Genesis 19:21 - Yak'usda Ooghuni

²¹ ꞋInkꞌez ꞌet ꞌuyulhni, “Whunilhꞌen tube nla ꞌusja wheꞌ hoontꞌoh njan keyoh whuyaz ꞌaw gak hooselh ꞌaitꞌoh huwu yailhduk-un.

Genesis 19:21 Iomraidhean Croise

Genesis 12:2

Tube didoh-un ncha-un nyutiselh, soo hoonzoo-un ntsꞌun tiszooꞌ ꞌinkꞌez nyooziꞌ cha ncha tiselh. ꞋInkꞌez ꞌuyoonne ba soo hoonzoo-un bugha hóotaltsꞌulh ꞌintꞌoh nyutiselh.

Genesis 18:24

Khun te kwulat whunizyane (50) dune, ꞌenne tsꞌihꞌun dune hinli njan keyoh whutoh ꞌet. ꞋEt cha eh tsꞌiyawh gak butalhtselh ꞌinkꞌez buyun kꞌut ꞌet cha eh gak whutalhtselh? Kwulat whunizyane ꞌet hudilhtsꞌi hoontsꞌi?

Genesis 19:20

ꞋAndit whunulhꞌen njan keyoh whuyaz ꞌet nilhdukw wheꞌ hoontꞌoh, whuz toosyaꞌ, ꞌet de la szul khoonaꞌ.”

Genesis 19:22

Soo ꞌa ꞌududilyih! ꞋAw hoonli oosneh ꞌaitꞌoh ndet la keyoh ninya whutsꞌun.” ꞋEt huwa nyo keyoh Zoar huwhutni.

Genesis 4:7

Soo ꞌantꞌen, ꞌaw lakw ꞌuyoo neba lheꞌhootazooꞌ? ꞋEt ꞌaw soo lheꞌzintꞌen de, ꞌutꞌen untsiꞌ-i dati ꞌusꞌai whe ꞌuntꞌoh. ꞋInkꞌez nkaꞌ ninzun whe ꞌuntꞌoh, ꞌet hoontsꞌi whuchꞌa whumoodih ꞌonleꞌ.”

Matthew 12:20

ꞋAw tlꞌoghazilh nisdus-i, ꞌi kꞌidóchꞌas ꞌaitꞌoh. ꞋAw too dizkꞌun ꞌawet nanutneh-i, nainoolhneh ꞌaitꞌoh. Yakꞌusda lubeshi ba nahuyeh ꞌet whutsꞌun whuchꞌaꞌ tilhde de, whuz unꞌa za sYeꞌ ꞌutitꞌelh.

Luke 11:8

ꞋEt nohdusni, ꞌaw dunadojaꞌ ꞌaitꞌoh ꞌinkꞌez hoonli yugha óoꞌalh ꞌaitꞌoh, ookꞌeke-un ꞌuntꞌoh. ꞋEt hoontsꞌi whuz yoodulhkut za ꞌuyulhni, ꞌet huwa dunadutádalh ꞌinkꞌez ndai yukaꞌ ninzun tsꞌiyawh yugha ítalelh.

Hebrews 2:17

ꞋEt huwa dudulhutsinke kꞌunꞌa tsꞌiyantsuk whuz unꞌa dune kꞌunꞌa ꞌoolneh hubaꞌ hoontꞌoh. ꞋEnne buba lubret ꞌukꞌenus diztiꞌ-un tileh, ꞌet whe Yakꞌusda ooba bugha teꞌninzun ꞌinkꞌez ꞌaw bula dootnih ꞌaitꞌoh. ꞋEt whuz unꞌa Yakꞌusda ooba neꞌutꞌen. ꞋEt buba dazsai-un huwa lubeshi ꞌulhꞌenne Yakꞌusda buba ꞌun whutoolhdilh, ꞌet de soo cho buka naítatꞌelh.