Genesis 22:7 - Yak'usda Ooghuni

⁷ ꞋInkꞌez Isaac, Abraham dubá yulh yatilhduk ꞌinkꞌez ꞌutni, “ꞋUbá!” ꞋInkꞌez Abraham ꞌutni, “Syeꞌ, njan si ꞌustꞌoh.” ꞋInkꞌez Isaac ꞌutni, “Whunilhꞌen! Kwun cha titꞌai ꞌinkꞌez tsuz cha, ꞌinkꞌez ꞌusbaiyaz dutalhkꞌun-i daja?”

Genesis 22:7 Iomraidhean Croise

Genesis 22:8

ꞋInkꞌez Abraham ꞌutni, “Syeꞌ Yakꞌusda (Elohim) didutchꞌoh la ndi ꞌusbaiyaz netlꞌa yoolhtelh,” ꞌinkꞌez nahultꞌoh whehanꞌaz.

Genesis 8:20

ꞋEt Nowe ꞌen Moodihti (Yahweh) tsꞌun loodel ꞌuzdilhkꞌun kꞌut, ꞌi ꞌinla, ꞌinkꞌez ndai la khuna-i ꞌaw lhditsun-i, ꞌinkꞌez ndai la dutꞌai ꞌaw lhditsun-i cha, ꞌohwhi ꞌi kꞌut yudalhkꞌun.

Matthew 26:39

ꞋOn ꞌunyaz le whinya whe ꞌet nachániti ꞌinkꞌez tenawhendunidli ꞌinkꞌez njan ndutni, “ꞋUBá ndi lubot be dzoh nutiszut-i, whuz unꞌa ꞌuntꞌoh de, whute senghóltsꞌit. ꞋEt hoontsꞌi ꞌaw si hukwaꞌ nuszun kꞌunꞌa iloh. Nyun hukwaꞌ ninzun hukwꞌunꞌa ꞌuhóneh.”

Matthew 26:42

ꞋEt doo cha za whulh nat bugho whe naja tenadutidli ha. ꞋEt njan ndutni, “ꞋUBá ndi lubot ꞌaw sghu naóolhchoot ꞌaitꞌoh, ꞌi tsꞌiyawh usnaiꞌ ꞌet de za. Whuz unꞌa za hukwaꞌ ninzun de, ꞌet ndó honeh.”

John 1:29

ꞋOm bun dzin Jesus yutsꞌun uyalh whe John yutilhꞌen, ꞌinkꞌez ꞌutni, “Nulhꞌen, Yakꞌusda be ꞌusbaiyaz. ꞋEn ꞌutꞌen yinka duneꞌne bulubeshi butsꞌu ha yule, ubúlhni.

John 1:36

Jesus ꞌoh whuya uyalh whe John yunilhꞌen, “Nulhꞌen ndun Yakꞌusda be ꞋUsbaiyaz ꞌúntꞌoh!” ubúlhni.

John 18:11

ꞋEt Jesus Peter uyúlhni, “Nyoo saluzti oozus be naíntih. ꞋAlhaꞌ iloh lakw ndi lubot be dzoh nudeh-i, sBá stlꞌa yánkai-i, ꞌulhtuzisnel?”

Romans 8:15

ꞋEt Ndoni nohyudíltsꞌut whe ꞌaw Yakꞌusda be ntilhjut wheni ꞌulhna lhunohílhtsel. ꞋEt nohyudíltsꞌut whe Yakꞌusda ooduneꞌ nohulhtsi. ꞋEt huwa whélhtsꞌuniljut whe bulh yátsꞌulhduk ꞌinkꞌez, “Abba, ꞌuBá,” tsꞌutni.

Revelation 13:8

ꞋInkꞌez ndi yun kꞌut dilhtsꞌine, ꞌenne tsꞌiyawh ndi khuna-iti ntsiꞌ-i hitsꞌun teniꞌ huntilhdzilh. Ndun ꞌusbaiyaz ꞌudechoo ndi yun ꞌuhóolya whutsꞌun ꞌudaꞌ lháoodintꞌoh hizilhghi, ꞌenne ndi ꞌilhiz ꞌinkꞌez ꞌilhiz wheni tsꞌukhuna-un be ꞌudustlꞌus kꞌut bubooziꞌ ꞌukꞌu lhíguzne, ꞌenne ꞌuhintꞌoh.