Genesis 21:2 - Yak'usda Ooghuni

² Sarah ꞌen ba Abraham ba ooyeꞌ titꞌelh ꞌen duneyaz tileh. Hoonyan whe ꞌet ndet Yakꞌusda (Elohim) yuba yulhni-un ꞌet nduhooja.

Genesis 21:2 Iomraidhean Croise

Genesis 17:19

ꞋEt Yakꞌusda (Elohim) ꞌutni, “ꞋAwundooh Sarah nꞌat nyeꞌ nghu tilhtsi ꞌinkꞌez Isaac dutanelh. Sghuni lhadusla-i ꞌilhiz wheni ꞌen cha ootsꞌun lhadutisleh, mbene la ootsꞌu haindene hukwꞌelhꞌaz ꞌenne cha.

Genesis 17:21

ꞋEt hoontsꞌi ndi sghuni Isaac tsꞌun lhadutisleh. Sarah ndo whuya whudizulh nat de, ꞌet nyeꞌ tileh.”

Genesis 18:10

ꞋInkꞌez ꞌuyulhni, “Soo ꞌalha-i be ndo whuya whudizulh-un ꞌinkꞌez ꞌet Sarah nꞌat dune ooyaz tileh.” ꞋInkꞌez Sarah nimbali dati usyin ꞌinkꞌez yoozilhtsꞌai.

Genesis 18:14

ꞋAw hoonli hoontsꞌi eh Moodihti (Yahweh) ꞌaw ooba hoolhtus eh? Ndet la ꞌet newhudizut-un ꞌet la nohghu naoosjaꞌ ꞌinkꞌez Sarah dune ooyaz tileh.”

Luke 1:36

ꞋAndit nyunat-un Elizabeth yoo ꞌun uzulh-un, ꞌen cha duneyaz oochainya. ꞋAw buzkeh holeꞌ ꞌaitꞌoh huyulhni, ꞌet hoontsꞌi ꞌawet whulh lhkꞌuta sanun be suliꞌ.

Acts 7:8

ꞋEt Yakꞌusda Abraham ndi ye yutsꞌu nahizya-i, ꞌi gha ootsꞌu haínzutne, ꞌenne hika dune unli-i kꞌut ubuhítꞌus. ꞋEt whuz unꞌa Yakꞌusda hiyulh ꞌílhughi huzdliꞌ. ꞋEt Abraham ooyeꞌ Isaac whuzdli ꞌinkꞌez whulh lhkꞌu dit dzin ꞌet huyúztꞌus. ꞋInkꞌez la Isaac cha ooyeꞌ Jacob whe Jacob, ꞌen cha ndunne duyeꞌke whunizyat ꞌon ꞌat nane, ꞌenne cha netsodaꞌne whuníhne ndúbuhinla.

Romans 9:9

Yakꞌusda Abraham yutsꞌu náhizya, “Ndet la hoozúsi-un ꞌet whusanátisdalh ꞌinkꞌez nꞌat Sarah dune ooyaz tileh,” yúlhni.

Galatians 4:22

ꞋEt ndiz unꞌa ꞌukꞌeyanguz whe njan ndutni, Abraham nane buzkeh ooyeꞌke, ꞌilhoghun, ꞌen ꞌustle-un, ꞌen ooyaz. ꞋEt ꞌilhoghun ꞌaw ꞌustle-un lhíloh, ꞌen ooyaz.

Hebrews 11:11

Be ꞌalha ꞌuhoontꞌoh-i, ꞌi be Sarah ꞌen cha Yakꞌusda ye ulhtus-i yutlꞌa nahonꞌai oolchan ha. Tube yoo ꞌun uzulh ꞌaw ooyaz hóleꞌ ooba lheꞌhóotꞌoh. ꞋEt hoontsꞌi Yakꞌusda yutsꞌú hoozi-un Sarah tꞌeooninzun Yakꞌusda ꞌaw yula dootnih ꞌaitꞌoh.