Genesis 2:4 - Yak'usda Ooghuni

⁴ Njan ꞌet soo ꞌudechoo wheꞌ whuditꞌen hukwꞌelhꞌaz yakꞌuz ꞌinkꞌez yun kꞌut njan dzin Moodihti Yakꞌusda (Yahweh Elohim) ꞌen ndi yakꞌuz ꞌinkꞌez yun kꞌut ꞌuhoonla,

Genesis 2:4 Iomraidhean Croise

Genesis 1:1

Soo ꞌudechoo wheꞌ whuditꞌen whe Yakꞌusda (Elohim) ndi yun ꞌinkꞌez yakꞌuz ꞌet ꞌuhóonla.

Genesis 1:28

ꞋEt Yakꞌusda (Elohim) soo hoonzoo-un ꞌubulhni ꞌinkꞌez Yakꞌusda (Elohim) njan ndubulhni, “Lhane cho nohuzkeh ooleꞌ, ndi yun doolhbun ꞌinkꞌez oomoodih uhli, lho, dutꞌai, nudilh-i cha ꞌinkꞌez ndi yun kꞌut ꞌusjiz-i cha tsꞌiyawh”.

Genesis 1:3

ꞋEt Yakꞌusda (Elohim) ꞌen ꞌutni, “ꞋEt njan be hootꞌen-i holeꞌ.” ꞋEt hootꞌen whuzdliꞌ.

Genesis 1:31

Yakꞌusda (Elohim) yaneꞌ yalhꞌen-i yunilhꞌen, tsꞌiyawh ꞌuyinla-i ꞌinkꞌez ꞌalha tube unzoo. ꞋEt hulhgha ꞌinkꞌez bundadaꞌ ꞌet bulh lhkꞌu tat dzin. ꞋEt tsꞌiyawh whunalhꞌen whe tube ooba hoonzoo. ꞋEt hulhgha ꞌinkꞌez bundadaꞌ ꞌet whulh lhkꞌu tat dzin suliꞌ.

Genesis 1:4

ꞋInkꞌez Yakꞌusda (Elohim) be hootꞌen-i yunilhꞌen, unzoo whe ꞌuntꞌoh ꞌinkꞌez be hootꞌen-i ꞌinkꞌez tsaholhgus bulh lhulcho ꞌuyinla.

Genesis 10:1

Ndunne ꞌenne Nowe ooyeꞌke tsꞌu haindene Shem, Ham ꞌinkꞌez Japheth, tsꞌiyawh buyeꞌke whuzdliꞌ dutadiltꞌo hukwꞌelhꞌaz.

Genesis 11:10

Shem huyulhni-un, ꞌen ootsꞌu ha yandene ndi ꞌi ꞌuntꞌoh: whunizyat whunizyai ꞌet be yus kꞌut (100) whe ooyeꞌ Arphaxad huyulhni, ꞌen ooyeꞌ suliꞌ dutadiltꞌo hukwꞌelhꞌaz nat yus kꞌut ꞌet whuzdliꞌ.

Genesis 2:3

ꞋInkꞌez Yakꞌusda (Elohim) whulh lhtakꞌantꞌit dzin ꞌet soo hoonzoo-un whulhtsi ꞌinkꞌez ꞌudun duba neooninla. Njan whulh lhtakꞌantꞌit dzin ꞌet nalyiz be ꞌutꞌen ꞌi tsꞌiyawh lhaoodinla ꞌet huwa, Yakꞌusda (Elohim) ndi ꞌuyinla ꞌi lhaoodinla.

Genesis 25:12

Ndunne ꞌenne Ishmael tsꞌu haindene: Ishmael ꞌen Abraham ooyeꞌ, Hagar Egypt whutꞌen-un, ꞌen Sarah yunat neꞌutꞌen-un, ꞌen ooyaz, ꞌen Abraham yughulhtsi-un ooyeꞌ.

Genesis 25:19

Ndi ꞌi Abraham ooyeꞌ Isaac ootsꞌu ha yandene. Abraham ꞌen Isaac oobá.

Genesis 36:1

Ndi ꞌi Esau tsꞌu haindene ghun, Edom huyulhni.

Genesis 36:9

ꞋInkꞌez ndi ꞌi Esau tsꞌu haindene Edom whutꞌenne bubá, Mount Seir huwhutꞌi.

Genesis 5:1

Ndi ꞌudustlꞌus, Adam tsꞌu haindene ghun ꞌuntꞌoh. Yakꞌusda (Elohim) ndet dzin ꞌuyinla dzin, Yakꞌusda (Elohim) ndotꞌen yulhtsi.

Revelation 1:4

Yun kꞌut Asia tsꞌe Yakꞌusda ba lhtakꞌantꞌit-un lhelhdun keyoh dune ꞌilhunaoodúlhne, nohni si John nohtsꞌo kꞌeꞌusges whe njan dudusni: Mbe la ꞌuntꞌoh ꞌinkꞌez ꞌantꞌeꞌ-un, ꞌinkꞌez whuz de tíyalh, ꞌen ye unzoo-i ꞌinkꞌez nedzi bet whudizghel ꞌinkꞌez lhtakꞌantꞌi nududeh-i Yakꞌusda yukꞌusda but ꞌuntꞌoh, ꞌenne cha ye unzoo-i ꞌinkꞌez nedzi ba dóghel-i oohtꞌeꞌ.

Revelation 1:8

NeMoodihti njan ndutni, “Si ꞌustꞌoh Alpha ꞌinkꞌez Omega usdli. ꞋUdechoo wheꞌ whuditꞌen-un ꞌinkꞌez ꞌetsul ꞌuwhutánelh-un, ꞌen ꞌustꞌoh. Mbe usdli ꞌinkꞌez ꞌistꞌeꞌ-un, ꞌinkꞌez whusatíyalh-un ꞌustꞌoh, ꞌinkꞌez tsꞌiyai-i anus ulhtus-un ꞌustꞌoh.”

Revelation 11:17

ꞋInkꞌez ꞌuhutni, “O Yakꞌusda neMoodihti ꞌukꞌenus ulhtus-un inli. Mbe inli, ꞌinkꞌez mbe ꞌantꞌeꞌ, ꞌinkꞌez mbe whuz de tíyalh-un inli. Ndai be ílhtus-i cho ílhchoot ꞌinkꞌez lerwe inleꞌ ꞌet huwa. Musi ntsꞌuyútni.

Revelation 16:5

ꞋEn lizas za njan nduti whe dustsꞌo, “O neMoodihti tsꞌihꞌun ꞌintꞌoh. Nyun ꞌintꞌoh ꞌinkꞌez nyun ꞌantꞌeꞌ ꞌinkꞌez lubeshi ooghu hooloh-un inli. Whuz unꞌa huba nahizínya ꞌet huwa.