Genesis 19:7 - Yak'usda Ooghuni

⁷ ꞋInkꞌez ꞌutni, “ꞋAwundooh sulhutsinke, tube hoontsiꞌ ꞌet dohneh junih!

Genesis 19:7 Iomraidhean Croise

Genesis 19:4

ꞋEt yun nehutilgwulh whutsꞌo nyo keyoh whuduneꞌne tsꞌiyawh dunetine cha ꞌinkꞌez chilke cha tsꞌiyawh nyo yoh whunahusguz.

Genesis 19:6

ꞋEt Lot dati butsꞌu teninya yoh danaꞌdintan.

Genesis 19:8

Whunulhꞌen ꞌandit nane stseꞌke ꞌaw dune tꞌenuszunne ꞌustꞌi, ꞌenne nohghu tebostelh ꞌinkꞌez ntsꞌe hukwaꞌ nuhzun kꞌunꞌa neꞌboolhꞌen sih. ꞋAntsꞌi ndunne dune ꞌenne butsꞌa ha lhuzohꞌai, njan ꞌet huwa ꞌandit syoh dahuninꞌaz wheꞌ hintꞌoh.”

Acts 17:26

ꞋInkꞌez ꞌilhoghun dune ꞌen la toh tsꞌe za yun kꞌut didowhne tsꞌiyanne ꞌulya inleꞌ. Yakꞌusda nkede ndi yun dune ꞌutilelh ꞌinkꞌez ntsꞌe huwhutitꞌelh-un, ꞌet whutso tꞌewhunínzun. ꞋEt whe ndi yun kꞌut ndulcho whe huwhutꞌi suliꞌ.

Romans 1:24

ꞋEt huwa Yakꞌusda bula ditni whe hukwaꞌ huninzun kꞌunꞌa la yinka hudóltsꞌiꞌ. ꞋUtꞌen dutsun-i ꞌuhulhꞌen. Lhtoh duyustꞌe hukwayá hoonli hiye neꞌutꞌen.

Jude 1:7

ꞋEt whuz unꞌa ndunne Sodom ꞌinkꞌez Gomorrah whutꞌenne, whunat whuduneꞌne, ꞌenne cha, ꞌet whuz unꞌa za bukꞌoh tsꞌe ꞌuhutꞌen. ꞋUtꞌen dutsun-i ꞌuhulhꞌen, ꞌet wheni dichꞌoh whutlꞌaꞌ hududilya. Tsꞌiyai didowh-i bulh nintaꞌhutitꞌih ndi kwun ꞌaw nalhnusne-i, ꞌi be dzoh nuhudeh wheꞌ hoontꞌoh. ꞋEnne bugha tꞌetsꞌonanzin.