Genesis 19:5 - Yak'usda Ooghuni

⁵ ꞋInkꞌez Lot hitsꞌu huyih ꞌinkꞌez ꞌuhuyulhni, “Nyoonne dune ꞌandit nghu daninꞌazne ntsꞌe ꞌuhintꞌoh ndiz tꞌebunilhtih ꞌet ꞌinkꞌez sih tꞌebuznoozeh.”

Genesis 19:5 Iomraidhean Croise

Genesis 19:6

ꞋEt Lot dati butsꞌu teninya yoh danaꞌdintan.

1 Corinthians 6:9

ꞋAw tꞌeoonuzahzun Yakꞌusda whe lerwe unli-un, ꞌet mbe tsꞌihꞌun lheꞌitꞌohne, ꞌenne ꞌaw bugha lhuhootasꞌal? Khun nohnichꞌoh naꞌdunoohtꞌah junih! Mbe dune tsꞌeke bulh lubeshi ꞌulhꞌenne, kꞌus ꞌukꞌeltsi ooba ꞌalhaꞌ ꞌuntꞌohne, kꞌus mbene la lhghu dilhtsꞌine lubeshi tsꞌu nintꞌine hinli, kꞌus dudulh dunene hoontsiꞌ kꞌunꞌa bulh nintaꞌutꞌihne ꞌinkꞌez tsꞌekoo dudulh tsꞌekoo bulh nintaꞌutꞌihne,

1 Timothy 1:10

tsꞌekoo kꞌus dune bulh nintaꞌutꞌihne, whulohne dune dudulh dune tsꞌun bubeni untsiꞌne cha, dune ꞌulhnane cha, whutsꞌitne cha, dichꞌoh dughuni kꞌunuyuzne cha, ꞌenne Moses be ꞌudustlꞌus bubaꞌ yilya. Yakꞌusda ooghuni unzoo-i, ꞌi tsꞌiyaitsuk unzoo whe dune whubodulhꞌeh. ꞋEt ꞌudun huwa tsꞌihꞌun khuni huyodilꞌeꞌ-i, ꞌi hichꞌaz ditni de, ꞌenne cha bubaꞌ yilya.

2 Timothy 3:13

ꞋEt dune ntsiꞌne, ꞌuyoon naꞌdudilꞌíne, ꞌenne ꞌon nus hintsiꞌ tileh ꞌinkꞌez ꞌon ꞌun cha hintsiꞌ hutileh. ꞋEt ꞌuyoonne nahuntiꞌah ꞌinkꞌez dichꞌoh cha naꞌhunduntitꞌah.

2 Peter 2:2

ꞋInkꞌez khuni duwhutsꞌit-i be lhane nahuntiꞌah bubuhuntoodilh ha. ꞋEt huwa ꞌenne bugha ꞌuyoonne njan Yakꞌusda buznidulh-un, ꞌet tsꞌuwhutsꞌit whe ꞌutsꞌutꞌen, hudutinelh.

2 Peter 2:7

ꞋInkꞌez ndun tsꞌihꞌun dune Lot, ꞌen keyoh whudutákꞌun whutso ꞌet whuchꞌa Yakꞌusda oolizas huyúlhyih. Nyoonne butoh indaꞌne, ꞌenne bube ꞌutꞌen kꞌoh whudutsun-un huwu ni inleꞌ.

Jude 1:7

ꞋEt whuz unꞌa ndunne Sodom ꞌinkꞌez Gomorrah whutꞌenne, whunat whuduneꞌne, ꞌenne cha, ꞌet whuz unꞌa za bukꞌoh tsꞌe ꞌuhutꞌen. ꞋUtꞌen dutsun-i ꞌuhulhꞌen, ꞌet wheni dichꞌoh whutlꞌaꞌ hududilya. Tsꞌiyai didowh-i bulh nintaꞌhutitꞌih ndi kwun ꞌaw nalhnusne-i, ꞌi be dzoh nuhudeh wheꞌ hoontꞌoh. ꞋEnne bugha tꞌetsꞌonanzin.