Genesis 22:12 - Yak'usda Ooghuni

¹² ꞋInkꞌez ꞌuyulhni, “Nyeꞌ ookꞌedolnih junih kꞌus hoonli ꞌonleꞌ junih! ꞋAndit tꞌeooniszin Yakꞌusda (Elohim) be niljut, nyeꞌ ꞌen hoontsꞌi oochꞌa lhuyoontun ꞌaw ꞌilhoghun nyeꞌ, si schꞌa lhoontun.”

Genesis 22:12 Iomraidhean Croise

Genesis 20:11

ꞋInkꞌez Abraham ꞌutni, “Dune Yakꞌusda (Elohim) ehunuljut-un njan keyoh ꞌaw hooloh nuszun, ꞌet huwa ꞌusja ꞌinkꞌez sꞌat ꞌen gha tila sozoolhghelh nuszun.

Genesis 22:13

ꞋEt Abraham ndo yutanꞌen ꞌinkꞌez whunilhꞌen njan ootꞌa ꞌet ꞌusbai dune whutoh tsꞌuldílhtan, ꞌet oode be usdlooh. ꞋEt Abraham whuz whenya ꞌinkꞌez ꞌusbai dune yílhchoot ꞌinkꞌez ꞌi be yutsꞌeꞌ dalhkꞌun ooyeꞌ yukꞌedalhti.

Genesis 22:16

ꞌet ꞌutni, “Sichꞌoh ooghu nahizusya, ni Moodihti (Yahweh), njan ꞌet dinja-un huwa, ꞌaw nyeꞌ ꞌen hoontsꞌi ꞌaw ꞌilhoghun nyeꞌ ꞌen hoontsꞌi schꞌa lhoontun.

Genesis 22:2

ꞋInkꞌez ꞌutni, “Nyeꞌ ilhchoot, nyeꞌ ꞌaw ꞌilhoghun Isaac ilhchoot ookꞌeintsiꞌ, ꞌinkꞌez yun kꞌut Moriah tsꞌe whuz ilhtelh. ꞋInkꞌez dolhkꞌun nyo dzulh nyudutasnelh-un, ꞌet si stsꞌun dolhkꞌun sih.”

Genesis 26:5

Abraham ꞌen sghuni oontun ꞌinkꞌez skꞌoh tsꞌe ꞌantꞌeꞌ, sghuni ꞌi yukꞌuneꞌ ꞌustꞌen, dadusni, ꞌet cha hontun, ꞌinkꞌez ntsꞌenꞌa ba newhuninꞌai, ꞌet huwa.”

Genesis 42:18

ꞋEt Joseph ꞌubulhni whulh tat dzin-un, “ꞋEt nduhneh ꞌinkꞌez hoohnaꞌ, Yakꞌusda (Elohim) be nuzjut ꞌet huwa.

Matthew 16:24

Jesus ꞌet yugha hodulꞌehne ndúbulhni, “Dune seꞌ ꞌutꞌen kꞌoh ootꞌen ha suntiyalh hukwaꞌ ninzun de, yun kꞌut datsꞌíntꞌoh-un, ꞌet whula dootni, ꞌinkꞌez dutulalhgus yólhchoot ꞌinkꞌez suntooyaꞌ.

Matthew 19:29

ꞋInkꞌez mbe la si sooziꞌ gha duyoh huwu tizya de, kꞌus dulhutsinke te, kꞌus dulhtuske te, kꞌus dubá cha ꞌinkꞌez duloo cha te, kꞌus duꞌat te, kꞌus duzkehke te, kꞌus dukeyoh cha, si sooziꞌ gha huwu tizya de, ꞌen whunizyat whunizyai (100) ꞌet ꞌuwhultsuk-un ootlꞌa naóotikulh. ꞋInkꞌez ꞌilhiz whe tsꞌukhuna-un, ꞌet cha oogha óotaltsꞌulh.

Matthew 5:16

Dune ba be hootꞌen-i ꞌahli. ꞋI be nohꞌeꞌutꞌen unzoo-i dune huyuntilhꞌelh ꞌinkꞌez nohBá yakꞌuz usda-un hidutálhtiꞌ.”

John 3:16

Yakꞌusda ndi yun kꞌut dunene bukꞌensiꞌ kꞌet ꞌaw ꞌilhoghun duYeꞌ ꞌen bugha ínilhti. Mbene la ꞌen ghun ooba ꞌalhaꞌ yintꞌohne ꞌaw dalhótisa, ꞌilhiz wheni huhutinalh.

