞌusda (Elohim) whenilhtan-un ꞌet nehuninꞌaz ꞌinkꞌez Abraham loodel ꞌinla ꞌinkꞌez tsuz cha yukꞌedinla ꞌinkꞌez duyeꞌ Isaac yulhghel ꞌinkꞌez tsuz yukꞌeyilhti.

Matthew 19:26

Jesus ꞌubunilhꞌen ꞌinkꞌez ndúbulhni, “Dunene, ꞌaw ꞌuhuhooleh ꞌaitꞌoh-un, ꞌet hoontsꞌi Yakꞌusda ba huwa lhúhoolnaꞌ wheꞌ hoontꞌoh.”

John 1:29

ꞋOm bun dzin Jesus yutsꞌun uyalh whe John yutilhꞌen, ꞌinkꞌez ꞌutni, “Nulhꞌen, Yakꞌusda be ꞌusbaiyaz. ꞋEn ꞌutꞌen yinka duneꞌne bulubeshi butsꞌu ha yule, ubúlhni.

John 1:36

Jesus ꞌoh whuya uyalh whe John yunilhꞌen, “Nulhꞌen ndun Yakꞌusda be ꞋUsbaiyaz ꞌúntꞌoh!” ubúlhni.

Revelation 13:8

ꞋInkꞌez ndi yun kꞌut dilhtsꞌine, ꞌenne tsꞌiyawh ndi khuna-iti ntsiꞌ-i hitsꞌun teniꞌ huntilhdzilh. Ndun ꞌusbaiyaz ꞌudechoo ndi yun ꞌuhóolya whutsꞌun ꞌudaꞌ lháoodintꞌoh hizilhghi, ꞌenne ndi ꞌilhiz ꞌinkꞌez ꞌilhiz wheni tsꞌukhuna-un be ꞌudustlꞌus kꞌut bubooziꞌ ꞌukꞌu lhíguzne, ꞌenne ꞌuhintꞌoh.

Revelation 5:12

ꞌenne tube cho njan hultus whe duhútni, “Ye ulhtus-i, hiye hoonzoo ꞌuntꞌoh-i, be whútnih-i, ꞌinkꞌez nutꞌi cha, be uzdiztiꞌ-i, ꞌinkꞌez be hóotꞌen-i, ꞌinkꞌez tsꞌuhoontꞌiꞌ te bé neꞌtsꞌulꞌen-i, ꞌusbaiyaz hizilhghi-i, ꞌen ꞌuntꞌoh ndowhi tsꞌiyawh huba soo ꞌúldzooꞌ whe uzdólhtiꞌ.”

Revelation 5:6

ꞋInkꞌez ndet whutísꞌen tube sba hooncha. Ndi kwꞌutsꞌuzda cho diztiꞌ-i ꞌinkꞌez ndi dunghi hoonliyaz ꞌusjiz-i, ꞌinkꞌez ꞌutso whudilhdzulhne butoh, ꞌet ꞌusbaiyaz ꞌilho hizilhghi-i doútꞌen ꞌet usyin. Oode lhtakꞌantꞌi ꞌinkꞌez lhtakꞌantꞌi oona cha hoonli. ꞋI oona ꞌi ꞌuntꞌoh Yakꞌusda oochꞌeꞌ unli lhtakꞌantꞌi nududeh-i. ꞋI ndi yun kꞌut ndulcho whe whélꞌaꞌ.

Revelation 7:14

ꞋEt ꞌudúsni, “SMoodih nyun tꞌeoonínzun.” ꞋEt ꞌusúlhni, “ꞋOh de soo ꞌukꞌenus dune dzoh nuhutidoh, whutoh tehudulya. ꞋInkꞌez ꞌusbaiyaz buzkaiꞌ be dunaih tunáhuyuzguz ꞌinkꞌez ꞌulhyul suliꞌ.