Genesis 2:17 - Yak'usda Ooghuni

¹⁷ Ndi duchun be tꞌeoonudzun-i, ndet hoonzoo-un, ꞌinkꞌez ndet hoontsiꞌ-un, ꞌi oomaiꞌ ꞌaw lhuzonꞌal. Ndet dzin inꞌal-un, ꞌalha datantsah.”

Genesis 2:17 Iomraidhean Croise

Genesis 2:9

Njan yun kꞌut Moodihti Yakꞌusda (Yahweh Elohim) tsꞌiyai duchun nulꞌen huba nzoo-i ꞌinkꞌez ꞌutꞌalh huba nzoo-i ꞌainanla. Duchun oogha tsꞌukhuna-i cha whuniz ha nuyeh yun ꞌet ꞌuyinla. ꞋInkꞌez ndi duchun be tꞌeoonudzun ndet hoonzoo ꞌinkꞌez ndet hoontsiꞌ ꞌet cha.

Genesis 20:7

ꞋAndit ꞌet huwa ndun tsꞌeke ootlꞌaꞌ nayilhtih, nus hooꞌen-un dune ꞌuntꞌoh, ꞌinkꞌez si mba tenadoodli ꞌinkꞌez khonaꞌ. ꞋAw ootlꞌa nalhuyilhtel de, ꞌalha dantantsah whe ꞌintꞌoh ꞌinkꞌez mbene la nchꞌeꞌ unline ꞌenne cha tsꞌiyawh.”

Genesis 3:11

ꞋInkꞌez ꞌuyulhni, “Mbe ꞌunyulhni ꞌustꞌet ꞌintꞌoh, duchun oomaiꞌ uhꞌalh junih nohdusni-i eh uhꞌal?”

Genesis 3:17

ꞋEt Adam ꞌulhni, “Nꞌat oozalhtsꞌaiꞌ ꞌet huwa ꞌinkꞌez ndi duchun oomaiꞌ, ‘Onꞌalh junih,’ nyudusni, inꞌal ꞌet huwa, nyun mba ndi yun ꞌi ookehida, ꞌutꞌen be ootsꞌu huyukat-i tanꞌulh yun ka tandalh ndwhulyiz whe.

Genesis 3:19

Nyunin tsꞌu halhdzilh whe ꞌutꞌalh-i onꞌalh, yun natandleh whutsꞌun. ꞋI ootsꞌu hainzut. Lhez ꞌintꞌoh ꞌinkꞌez lhez ꞌi tsꞌun natandleh.”

Romans 1:32

ꞋEnne dune ꞌet ndutꞌénne dahútitsah wheꞌ hoontꞌoh. Njan tꞌehonínzun ꞌet hoontsꞌi, whuz unꞌa za ꞌuhitꞌelh. Mbene la buba hóontꞌiꞌne, ꞌenne cha Yakꞌusda tsꞌihꞌun unꞌa buba nahutiyeh.

Romans 6:16

ꞋAw tꞌewhunuzúhzun? ꞋEt ꞌilhoghun dune ootlꞌáꞌ dudilhya de, ndet hukwaꞌ ninzun-un ꞌoh teneꞌ tihtꞌen, ꞌet de ꞌen be ꞌulhna ꞌahtꞌoh. ꞋEt whuz unꞌa za lubeshi ootlꞌáꞌ dudilhya de, lubeshi be úlhna ꞌahtꞌoh, ꞌinkꞌez ꞌilhiz wheni kwuncho yo ꞌet tsꞌu tihdulh, ꞌi nohba kꞌelha tileh. ꞋEt hoontsꞌi Yakꞌusda ootlꞌáꞌ dudilhya de, Yakꞌusda be ꞌulhna tihleh, ꞌinkꞌez Yakꞌusda nohdutánelh tsꞌihꞌun ꞌahtꞌoh, ꞌet whuz unꞌa nohba kꞌelha whutáleh.

Romans 6:23

Lubeshi ꞌutsꞌalhꞌen-un, ꞌi kꞌelha daztitsah. ꞋEt hoontsꞌi neMoodihti Jesus Christ, ꞌen gha Yakꞌusda ꞌilhiz be tsꞌuhutinalh-un, ꞌet ꞌantsꞌi negha óoninꞌai.

Romans 8:2

Ndoni gha ꞌilhiz hutisnalh whe Christ bulh ꞌilho usli, ꞌinkꞌez Ndoni ookꞌoh tsꞌe ookꞌuneꞌ ꞌustꞌen-un ꞌi be lubeshi chꞌa nasulhti. ꞋEt huwa ꞌaw dalhtuzisa.

1 Corinthians 15:22

ꞋEt Adam ꞌen gha tsꞌiyanne yatsꞌadlah, ꞌet whuz unꞌa Christ, ꞌen za dunabudile ꞌinkꞌez nahuhítnaih.

