Genesis 19:12 - Yak'usda Ooghuni

¹² ꞋInkꞌez nyoonne dune Lot ꞌuhuyulhni, “ꞋAw eh ꞌuyoonne cha njan hooloh? Nghundan, nyeꞌke, ntseꞌke ꞌinkꞌez mbe njan keyoh dilhtsꞌi tsꞌiyawh whusabinle!

Genesis 19:12 Iomraidhean Croise

Genesis 19:11

ꞋInkꞌez nyoonne ꞌaz dati higha nane tsꞌiyawh huhoos̱ꞌen hubuhulhtsi nchane ꞌinkꞌez ntsoolne tubulh, nyoo dati nahuyotan ꞌaitꞌoh kꞌet nehunintsai.

Genesis 19:13

Sdabe cha ꞌuwhudija njan keyoh hoontsiꞌ huwu yaduk, ꞌet huwa njan gak tsꞌotilhtselh. Moodihti (Yahweh) whunilhꞌen whe, ꞌen Moodihti (Yahweh) ꞌen ndiz netilhꞌaꞌ njan gak tsꞌotilhtselh ha.”

Genesis 19:14

ꞋEt Lot teninya ꞌinkꞌez dughu ndankene ootseꞌke ghu dilhtsꞌine, ꞌinkꞌez ꞌubulhni, “Duduhdilh, njan whuchꞌa suhdilh! Moodihti (Yahweh) njan keyoh gak whutilhtselh!” ꞋEt ooghundankene ꞌenne buba ꞌantsꞌi la ꞌutni huninzun.

Genesis 19:17

ꞋEt ꞌuhooja tsꞌiyawh teboninla hiyulhni, “Soo ꞌa tulhghas ꞌududoolhyih sih! Khun te kꞌoh naitohtꞌen junih, kꞌus njan ꞌet te dolhtsꞌiꞌ junih, dzulh kꞌuz tsꞌe uhdulh doo ka sih gak oohleꞌ!”

Genesis 19:22

Soo ꞌa ꞌududilyih! ꞋAw hoonli oosneh ꞌaitꞌoh ndet la keyoh ninya whutsꞌun.” ꞋEt huwa nyo keyoh Zoar huwhutni.

Genesis 7:1

ꞋEt whe Moodihti (Yahweh) ꞌen Nowe ꞌuyulhni, “Nyuzkeh cha, nyunchꞌoh cha, mbene la nyoh whutꞌine tsꞌiyawh ndi tsꞌi cho behdilh, daintꞌoh la tsꞌihꞌun dune inli, ndi ꞌandit dune toh ndoh whuya hoozulh dune toh daintꞌoh la tsꞌihꞌun dune inli-un ꞌet whunusꞌen.

2 Peter 2:7

ꞋInkꞌez ndun tsꞌihꞌun dune Lot, ꞌen keyoh whudutákꞌun whutso ꞌet whuchꞌa Yakꞌusda oolizas huyúlhyih. Nyoonne butoh indaꞌne, ꞌenne bube ꞌutꞌen kꞌoh whudutsun-un huwu ni inleꞌ.

2 Peter 2:9

Mbene Yakꞌusda énuljutne, ꞌenne lubeshi ꞌuhulhꞌen whutsꞌó nintꞌi, ntsꞌenꞌa whuchꞌa nabutálelh-un, ꞌet neMoodihti tꞌeooninzun. ꞋInkꞌez tsꞌihꞌun lheꞌítꞌohne, ꞌenne cha ndet dzin buba nahutiyeh-un, ꞌet whutsꞌun bubeꞌ whuyah-un, ꞌet buboontun.

Revelation 18:4

ꞋEt doo cha ndus de yakꞌuz tsꞌe ꞌuwhutni whudástsꞌo whe njan duwhútni, “Sduneꞌne ootsꞌu ha náhdilh doo ka si ꞌen bulh lubeshi oolhꞌen. ꞋInkꞌez doo ka si ndi dune ye dzoh nudeh-i, ꞌi nohghá doltsꞌit.