Genesis 2:19 - Yak'usda Ooghuni

¹⁹ Ndi yun kꞌut ꞌet Moodihti Yakꞌusda (Yahweh Elohim) tsꞌiyai khuna-i, dutꞌai ndo yat nudilh, ꞌi tsꞌiyawh Adam tsꞌun nebuninla, ꞌet ntsꞌenꞌa hubootazih ha. ꞋInkꞌez ntsꞌenꞌa hubonziꞌ, ꞌi huboozi suliꞌ.

Genesis 2:19 Iomraidhean Croise

Genesis 1:28

ꞋEt Yakꞌusda (Elohim) soo hoonzoo-un ꞌubulhni ꞌinkꞌez Yakꞌusda (Elohim) njan ndubulhni, “Lhane cho nohuzkeh ooleꞌ, ndi yun doolhbun ꞌinkꞌez oomoodih uhli, lho, dutꞌai, nudilh-i cha ꞌinkꞌez ndi yun kꞌut ꞌusjiz-i cha tsꞌiyawh”.

Genesis 6:20

Ndai la ndo nudilh-i dundultꞌoh-i, yun nulhꞌas-i dundultꞌoh-i cha, ꞌinkꞌez yun nutsꞌeh-i dundultꞌoh-i cha, nanki dundultꞌoh-i tsꞌiyawh ntsꞌun tidulh, hutinalh wheni.

Genesis 9:2

Ndi yun kꞌut khuna-i tsꞌiyai huye ntiljut, dutꞌai cha ndi yun nuhutnah-i ꞌinkꞌez lho cha tsꞌiyawh nohla kꞌez be huwantꞌai.