Genesis 20:6 - Yak'usda Ooghuni

⁶ ꞋInkꞌez Yakꞌusda (Elohim) ꞌuyulhni nute whe, “A, tꞌeoonuszun ndzi tsꞌihꞌun ꞌuntꞌoh whe ꞌinja ꞌinkꞌez si cha nintaꞌtantꞌelh-un whuchꞌa nyostun whe ꞌustꞌoh ꞌet huwa ꞌaw ootalhanal.

Genesis 20:6 Iomraidhean Croise

Genesis 20:18

ꞋEt whe Moodihti (Yahweh) ndunne Abimelech ooyoh dilhtsꞌine tsꞌekoo tsꞌiyawh buchan whudanaꞌdinla, ndun Sarah ꞌen gha.

Genesis 26:11

ꞋEt Abimelech mbene la duduneꞌne ꞌubulhni, “Ndun dune kꞌus ooꞌat te ootꞌa izahnai de, datihtsah.”

Genesis 3:3

ꞌet hoontsꞌi ha nuyeh kꞌet whuduchun whuniz nadanꞌa-i, ꞌi Yakꞌusda (Elohim) ꞌutni, ‘Nyoo duchun maiꞌ ꞌaw lhuzoohꞌal, kꞌus ootꞌa oohnalh junih, khun si daoohtsah,’” ni.

Genesis 31:24

ꞋEt hoontsꞌi ꞌuldzis ꞌet Laban, Syria whutꞌen-un, nusuti whe Yakꞌusda (Elohim) be hóodiltsai ꞌinkꞌez ꞌuyulhni, “Huwaꞌoonli Jacob bulh yatalhdih te, hoontsiꞌ te kꞌus hoonzoo kꞌunꞌa te bulh yaoolhduk junih.”

Genesis 31:7

ꞋEt hoontsꞌi nohbá nasunanꞌa ꞌinkꞌez kwꞌelha ꞌustꞌen-i cha ꞌutsꞌun unꞌa naꞌhoonla, whunizyat atꞌen ꞌet hoontsꞌi Yakꞌusda (Elohim) ꞌaw mbá sundolhdah whuchꞌa sghunli.

Genesis 35:5

ꞋInkꞌez nahutisdil ꞌinkꞌez Yakꞌusda oonujut-i, ꞌi tsꞌiyawh nyo keyoh whuti bukeidiltsꞌut, ꞌaw Jacob ooyeꞌke lhubontiyulh.

Genesis 39:9

ꞋAw njan yoh ꞌaw sanus ꞌulchone hooloh. ꞋAw hoonli cha schꞌa nulhonulhꞌiꞌ. ꞋEt ꞌandit nyun ꞌen ooꞌat inli, ꞌet huwa ntsꞌenꞌa ꞌutisnelh lheꞌwhulcho-un, lheꞌwhultsiꞌ-un ꞌet ꞌutisnelh ꞌinkꞌez Yakꞌusda oochꞌaz lubeshi nedutasdalh?”

Matthew 27:19

ꞋEt Pilate dune ba nahidilh-i, kwꞌutsꞌuzda kꞌusda whe ooꞌat khuni yutsꞌó tlꞌa inꞌai, ꞌet ndúyulhni, “Ndun dune ꞌen tsꞌihꞌun ꞌuntꞌoh-un. Hoonliyaz ꞌonleh junih! ꞌalha ꞌandit dzin ꞌen oogha huwu nusústi ꞌet whe dzoh nusúszut.”

1 Corinthians 7:1

ꞋEt ꞌawet ndai la stsꞌo kꞌehguz-i, ꞌi ghun ꞌunohdutasnelh, dune tsꞌeke bulh ninta lheꞌustꞌi ꞌet hoonzoo.

2 Corinthians 6:17

ꞋInka neMoodihti netsꞌu náhizya whe ndutni, “Nohni ꞌenne butoh tsꞌu ha náhdilh ꞌinkꞌez buchꞌoh ꞌahtꞌoh. Tsun unli-i, ꞌi ootꞌa óohnalh junih, ꞌet de nohitáschulh.

2 Thessalonians 2:11

ꞋEt huwa hoonli nabunaꞌah-i, ꞌet Yakꞌusda whuz unꞌa whute bula dutitnih. ꞋEt ndi whutsꞌit-i, ꞌi za buba ꞌalhaꞌ yutátꞌelh.

2 Thessalonians 2:7

ꞋEt ndi dune hukwꞌun nulhéꞌustꞌen ubulhtsih-un, ꞌet wheꞌ hoontꞌoh hooyoh-un, ꞌet ꞌudaꞌ ꞌandit nduwhútꞌen wheꞌ hoontꞌoh. ꞋEt hoontsꞌi ndun kꞌoh ꞌúnilhtꞌi-un, ꞌet za ndutitꞌelh whusanátiltelh whutsꞌun.