Genesis 2:7 - Yak'usda Ooghuni

⁷ ꞋInkꞌez Moodihti Yakꞌusda (Yahweh Elohim) yun lez ꞌi dune yulhtsi ꞌinkꞌez be tsꞌukhuna bulh yuni ꞌainyulh ꞌinkꞌez dune khuna suliꞌ.

Genesis 2:7 Iomraidhean Croise

Genesis 1:27

ꞋEt Yakꞌusda (Elohim) dune ꞌinla, dukꞌunꞌa Yakꞌusda (Elohim) ndotꞌeꞌ, ꞌen dune ꞌinkꞌez tsꞌekoo cha ꞌen ꞌubinla.

Genesis 2:6

ꞋEt hoontsꞌi tootsul whuzdliꞌ ꞌi be yun kꞌut naooniltsul.

Genesis 3:19

Nyunin tsꞌu halhdzilh whe ꞌutꞌalh-i onꞌalh, yun natandleh whutsꞌun. ꞋI ootsꞌu hainzut. Lhez ꞌintꞌoh ꞌinkꞌez lhez ꞌi tsꞌun natandleh.”

Genesis 3:23

ꞋEt huwa Moodihti Yakꞌusda (Yahweh Elohim) njan ha nuyeh kꞌet, Eden, ꞌet tenabunilhꞌaꞌ, ꞌinkꞌez njan yun whutꞌas tileh ꞌi ootsꞌu ha itsꞌalhti ꞌet, ootꞌeꞌ ha.

Genesis 7:22

Mbene la ooyiz hoonline husjizne, ꞌinkꞌez hoonli husjiz-i ꞌohwhi tsꞌiyawh yun kꞌut ꞌuntꞌoh-i, tsꞌiyawh yaidla.

John 20:22

ꞋEt ndúdija hukwꞌelhꞌaz bukꞌuz injiz ꞌinkꞌez ubúlhni, “Ndoni nohyudóoltsꞌit.

Acts 17:25

ꞋEt ꞌinkꞌez dune buyiz huye khúna-i ꞌinkꞌez tsꞌiyaitsuk cha soo dichꞌoh za huwá yunle whe ꞌuntꞌoh. ꞋEt huwa ꞌaw dune ꞌuyinla-i yukalheꞌnizun.

Romans 9:20

Mbe ulhi whe Yakꞌusda oodulhyoh ꞌudutíhnelh? ꞋEt dune ꞌuyínla-i ndi ꞌuyínla-i ntsꞌenꞌa ꞌudutinelh, “Di ha ꞌinja whuz unꞌa ꞌusínla dutinelh?”

1 Corinthians 15:45

ꞋEt whuz unꞌa ꞌukꞌehóoguz whe ndutni, “ꞋEt ꞌudechoo dune Adam ꞌet oozul khuna suliꞌ.” ꞋEt ꞌudekꞌez-un Adam ꞌen gha neyughi khuna, ꞌet whuz unꞌa ꞌuneínla.

1 Corinthians 15:47

ꞋEt Yakꞌusda ꞌudechoo dune ndi yun kꞌut whutlꞌus ꞌi dune yulhtsi. ꞋEt whulh nat-un dune, ꞌen neMoodihti, ꞌen yakꞌuz tsꞌe hainzut whe ꞌuntꞌoh.

2 Corinthians 4:7

ꞋEt beꞌ tilalh-i lhadzeh be ꞌulya, neyustꞌe ꞌet whuz unꞌa ꞌúntꞌoh. Ndi ye hoonzoo ꞌuntꞌoh-i tsꞌutꞌi-i, ꞌi Yakꞌusda negha ininla. ꞋAw whenichꞌoh nechꞌeꞌ iloh. ꞋEt Yakꞌusda ootsꞌu haíyankat-i ꞌuntꞌoh, ꞌaw wheni netsꞌu haínkat iloh.

2 Corinthians 5:1

ꞋEt ꞌalhaꞌ tꞌetsꞌoninzun ndi nimbali, ꞌi neyustꞌe unli kꞌunꞌa be tsꞌuwhutꞌi ndi yun kꞌut, ꞌet whénilhjut de, ꞌet cha Yakꞌusda ꞌudun yoh neba whulhꞌai. ꞋAw dune dula be ꞌuhóonla-un iloh, ꞌet ꞌilhiz ndo yakꞌuz ꞌet ꞌúhoontꞌoh.

1 Timothy 2:13

Yakꞌusda Adam ꞌen cho ꞌuyinla, ꞌet hukwꞌelhꞌaz Eve ꞌinla ꞌet huwa.

Hebrews 12:9

Nja ꞌon ꞌun cha nohdusni, ndi yun kꞌut nebáke ꞌenne khuni ulhtus-i be nebulh yahalhduk ꞌinkꞌez bukꞌúneꞌ tsꞌustꞌen. ꞋInkꞌez Yakꞌusda, ꞌen neyughi ooBá tsꞌutni-un, ꞌen neBá ꞌukꞌenus díztiꞌ-un ꞌuntꞌoh, ꞌen ꞌon nus ootlꞌaꞌ úzdudoolyelh ndi yun kꞌut uzdutaltsꞌilh huba.