Genesis 21:22 - Yak'usda Ooghuni

²² ꞋEt ꞌuhooja ꞌowhuya whudizulh Abimelech ꞌinkꞌez Phicol, lhuganne bumoodih, Abraham huyulh yailhduk ꞌinkꞌez ꞌuhuyulhni, “Ntsꞌoh tila neꞌintꞌen-un tsꞌiyawh Yakꞌusda (Elohim) nyulh ꞌuntꞌoh.

Genesis 21:22 Iomraidhean Croise

Genesis 20:14

ꞋEt Abimelech ꞌusbai ꞌinkꞌez musdoos dune cha, tsꞌeke ꞌinkꞌez dune bulh, yunatneꞌ ꞌutꞌenne ꞌenne cha, tsꞌiyawh Abraham gha buninla, ꞌinkꞌez yuꞌat cha yutlꞌa nayalhti.

Genesis 20:17

ꞋEt Abraham Yakꞌusda (Elohim) tsꞌun tenadidli ꞌinkꞌez Yakꞌusda (Elohim) Abimelech soo naꞌyinla, yuꞌat cha ꞌinkꞌez tsꞌekoo yunat neꞌutꞌenne cha, ꞌinkꞌez bubuzkeꞌ whuzdliꞌ.

Genesis 20:2

ꞋEt Abraham nyoon Sarah duꞌat, ꞌen ꞌubulhni, “Sulhtus ꞌuntꞌoh.” ꞋInkꞌez Abimelech, Gerar whulerwe, ꞌen Sarah yilhchoot.

Genesis 26:26

ꞋEt Abimelech yughu ninya keyoh Gerar tsꞌe hainya, ookꞌeke ꞌilhoghun Ahuzzah huyulhi, ꞌinkꞌez Phichol lhuganne bumoodih ꞌen tubulh.

Genesis 26:28

ꞋEt hoontsꞌi ꞌuhuyulhni, “Soo tsꞌihꞌun ꞌalha tꞌetsꞌonanzin Moodihti (Yahweh) nyulh ꞌuntꞌoh. ꞋEt ꞌutsꞌutni, ‘Natsꞌuhooyeh nyun ꞌinkꞌez wheni tubulh natsꞌuhooyeh,’ huyulhni.

Genesis 28:15

Whunilhꞌen nyulh ꞌustꞌoh, ntsꞌoh teninya te, nyulh ꞌutistꞌelh ꞌinkꞌez ndi yun kꞌut nenyutastelh. ꞋEt ꞌawet nghu natisdulh datisnelh la nyudusni-un, ꞌet ꞌawhusla whutsꞌun.”

Genesis 30:27

ꞋInkꞌez Laban ꞌen ꞌuyulhni, “ꞋEt sinda, mba ꞌuszoo de! Tꞌeooniszin ꞌawet nyun ngha Moodihti (Yahweh) soo hoonzoo-un sgha ooninꞌai.”

Genesis 31:5

ꞌinkꞌez ꞌubulhni, “Mbá oonin nusꞌen whutsodaꞌ hukwꞌunꞌa ꞌilhoh sulh nilhꞌen, ꞌet hoontsꞌi sbá ooYakꞌusda (Elohim) ꞌen sulh ꞌantꞌeꞌ.

Matthew 1:23

“Whunulhꞌen ndun tsꞌeke ꞌaw dune tꞌenuszun-un tsꞌoodun ba ꞌuja, ꞌinkꞌez ooyaz dune tileh, booziꞌ Emmanuel hidutánelh, Yakꞌusda nebulh ꞌúntꞌoh, ni whe ꞌutni.”

Romans 8:31

ꞋEt njan daja ꞌuzdooniꞌ suba? Yakꞌusda netsꞌún ditni de, mbe suba nechꞌaz dotni?

1 Corinthians 14:25

ꞋEt whe la dudzi yo whe yuntilhꞌi-i, ꞌi tsꞌiyanne nalhtsꞌet ha óotiltsꞌulh wheꞌ hoontꞌoh. ꞋEt huwa nachánitno, Yakꞌusda tsꞌun teniꞌ untilhdzilh, ꞌinkꞌez ꞌalhaꞌ Yakꞌusda nohtoh ꞌúntꞌoh dutinelh.

Hebrews 13:5

Ndi yun dulhtsꞌi-un huwahli. Ndai ꞌandit ahtꞌi-i, ꞌon nus ꞌuyoo ka daoohtni junih. ꞋEt huwa neMoodihti njan ndutni, “ꞋAw nohghu toosyaꞌ ꞌaitꞌoh, ꞌinkꞌez nohla doosnih ꞌaitꞌoh.”

Revelation 3:9

Soo zulhtsꞌai, nyoonne Satan oolugliz whutꞌenne, ꞌenne lizwif hinli hutni ꞌet hoontsꞌi huwhutsꞌit wheꞌ hutni, ꞌaw lizwif lhuhiloh. ꞋAw nawh lheꞌhootꞌoh, nohghu bunúsdla ꞌinkꞌez nohbut teniꞌ hunilhdzun ubutiselh. ꞋEt huwa tꞌehonózin nohkꞌesiꞌ inleꞌ.