1 Corinthians 15:56

Ndi bé datsꞌutsah-i, ꞌi lubeshi ꞌi gha ꞌuhooja. ꞋInkꞌez Moses ooghuni kꞌuz ninyuz-un, ꞌi be tꞌetsꞌonanzin lubeshi dáltus whe ꞌuntꞌoh.

Galatians 3:10

ꞋEt Moses be ꞌudustlꞌus yutꞌa ninintanne, ꞌenne tsꞌiyawh Yakꞌusda musai butilhtselh-un, ꞌet whutsꞌeꞌ hutꞌen. ꞋEt ndiz unꞌa ꞌukꞌehóoguz whe ndutni, “Moses be ꞌudustlꞌus, ꞌukꞌeyanguz-i, ꞌi tsꞌiyawh mbene la tsꞌiyawh hikꞌu nulheꞌustꞌen de, ꞌet de musai ubutilhtselh-un, tsꞌiyawh huwhutiꞌelh.”

Ephesians 5:14

ꞋEt huwa njan ndutni, “Mbe ꞌusti-un tsꞌenindzit! Yaidlane toh dunadindaih. ꞋEt de la Christ ootsꞌu ha yánduz-i, ꞌi nkꞌédodi.”

Colossians 2:13

ꞋInkꞌez nohni nintaꞌahtꞌih-un ꞌinkꞌez nohyustꞌe kꞌut ꞌaw lhunohuhítꞌus, ꞌet huwa dazahtsai whe ꞌahtꞌoh. ꞋEt hoontsꞌi ꞌandit ꞌen bulh nakhíhtnaꞌ whe ꞌahtꞌoh. Tsꞌiyawh whe tankꞌus ꞌútsꞌitꞌen-un neba whula ditni.

1 Timothy 5:6

ꞋEt hoontsꞌi tsandilhne, dichꞌoh dukꞌunꞌa za whe ndi yun kꞌut usda, nduntꞌohne hukhuna whe dahuzsai wheꞌ hintꞌoh.

James 1:15

Ndutsꞌutꞌen de, ꞌet ntsꞌenꞌa la hukwaꞌ ꞌuzninzun kꞌunꞌa whe lubeshi ꞌutsꞌulhꞌih-un, ꞌet lubeshi wheditꞌiꞌ. Lubeshi ꞌutsꞌulhꞌen te, ꞌi gha datsꞌútsaih.

1 John 5:16

Mbe la bulhutsin lubeshi ꞌaw yukꞌé dalhtisah-i ꞌulhꞌen, yunilhꞌen de, Yakꞌusda yoodolhkut ꞌinkꞌez nyoon lubeshi ꞌaw yukꞌé dalhtisah ꞌulhꞌen-un, ꞌen hutinalh-un yugha óotaꞌalh. ꞋEt lubeshi ooghá daztitsah-i cha hoonli. ꞋAw ꞌet huba tenadondli lhduzúsni.

Revelation 2:11

Mbene ꞌuditsꞌone, Ndoni Yakꞌusda ba ꞌilhunaoodulhne, dája ꞌubulhni, ꞌenne huyoozólhtsꞌaiꞌ. Mbene la ꞌutꞌen ntsiꞌ-i chꞌaꞌ nilhdene, ꞌet dune whúlh nat dahútitsah-un, ꞌi be ꞌaw hundódah ꞌaitꞌoh.”

Revelation 20:14

ꞋEt be yátsꞌadlah-i ꞌinkꞌez Hades bulh njan sulphur be dizkꞌun-un bunghun ndúwhulcho-un tsú bodalhdil. Njan ꞌet whulh nat yatsꞌitádlah-un ꞌuhoontꞌoh.

Revelation 20:6

Mbene la njan ꞌudechoo dune dunadutádulh-un bubulh ꞌuhooja de, ꞌenne ꞌukꞌenus hoonzoo-un bugha whútaltsꞌulh, ꞌinkꞌez lubeshi ooghu hootalohne hutileh. ꞋInkꞌez whulh nat dune yaitádlah-un, ꞌaw ꞌenne buba lheꞌhóotꞌoh. ꞋEt kꞌus Yakꞌusda ꞌinkꞌez Christ bulubret hutileh ꞌinkꞌez 1,000 yus kꞌut huyulh moodih hutileh.

Revelation 21:8

ꞋEt hoontsꞌi mbene la whénuljutne, ooba ꞌalhaꞌ lheꞌhóotꞌohne, hubaꞌ whuninzun tuneꞌ ꞌutꞌenne, neghanne cha, hoontsiꞌ túneꞌ ꞌutꞌenne, duyunne, ꞌukꞌeltsi tsꞌun tenadudline, ꞌinkꞌez whutsꞌitne cha, ꞌenne tsꞌiyawh nyo bunghun dúwhulcho-un kwun sulphur be dizkꞌun-un, ꞌet ꞌuwhutitꞌelh. ꞋEt whúlh nat yatsꞌitádlah-un ꞌuhoontꞌoh.”