Genesis 20:7 - Yak'usda Ooghuni

⁷ ꞋAndit ꞌet huwa ndun tsꞌeke ootlꞌaꞌ nayilhtih, nus hooꞌen-un dune ꞌuntꞌoh, ꞌinkꞌez si mba tenadoodli ꞌinkꞌez khonaꞌ. ꞋAw ootlꞌa nalhuyilhtel de, ꞌalha dantantsah whe ꞌintꞌoh ꞌinkꞌez mbene la nchꞌeꞌ unline ꞌenne cha tsꞌiyawh.”

Genesis 20:7 Iomraidhean Croise

Genesis 12:15

Lerwe ooyeꞌke Pharaoh ꞌenne cha hinilhꞌen ꞌinkꞌez dubá ꞌen hidaniꞌ, “Ndun ꞌen tube tsꞌekezooꞌ,” ꞌinkꞌez nyoon tsꞌeke ꞌen Pharaoh ooyoh tsꞌe huyoolhti.

Genesis 12:17

ꞋEt hoontsꞌi Pharaoh tube dada untsiꞌ-i Pharaoh ooyoh cha ꞌet dinzut whulhtsi Sarai, Abram ooꞌat, ꞌen gha.

Genesis 2:17

Ndi duchun be tꞌeoonudzun-i, ndet hoonzoo-un, ꞌinkꞌez ndet hoontsiꞌ-un, ꞌi oomaiꞌ ꞌaw lhuzonꞌal. Ndet dzin inꞌal-un, ꞌalha datantsah.”

Genesis 20:18

ꞋEt whe Moodihti (Yahweh) ndunne Abimelech ooyoh dilhtsꞌine tsꞌekoo tsꞌiyawh buchan whudanaꞌdinla, ndun Sarah ꞌen gha.

Genesis 20:3

ꞋEt hoontsꞌi Yakꞌusda (Elohim) Abimelech ꞌulhdzis nute whe yughu ninya ꞌinkꞌez ꞌuyulhni, “A, dune dazsai-un inli whe ꞌintꞌoh ndun tsꞌeke ilhchoot-un ꞌuyoon dune ꞌat ꞌuntꞌoh.”

Genesis 20:8

ꞋEt ꞌom bun Abimelech ꞌudaꞌ dudinya ꞌinkꞌez mbene la yuba ꞌutꞌenne tsꞌiyawh ꞌanih budaniꞌ ꞌinkꞌez tsꞌiyawh daja ni la tsꞌiyawh bubudaniꞌ, ꞌinkꞌez dune tsꞌiyawh hunilhjoot.

Genesis 23:6

“Nemoodih, neoozilhtsꞌai, lerwe yeꞌ dune uncha-un inli whe ꞌintꞌoh netoh, ndet hukwaꞌ ninzun-un hoonzoo-un ꞌet nghu yaidlane ꞌabinle, ꞌaw nchꞌa tsꞌuhotun ꞌaitꞌoh. Dune ꞌatanlelh-un ꞌet si nghu yaidlane ꞌabonlelh.”

Acts 8:24

ꞋEt Simon, John ꞌinkꞌez Peter bulh ubúlhni, “NeMoodihti tsꞌun sba tenadahdli. ꞋEt la datisnelh sudahni-un ꞌawet ndulhohosneh.”

1 Corinthians 14:4

ꞋEt lhelhtsꞌun unꞌa khuni be yalhduk-un, dichꞌoh ꞌon nus Yakꞌusda ba ulhtus naꞌdudulhtsi. ꞋEt hoontsꞌi ndun nus hooꞌen-un, ꞌen ndunne ꞌilhunaoodulhne ꞌon nus Yakꞌusda ba hilhtus hooleꞌ ꞌubulhtsi.

Hebrews 1:1

Lhat-un ꞌinkꞌez lhelhtsꞌun unꞌa, niz haóodanzut, Yakꞌusda be nus hooꞌenne, ꞌenne bube netsodaꞌne bubulh yaílhduk.

Hebrews 13:4

Lhghuzdilhtsꞌí-un, tsꞌiyanne ba ꞌuhoontꞌoh, ꞌinkꞌez whudíztiꞌ. Lhghu dilhtsꞌine whuꞌiz whe dulili kꞌut duhutꞌen-un, ꞌaw lhuhóohtsiꞌ wheꞌ hoontꞌoh. ꞋEt hoontsꞌi mbe ꞌuyoonne tsꞌekoo kꞌus ꞌuyoonne dune bulh nintaꞌutꞌihne, ꞌenne Yakꞌusda buba nahutiyeh wheꞌ hoontꞌoh.

1 John 5:16

Mbe la bulhutsin lubeshi ꞌaw yukꞌé dalhtisah-i ꞌulhꞌen, yunilhꞌen de, Yakꞌusda yoodolhkut ꞌinkꞌez nyoon lubeshi ꞌaw yukꞌé dalhtisah ꞌulhꞌen-un, ꞌen hutinalh-un yugha óotaꞌalh. ꞋEt lubeshi ooghá daztitsah-i cha hoonli. ꞋAw ꞌet huba tenadondli lhduzúsni.