Genesis 2:9 - Yak'usda Ooghuni

⁹ Njan yun kꞌut Moodihti Yakꞌusda (Yahweh Elohim) tsꞌiyai duchun nulꞌen huba nzoo-i ꞌinkꞌez ꞌutꞌalh huba nzoo-i ꞌainanla. Duchun oogha tsꞌukhuna-i cha whuniz ha nuyeh yun ꞌet ꞌuyinla. ꞋInkꞌez ndi duchun be tꞌeoonudzun ndet hoonzoo ꞌinkꞌez ndet hoontsiꞌ ꞌet cha.

Genesis 2:9 Iomraidhean Croise

Genesis 2:17

Ndi duchun be tꞌeoonudzun-i, ndet hoonzoo-un, ꞌinkꞌez ndet hoontsiꞌ-un, ꞌi oomaiꞌ ꞌaw lhuzonꞌal. Ndet dzin inꞌal-un, ꞌalha datantsah.”

Genesis 3:22

ꞋEt Moodihti Yakꞌusda (Yahweh Elohim) ꞌutni, “Nulhꞌen, dune Neundultꞌoh suliꞌ, hoonzoo-un ꞌinkꞌez hoontsiꞌ-un tꞌewhunozin ha. ꞋInkꞌez ꞌandit doo ka si dula be ndi duchun oomaiꞌ yolhchoot ꞌinkꞌez yooꞌalh ꞌinkꞌez ꞌilhiz whutinalh.”

Genesis 3:24

ꞋEt dune teininyoot ꞌinkꞌez Eden ndaz tsꞌe ꞌet lizasne, Cherubne hubulhni, ꞌet nebunilhti, ꞌinkꞌez saluzti kwun dunukw dotꞌen lhelhtsꞌun nadighus-i duchun oogha tsꞌukhuna-i yugholeꞌ ha.

Genesis 3:3

ꞌet hoontsꞌi ha nuyeh kꞌet whuduchun whuniz nadanꞌa-i, ꞌi Yakꞌusda (Elohim) ꞌutni, ‘Nyoo duchun maiꞌ ꞌaw lhuzoohꞌal, kꞌus ootꞌa oohnalh junih, khun si daoohtsah,’” ni.

Genesis 3:5

Yakꞌusda (Elohim) tꞌeooninzun ndet dzin uhꞌalh-un, hoohꞌen tihleh ꞌinkꞌez Yakꞌusda (Elohim) bundutilhꞌelh, hoonzoo-un ꞌinkꞌez hoontsiꞌ-un cha tꞌewhuntahzin.”

John 6:48

Si ꞌustꞌoh lhes dune ye khúna-i, ꞌi usdli.

1 Corinthians 8:1

ꞋEt ꞌawet ndi tꞌalh-i ꞌukꞌeltsi gha tꞌaíh-i ꞌet huwun nohbulh yátisduk. Soo tꞌetsꞌonínzun be tꞌeoonudzun-i tsꞌutꞌi ꞌinkꞌez ndi be tꞌeoonudzun-i ꞌet whuloh te ꞌuzdudíltiꞌ neilhꞌi. ꞋEt hoontsꞌi be nekꞌensiꞌ-i, ꞌi be ꞌon nus Yakꞌusda ba tsꞌilhtus neílhꞌi.

Revelation 2:7

Mbe ꞌuditsꞌone, Ndoni Yakꞌusda ba ꞌilhunaoodulhne, daja ubúlhni-un, ꞌen huyoozólhtsꞌaiꞌ hubaꞌ hoontꞌoh. Mbene la ꞌutꞌen ntsiꞌ-i yuchꞌaꞌ ꞌulhdehne, ndi duchun oogha khutna-i oomaiꞌ huyooꞌalh-un bugha óotasꞌalh. Ndi duchun ꞌi Yakꞌusda ookeyoh ꞌukꞌenus hoonzoo-un, ꞌet whuniz tsꞌe nadánꞌa.”

Revelation 22:14

Mbene la yughuni kꞌuneꞌ ꞌutꞌenne, ꞌenne ꞌukꞌenus hoonzoo-un bugha whútaltsꞌulh. Ndi duchun oogha khútna-i, ꞌinkꞌez njan keyoh whuti whudati-un dahútidulh-un, ꞌenne za bughá whuntꞌai wheꞌ hoontꞌoh.

Revelation 22:2

Ti soo whuniz ꞌoh whúya lhusúli. ꞋUkoh lhchꞌaz tsꞌe taba ꞌet duchun oogha tsꞌukhuna-i nánudizꞌa. ꞋI whunizyai ꞌon ꞌat nanki oomaiꞌ yinli. ꞋIlho duchun ꞌi sanun totsuk oomaiꞌ whulhih. ꞋInkꞌez duchun ootꞌan ꞌi lhelhdun yun kꞌut whutꞌenne huye naóojeh ha ꞌuntꞌoh.