Genesis 22:1 - Yak'usda Ooghuni

¹ ꞋEt njan hukwꞌelhꞌaz ꞌet ꞌuhooja, Yakꞌusda (Elohim), Abraham yoolhdzai ꞌinkꞌez ꞌuyulhni, “Abraham!” ꞋEt Abraham ꞌutni, “Njan ꞌustꞌen.”

Genesis 22:1 Iomraidhean Croise

Genesis 15:1

ꞋEt nduhooja hukwꞌelhꞌaz Moodihti (Yahweh) ooghuni Abram honꞌen whe nduyulhni, “Abram, wheniljut ꞌilhoh. Nyun mba neꞌi súbal ꞌusli, soo ꞌukꞌenus mba kꞌelha whutaleꞌ-un.”

Genesis 21:11

ꞋInkꞌez daja ꞌutni whe, ꞌet Abraham ooba nekꞌeꞌ hootꞌoh nyoon ooyeꞌ ꞌen ghun.

Genesis 22:11

ꞋEt hoontsꞌi Moodihti (Yahweh) oolizas yakꞌuz whutsꞌun yukahizya ꞌinkꞌez ꞌutni, “Abraham! Abraham!” ꞋEt Abraham ꞌutni, “Njan ꞌustꞌoh.”

Genesis 22:7

ꞋInkꞌez Isaac, Abraham dubá yulh yatilhduk ꞌinkꞌez ꞌutni, “ꞋUbá!” ꞋInkꞌez Abraham ꞌutni, “Syeꞌ, njan si ꞌustꞌoh.” ꞋInkꞌez Isaac ꞌutni, “Whunilhꞌen! Kwun cha titꞌai ꞌinkꞌez tsuz cha, ꞌinkꞌez ꞌusbaiyaz dutalhkꞌun-i daja?”

Genesis 37:13

ꞋInkꞌez Israel, Joseph ꞌulhni, “Nyulhutsinke Shechem tsꞌe whuz khuna-i ghaꞌ huꞌaih. ꞋAnih whuz nyutoosꞌa sih!” ꞋEt ꞌuyulhni, “A, njan susda.”

Genesis 46:2

ꞋEt Yakꞌusda (Elohim) ꞌen Israel ꞌulhdzis yunalhtsꞌet hainya ꞌinkꞌez ꞌutni, “Jacob, Jacob” ni, ꞌet ꞌuyulhni, “Njan ꞌustꞌoh”.

1 Corinthians 10:13

ꞋEt ndet whe netsudule dunene ubóolhdzih, whuz unꞌa za nohni cha nohóolhdzai. ꞋEt hoontsꞌi Yakꞌusda ꞌaw nela dootnih ꞌaitꞌoh. Ndet whe netsudule nohóolhdzih, ꞌet dáwhultsuk ulhtus-i be whulh áhyin, ꞌet za Yakꞌusda ba sooꞌ whutatꞌelh. ꞋEt nohóolhdzih de, ꞌet de Yakꞌusda whuchꞌa tilhdoh ꞌinkꞌez nohbaꞌ whutilelh.

Hebrews 11:17

Be ꞌalha ꞌuhoontꞌoh-i, ꞌi be ꞌoh daꞌ Yakꞌusda Abraham yóolhdzai whe ꞌaw ꞌilhoghun duyeꞌ Isaac loodel kꞌeyilhti ꞌinkꞌez Yakꞌusda ba yutuzilhghelh ha. Ndet Yakꞌusda yutsꞌú hoozi-un whe ooyeꞌ ootsꞌu haindene hutildlai, ꞌet tsꞌiyawh hóolhchoot.

James 2:21

Netsodaꞌ-un, Abraham, ꞌen duyeꞌ, Isaac, ꞌen loodel kꞌeyilhti, Yakꞌusda ba yutuzilhghelh ha. ꞋEt huwa dude ꞌutꞌen be tsꞌihꞌun dune suliꞌ.

1 Peter 1:7

ꞋEt whuz unꞌa whe nohba ꞌalha ꞌuhoontꞌoh-un, ꞌet nohba ꞌon nus hoonzoo tileh. Gold kwun ꞌi be ꞌuzooꞌ huyulhtsi, ꞌet whe soo tsꞌihꞌun oozai za lhih, ꞌet hoontsꞌi ꞌi cha hooloh tileh. Nohba ꞌalha ꞌuhoontꞌoh-un gold anus whudíztiꞌ wheꞌ hoontꞌoh. Whuz unꞌa za ndet dzin Jesus Christ nenalhtsꞌet be hóodiltsai de, ꞌet de bé nohba ꞌalha ꞌuhoontꞌoh-un huwa Jesus Christ nohba whudutálhtiꞌ, ꞌinkꞌez nohba hooncha tileh.