Genesis 22:11 - Yak'usda Ooghuni

¹¹ ꞋEt hoontsꞌi Moodihti (Yahweh) oolizas yakꞌuz whutsꞌun yukahizya ꞌinkꞌez ꞌutni, “Abraham! Abraham!” ꞋEt Abraham ꞌutni, “Njan ꞌustꞌoh.”

Genesis 22:11 Iomraidhean Croise

Genesis 16:7

ꞋEt Moodihti (Yahweh) oolizas nyo too naindli-un, chuntoh ꞌet whuzih, ꞌet nayilhti, nyo too naindli-un whuzih, Shur tsꞌu wheti-un.

Genesis 21:17

ꞋEt Yakꞌusda (Elohim) ndun tsꞌoodun ꞌutso yuduztsꞌai. ꞋEt whe Yakꞌusda (Elohim) oolizas ꞌen Hagar yutsꞌun huyih yakꞌuz tsꞌun, ꞌinkꞌez ꞌuyulhni, “Hagar, dainja whe ꞌudini? ꞋAw whenilhjut iloh! Yakꞌusda (Elohim) ndun duneyaz yudantsꞌo whe ꞌuntꞌoh.

Genesis 21:18

Dudinyaih ꞌinkꞌez tsꞌoodun dudilhtih, ꞌinkꞌez oola oontun, tube dune ootsꞌu ha tidoh whutiselh.”

Genesis 22:1

ꞋEt njan hukwꞌelhꞌaz ꞌet ꞌuhooja, Yakꞌusda (Elohim), Abraham yoolhdzai ꞌinkꞌez ꞌuyulhni, “Abraham!” ꞋEt Abraham ꞌutni, “Njan ꞌustꞌen.”

Genesis 22:10

ꞋInkꞌez Abraham lhuztih yilhchoot ꞌinkꞌez duyeꞌ yutuzilhghelh ha do dutilhni.

Genesis 22:12

ꞋInkꞌez ꞌuyulhni, “Nyeꞌ ookꞌedolnih junih kꞌus hoonli ꞌonleꞌ junih! ꞋAndit tꞌeooniszin Yakꞌusda (Elohim) be niljut, nyeꞌ ꞌen hoontsꞌi oochꞌa lhuyoontun ꞌaw ꞌilhoghun nyeꞌ, si schꞌa lhoontun.”

Genesis 22:16

ꞌet ꞌutni, “Sichꞌoh ooghu nahizusya, ni Moodihti (Yahweh), njan ꞌet dinja-un huwa, ꞌaw nyeꞌ ꞌen hoontsꞌi ꞌaw ꞌilhoghun nyeꞌ ꞌen hoontsꞌi schꞌa lhoontun.

Genesis 24:7

Yakꞌuz whuMoodihti Yakꞌusda (Yahweh Elohim) ꞌen sbá ooyoh ꞌinkꞌez ookeyoh whuz de ha salhti, sulh yailhduk ꞌinkꞌez stsꞌun nahizya ꞌusulhni, ‘Mbene la ntsꞌu haindene ndi yun bugha inusꞌai.’ ꞋEn la oolizas ntso yutilhꞌalh ꞌinkꞌez syeꞌ ooꞌat yutaleh-un ꞌen whuz de ha talhtelh.

Genesis 31:11

ꞋEt Yakꞌusda (Elohim) oolizas sulh yatilhduk nuste whe ꞌinkꞌez ꞌutni, ‘Jacob,’ ꞌet ꞌudusni, ‘Njan ꞌustꞌoh.’

Genesis 37:13

ꞋInkꞌez Israel, Joseph ꞌulhni, “Nyulhutsinke Shechem tsꞌe whuz khuna-i ghaꞌ huꞌaih. ꞋAnih whuz nyutoosꞌa sih!” ꞋEt ꞌuyulhni, “A, njan susda.”

Genesis 46:2

ꞋEt Yakꞌusda (Elohim) ꞌen Israel ꞌulhdzis yunalhtsꞌet hainya ꞌinkꞌez ꞌutni, “Jacob, Jacob” ni, ꞌet ꞌuyulhni, “Njan ꞌustꞌoh”.

Genesis 48:16

Ndun Lizas mbe la hoontsiꞌ-un whuchꞌa nasonket-un, ꞌen ndunne duneyaz soo hoonzoo-i be za tlꞌa ookat. Ndai sooziꞌ ꞌi be bubohozi, ꞌinkꞌez sbáke Abraham ꞌinkꞌez Isaac bubooziꞌ be cha, ꞌinkꞌez soo ndi yun kꞌut ꞌet lhane cho hooleꞌ.”

Acts 26:14

ꞋEt tsꞌiyawh yun natsꞌánkat whe Hebrew kꞌunꞌa sulh yáztilhduk whe nduwhútni, ‘Saul, Saul, di ha ꞌintꞌen, dzoh nusílhdzut? Tutsus nulé-un ookꞌú nulheꞌzintꞌen de nyunchꞌoh za dzoh nunáꞌdudutaldzut,’ súlhni.

Acts 9:4

ꞋInkꞌez yun ꞌet náltsꞌut ꞌinkꞌez laꞌ whutni, “Saul di ha dzoh nusílhdzut whe ꞌintꞌen?”