Acts 9:31

ꞋEt ndulcho whe Judea, Galilee, ꞌinkꞌez Samaria whulh Jesus ba ꞌilhúhozdilne ꞌaw dzoh nulhuldehne hooloh. Yakꞌusda ehunuljut, ꞌinkꞌez buba hoonzoo whe lhódizut. Ndoni gha ooba ꞌalha ꞌuhoontꞌohne ulhtus úbulhtsi. ꞋEt huwa ꞌon nus lhane huzdliꞌ ꞌinkꞌez neMoodihti za hudílhtiꞌ suliꞌ.

Romans 5:8

ꞋEt hoontsꞌi wheni ꞌawhuz lubeshi ꞌulhꞌenne tsꞌinli inleꞌ whe Christ neba dazsai. ꞋEt whe Yakꞌusda whunénilhtan dalcho-i be nekꞌensiꞌ.

Romans 8:32

ꞋAw Yakꞌusda duYeꞌ buchꞌa lhúyootun whe neba datítsah wheni butlꞌa yálhti. ꞋEt Yakꞌusda neba ꞌedúja de, ꞌet duYeꞌ bulh ꞌet hóontꞌiꞌ whe tsꞌiyaitsuk negha tílelh.

1 Corinthians 10:13

ꞋEt ndet whe netsudule dunene ubóolhdzih, whuz unꞌa za nohni cha nohóolhdzai. ꞋEt hoontsꞌi Yakꞌusda ꞌaw nela dootnih ꞌaitꞌoh. Ndet whe netsudule nohóolhdzih, ꞌet dáwhultsuk ulhtus-i be whulh áhyin, ꞌet za Yakꞌusda ba sooꞌ whutatꞌelh. ꞋEt nohóolhdzih de, ꞌet de Yakꞌusda whuchꞌa tilhdoh ꞌinkꞌez nohbaꞌ whutilelh.

2 Corinthians 8:12

ꞋEt dune dudeni lhaídinla whe sooniya daltsuk huwa ítaꞌalh, ꞌi ꞌaw ꞌet soo ꞌúltsuk whe ꞌuntꞌoh. Huwa ítaꞌalh-i ꞌon ꞌunyaz huwa ítaꞌalh hukwaꞌ ninzun hoontsꞌi, ꞌaw ooneh ꞌaitꞌoh-un, ꞌet sooꞌ hoontꞌoh.

Hebrews 11:19

ꞋEt hoontsꞌi Isaac loodel kꞌeyítalhtelh whutso Abraham whunalni Yakꞌusda daja yudániꞌ. ꞋEt huwa ꞌet dunínzun, Yakꞌusda ꞌen soo ꞌúltus whe Isaac dazsai de, ꞌet hoontsꞌi yaidlane butoh dunaidutálhtelh. ꞋInkꞌez ꞌalha ꞌuhoontꞌoh, ꞌantsꞌi yaidláne ha náyalhti leꞌ yinla.

Hebrews 12:28

ꞋEt huwa ntsꞌe Yakꞌusda lerwe unli-un, ꞌet ꞌaw nohóohootnah ꞌaitꞌoh. ꞋEt netsꞌu whutikulh. ꞋInkꞌez ye unzoo-i, ꞌi be si Yakꞌusda, ꞌen neba díztiꞌ-un ꞌinkꞌez neba be óonujut-un, ꞌen ooba neꞌtsꞌootꞌen.

James 2:18

ꞋEt hoontsꞌi ꞌilhoghun tilah ndiz unꞌa njan dusúdoniꞌ, “Nyun be ꞌalha ꞌuhoontꞌoh-i ꞌintꞌi, ꞌinkꞌez si ꞌutꞌen ꞌustꞌi. Nye ꞌutꞌen ooyit be, be mba ꞌalha ꞌuhoontꞌoh-i whusunilhtun, ꞌet de si cha seꞌ ꞌutꞌen be, ꞌi be sba ꞌalha ꞌuhoontꞌoh-un whunyunoostun.”

Revelation 19:5

ꞋEt kwꞌutsꞌuzda cho diztiꞌ tsꞌe njan nduwhútni, “Nohni tsꞌiyawh Yakꞌusda be ꞌulhnane ꞌinkꞌez hiye nuljutne cha, ntsoolne ꞌinkꞌez nchane cha, neYakꞌusda dúlhtiꞌ!”