Genesis 22:5 - Yak'usda Ooghuni

⁵ ꞋInkꞌez Abraham nyoonne chilkeyaz ꞌubulhni, “Njan donkey oozih suhke ndun tsꞌoodun ꞌinkꞌez nꞌun tatꞌus ꞌinkꞌez Yakꞌusda (Elohim) ootsꞌu teniꞌ uznilhdzun, ꞌinkꞌez sih nohghu naootꞌas.”

Genesis 22:5 Iomraidhean Croise

Genesis 22:19

ꞋEt Abraham chilkeyaz bughu nahuntꞌaz, dunahuditꞌaz ꞌinkꞌez keyoh Beersheba tsꞌe whehandil, ꞌinkꞌez Abraham keyoh Beersheba ꞌet whutꞌi.

Genesis 22:4

ꞋEt whulh tat dzin Abraham ꞌet Abraham ndo yutanꞌen, ꞌet nyo nilhdzaꞌ ꞌet whutilhꞌen.

Genesis 22:6

ꞋEt Abraham nyoo tsuz lhtsꞌe nidilhnat-i yilhchoot ꞌinkꞌez Isaac ꞌen yutꞌuyuzꞌai yutoogheꞌ ha. Didut kwun ꞌi yutizꞌai ꞌinkꞌez lhuztiꞌ cha ꞌinkꞌez whehanꞌaz.

Hebrews 11:19

ꞋEt hoontsꞌi Isaac loodel kꞌeyítalhtelh whutso Abraham whunalni Yakꞌusda daja yudániꞌ. ꞋEt huwa ꞌet dunínzun, Yakꞌusda ꞌen soo ꞌúltus whe Isaac dazsai de, ꞌet hoontsꞌi yaidlane butoh dunaidutálhtelh. ꞋInkꞌez ꞌalha ꞌuhoontꞌoh, ꞌantsꞌi yaidláne ha náyalhti leꞌ yinla.

Hebrews 12:1

ꞋEt huwa nohdutásnelh, ndunne bughun nohdásniꞌne, ꞌenne Yakꞌusda be ꞌutꞌen kꞌoh whunénulhtunne. Huldlai kꞌet, nenat ndúlcho ꞌantsꞌi kwꞌus leꞌ hintꞌoh. ꞋEt huwa neba ndaz-i kꞌoh nenilhtꞌi-i, ꞌinkꞌez lubeshi ꞌaw huwa lhúhoolnaꞌ whe neilhchuk, ꞌi tsꞌiyawh ꞌun tsꞌutoolhdilh. Yakꞌusda ba lhghu naztulwus-i, ꞌi nebut néwhultsꞌut-i, nelhtsꞌunisi whe uztoolghas.