Genesis 19:3 - Yak'usda Ooghuni

³ ꞋEt tube cho ꞌubulhni, ꞌet huwa hiyoh highu daninꞌaz ꞌinkꞌez hiyuꞌalh-i bugha ninꞌai ꞌutꞌalh-i bulh yuntuldoh-i yit ꞌinkꞌez ꞌi cha bubaꞌ yinla ꞌinkꞌez ꞌuhanꞌal.

Genesis 19:3 Iomraidhean Croise

Genesis 19:2

ꞋInkꞌez ꞌutni, “Njan whunulhꞌen smoodihne nohba ꞌutꞌen-un ooyoh tsꞌe uhꞌus ꞌinkꞌez ꞌulhdzis ꞌet oohtez sih ꞌinkꞌez nohke tunaoohgus ꞌinkꞌez bundadaꞌ ꞌudaꞌ cho duduhꞌaz ꞌinkꞌez sih toohꞌas.” ꞋEt ꞌuhuyulhni, “ꞋAwundooh ꞌet hoontsꞌi ꞌandit ꞌulhdzis ꞌet ꞌaz uztitez.”

Genesis 21:8

ꞋEt tsꞌoodun nuyeh ꞌinkꞌez ꞌulhtuk-un ꞌetsul ꞌuja ꞌet dzin ꞌet Abraham dune ghu nusuya.

Genesis 24:31

ꞋEt ꞌuyulhni, “Daninyaih Moodihti (Yahweh) dawhuldzooꞌ-un oogha whultsꞌut! Di ha dati sinyin? Yoh lhaoodusla ꞌinkꞌez khuna-i, Camel, cha ba lhaoodusla.”

Genesis 26:30

ꞋEt bughu nusuya ꞌinkꞌez ꞌuhanꞌalh ꞌinkꞌez tahitnaiꞌ.

Luke 11:8

ꞋEt nohdusni, ꞌaw dunadojaꞌ ꞌaitꞌoh ꞌinkꞌez hoonli yugha óoꞌalh ꞌaitꞌoh, ookꞌeke-un ꞌuntꞌoh. ꞋEt hoontsꞌi whuz yoodulhkut za ꞌuyulhni, ꞌet huwa dunadutádalh ꞌinkꞌez ndai yukaꞌ ninzun tsꞌiyawh yugha ítalelh.

Luke 14:23

ꞋEt moodih dude ꞌulhna-un ꞌulhni, ‘Ti whucho tsꞌe inyalh ꞌinkꞌez ti whuyaz cha tsꞌe inyalh ꞌinkꞌez diz hutoodilh hukwa bilhꞌen, ꞌet de la syoh whudoobun.

Luke 5:29

ꞋEt Levi duyoh tsꞌe Jesus ba hooncha whe dune gha náꞌuntai. ꞋEt sooniya ꞌilhunaoosꞌaihne huldlai. ꞋInkꞌez ꞌuyoonne cha lhane bubulh ꞌet dilhtsꞌi.

John 12:2

ꞋEt hulhgha naꞌtitꞌulh wheni hiba lhadúja. Martha ꞌen buba hukwꞌeꞌile. ꞋEt Lazarus ꞌen cha bubulh naꞌutꞌalh.

1 Corinthians 5:8

ꞋEt huwa tsꞌonólhni whe ꞌalhgoh naꞌtsꞌootꞌalh leꞌ tsꞌootꞌen, ꞌaw lhes ilhjut-i bulh iloh. Ndi lhes ilhjut-i, ꞌi hoontsiꞌ-un ꞌinkꞌez lubeshi ꞌutsꞌulhꞌen-un ꞌi kꞌunꞌa ꞌuntꞌoh. ꞋEt hoontsꞌi ndi ꞌandit lhes lhuntíldoh-i, ꞌi ꞌuntꞌoh be tsꞌihꞌun ꞌuhoontꞌoh ꞌinkꞌez khuni ꞌalhaꞌ ꞌuntꞌoh-i kꞌunꞌa ꞌuntꞌoh.

2 Corinthians 5:14

Christ ye nekꞌensiꞌ-i, ꞌi be ꞌon nus úzdunultꞌi ꞌet huwa. ꞋIlhoghun tsꞌiyanne ba dazsai de, ꞌet de tsꞌiyanne yahadlah leꞌ hintꞌoh, ꞌet whuz unꞌa tꞌetsꞌoninzun.

Hebrews 13:2

Mbene whutsodaꞌ lhuzihꞌenne, hoonáhtꞌiꞌ whe nohyoh dáboohlelh. Whulohne lizasne tilah ꞌuhintꞌoh ꞌaw tꞌeoonuzahzun ꞌet huwa.