Genesis 20:3 - Yak'usda Ooghuni

³ ꞋEt hoontsꞌi Yakꞌusda (Elohim) Abimelech ꞌulhdzis nute whe yughu ninya ꞌinkꞌez ꞌuyulhni, “A, dune dazsai-un inli whe ꞌintꞌoh ndun tsꞌeke ilhchoot-un ꞌuyoon dune ꞌat ꞌuntꞌoh.”

Genesis 20:3 Iomraidhean Croise

Genesis 12:17

ꞋEt hoontsꞌi Pharaoh tube dada untsiꞌ-i Pharaoh ooyoh cha ꞌet dinzut whulhtsi Sarai, Abram ooꞌat, ꞌen gha.

Genesis 12:18

ꞋEt Pharaoh Abram ꞌanih yudaniꞌ, “Dane ꞌinla whe neꞌinla? ꞋEt di ha lhunedinelh, ndun tsꞌeke nꞌat ꞌuntꞌoh?

Genesis 20:7

ꞋAndit ꞌet huwa ndun tsꞌeke ootlꞌaꞌ nayilhtih, nus hooꞌen-un dune ꞌuntꞌoh, ꞌinkꞌez si mba tenadoodli ꞌinkꞌez khonaꞌ. ꞋAw ootlꞌa nalhuyilhtel de, ꞌalha dantantsah whe ꞌintꞌoh ꞌinkꞌez mbene la nchꞌeꞌ unline ꞌenne cha tsꞌiyawh.”

Genesis 28:12

ꞋEt nusuti ꞌinkꞌez whunilhꞌen, kwꞌut dughaiti-i ndi yun kꞌut whedinꞌa, ndo yakꞌuz tsꞌe wheinꞌa, ꞌet Yakꞌusda (Elohim) oolizasne ndo cha whehudulh ꞌinkꞌez nyo cha whenahudulh.

Genesis 31:24

ꞋEt hoontsꞌi ꞌuldzis ꞌet Laban, Syria whutꞌen-un, nusuti whe Yakꞌusda (Elohim) be hóodiltsai ꞌinkꞌez ꞌuyulhni, “Huwaꞌoonli Jacob bulh yatalhdih te, hoontsiꞌ te kꞌus hoonzoo kꞌunꞌa te bulh yaoolhduk junih.”

Genesis 37:5

ꞋEt Joseph nusuti ꞌinkꞌez dulhutsinke bubulh nahoolnuk. ꞋEt ꞌonus hitsꞌu dutni suliꞌ.

Genesis 37:9

ꞋEt doo cha ꞌudun huwu nusuti ꞌinkꞌez dulhutsinke hubudaniꞌ ꞌinkꞌez ꞌutni, “Whunulhꞌen doo cha ꞌudun huwu nususti. ꞋAndit ndi dzenis oozaꞌ ꞌinkꞌez ꞌulhdzis oozaꞌ cha ꞌinkꞌez whunizyai ꞌon ꞌat ꞌilho sum, ꞌi cha sbut yo ꞌuhuntutsulh.”

Genesis 40:5

ꞋEt nyoon yoh ꞌutꞌen moodih ꞌinkꞌez nyoon lhes ꞌulhtꞌes-un lerwe ba ꞌutꞌenne nyo ꞌahudinꞌai, nahultꞌoh nuhuztez, ꞌilhe ꞌulhdzis za, lhelhtsꞌun unꞌa nuhuztez.

Genesis 40:8

ꞋInkꞌez ꞌuhuyulhni, “Naníltꞌoh ꞌandit ꞌulhdzis nusítez ꞌinkꞌez daja ni whe ꞌutni-un, ꞌaw nedoniꞌne hooloh.” ꞋInkꞌez Joseph ꞌubulhni, “Ndet huwa ꞌet nusuhtez-un, Yakꞌusda ꞌen za iloh lakw ba ꞌuhoontꞌoh. Tꞌewhuntihzeh hukwaꞌ nuzun de, sudúhni.”

Genesis 46:2

ꞋEt Yakꞌusda (Elohim) ꞌen Israel ꞌulhdzis yunalhtsꞌet hainya ꞌinkꞌez ꞌutni, “Jacob, Jacob” ni, ꞌet ꞌuyulhni, “Njan ꞌustꞌoh”.

Matthew 1:20

ꞋEt howu nuninuzut whe huwa nusúti whe neMoodihti oolizas ꞌen yulhni, “Joseph David ootsꞌuhainzut-un inli. Wheniljut iloh whe Mary nꞌat tileh. Ndun tsꞌoodun Ndoni be yuchainya whe ꞌuntꞌoh.

Matthew 27:19

ꞋEt Pilate dune ba nahidilh-i, kwꞌutsꞌuzda kꞌusda whe ooꞌat khuni yutsꞌó tlꞌa inꞌai, ꞌet ndúyulhni, “Ndun dune ꞌen tsꞌihꞌun ꞌuntꞌoh-un. Hoonliyaz ꞌonleh junih! ꞌalha ꞌandit dzin ꞌen oogha huwu nusústi ꞌet whe dzoh nusúszut.”