12 ꞋEt hoontsꞌi ꞌalha sulhtus ꞌuntꞌoh. Sbá ootseꞌ ꞌuntꞌoh, ꞌaw sloo ooyaz iloh ꞌuntꞌoh ꞌinkꞌez sꞌat suliꞌ.
ꞋEt Abram ꞌinkꞌez Nahor bulh buꞌat whuzdliꞌ. Abram ooꞌat, ꞌen Sarai huyulhni, ꞌinkꞌez Nahor ooꞌat, ꞌen Milcah huyulhni, Haran ootseꞌ, Milcah oobá ꞌinkꞌez Iscah oobá.
ꞋEt soo cho ꞌudoniꞌ ndun ꞌen sulhutsin ꞌuntꞌoh ꞌet de la soo oostꞌeꞌ nyun gha. ꞋInkꞌez la nyulh khoosnaꞌ.”
ꞋInkꞌez Abraham ꞌutni, “Dune Yakꞌusda (Elohim) ehunuljut-un njan keyoh ꞌaw hooloh nuszun, ꞌet huwa ꞌusja ꞌinkꞌez sꞌat ꞌen gha tila sozoolhghelh nuszun.
ꞋInkꞌez ꞌet ꞌuhooja Yakꞌusda (Elohim) sbá ooyoh huwutisya whe ꞌet ndun tsꞌeke dusni, ‘Njan whe ꞌinzoo whe ꞌet tsꞌiyantsuk sba ꞌet doneh ntsꞌoh te nitꞌas te, sulhutsin ꞌuntꞌoh doniꞌ.’”
ꞋEt Abraham nyoon Sarah duꞌat, ꞌen ꞌubulhni, “Sulhtus ꞌuntꞌoh.” ꞋInkꞌez Abimelech, Gerar whulerwe, ꞌen Sarah yilhchoot.
ꞋEt nyoonne dune ꞌet whuduneꞌne hiꞌat ka huyoodulhkut ꞌinkꞌez ꞌubulhni, “Sulhtus ꞌuntꞌoh.” “Sꞌat ꞌuntꞌoh” hubulhni de, doo ka la sozoolhghelh ninzun ꞌawhuz ndun Rebekah tsꞌekezooꞌ ꞌet huwa.
Ntsiꞌ-i tsꞌiyawh oochꞌoh ꞌahtꞌoh.